Hit hinebe afuni kweangma mene logoilepma re, it afuni kweangma mene nen he, it he, nit ninagoromi, iluk inendawinggen hundik hilinghinabilep meneat he, hit hinebe it afuni kweangma mene were'ma wenakhinafigisik wokhinafisigi'mo re, hinebe it mene welagep fuk. Andi nen he, inabit mondok hilinghinabi'lagwi o.
KOLOSE 2:20 - Allah Wene Fano Wene Hupla Inane20-21 Hit Kristus hinom hundik logolik wa'lagagip andi nen, munggwarengge obabut weak mene kweangma yoma enggi fisogo welagarek mene a'nogo nen hinebe hele warogo fethinarek were'ma, Allah nen hele fikhalhinafikhe andi. Meneat he, hit hinobabut it ekhe kweangma inobabut inetogat logolik hilingitarek hagat hilingiti lagep andi nenahalok? It andi nen he, ”Yi mene ti mene ekhe hinenggi ninghogo fakfigik, uphogo fakhigik, ekhe enduk mikhigik, ugubo,” iluk komorinafunem nenahalok hologo hilingiti lagep? အခန်းကိုကြည့်ပါ။ |
KOLOSE 2:20
19 ပူးပေါင်းရင်းမြစ်များ
Mene re, an yi mene ti mene faget fogerakhagain mondok nabiro. We, ninoe Enupogot Yesus Kristus eba menfuluk watukwa mene a'nogo faget enek fogerakhamo elok. At ebe watukwa andi nen, afuni kweangma inobabut inetogat logolik hilingitarek mene andi arat mabenetfisasikhe anggigi. Halok he, afuni wa'la'luk, yi mene ti mene hilingisugun oba inonggot agarek hak, afuni inobabut inetogat logolik hilingitarek mene a'nogo inonggoret fisasigi andi.
At Kristus nen, ninunggul enu Yahudi mene inom, endakwe mene inom, pire andem welagaikhe meneat, at ninom hunogo misigat ninobagaluk ninunggulenu misigat ket mene lambulogo ninobagaigeluk he, wene Allah nen komorogo ”Yi'nogo hilingi'no, ti'nogo hilingi'no,” iluk yaganisasikhemo wene palek werek mene andi sebelfisikhi logolik, ninom hunogo ninobagasikhe andi.
Wene at Allah nen komotninafikhe wene a'nogo, niren herakfisaluk weak hilingitu mondok welagagu mene andi, palegengge ninoba welagarek andi hak yi wene ti wene enggin mene ninoba were'ma, Yesus ebe eba menfuluk wati logolik posiemanggen warogo fesukwa andiba, Allah nen wene andi wurep kobokhogo arat legetfesikhe.
Andi nenat, it afuni ekhe nen he: ”Sumburu, i, yi mene nenggarek mene ti mene nenggarek lek mene,” igik, ”Mo yiba pugu halok, tiba lagagu halok, yi'nogo hilingisu mene,” igik, ”Tugi folelhu halok, yi'nogo hilingisu mene,” igik, ”Inenggi Allah faget weat logolik, yi'nogo hilingisu mene,” igik, ugu kwelek, hit hesangge hilingitunem wene andi mene faget wene hinoba fogoin lek.
A'nogo ugu were'ma, afuni ekhe inendawimo wenggelek mene hak, wene we mene ineranhogoat yagahisikhi logolik, lalhinabinogo iluk he, hinobabut hebelogo logoino o. Wene andi re, Kristus nen isikhe mene higithogo ili'lagwi fuk. We, afuni ta'larik-ta'larik wagu kwelek, inombalagen he: ”O yoma yi mene ti mene himbirengge re, munggwarengge inobabut weak mene andi aro,” iluk ikhi lagaukwa mene higithogoat lalhinabi'lagwi andi.
A'nogo logogin andi nen he, it afuni ekhe nen yi wene ti wene hunogoat meneba lalhinabinogo. Nen, it afuni attagat inambe nenggarek mene faget esinet fuluk hilingiti lagaukwa andiba fano agi'le'ma re, ninendawinggen andiba wurik asugun elo'lego. We, Allah obabut fano nen wo'nisikherek andiba ninendawinggen fano wurik asugun o.
Hemi nen inaguni ineil salharek andi hak, Allah eil salogo hilingiti lagep andi re? Afuni kweangma mene yoma inobabut inetogat logolik hilingiri'lagwi mene andi hinom hundik welagep halok, Allah hinom weim palek hanggeat welagep andi, hinonggot nogo? Hit ekhe nen afuni kweangma yoma mene inobabut inetogat logolik hilingiri'lagwi mene andi hinom hunisuogeluk ikhi lagep halok he, hinonggwaregen at Allah hinom weim kagalhi lagebo.
ကြော်ငြာတွေ