KOLOSE 2:2 - Allah Wene Fano Wene Hupla Inane

² Hit hinendawinggen ago warogo logolik, hit-hit hinom hundik nendawi-hendawirogo logobagaigeluk a'nogo hilingiti lagio. Hit a'nogo logolik he: ”Wene andi eberogoat,” iluk, futfuluk menenei mondok ebeti'lek logolik, wene Allah endawimo hinago welagaikhe wene andi furogo hinelu asuguno. Wene andi re, Kristus ebe aro.

KOLOSE 2:2 ပူးပေါင်းရင်းမြစ်များ

1RAJA-RAJA 3:28

At Salomo nen wene andi higithogo pilingisogo tegetikhe andi nen, it afuni inunggulenu Israel mene inesanggo holhukwasik he, ”At Allah nen Salomo, yi wene ti wene higithogo tegeti logouwagaluk endawinggen kagalek mene wogotemo werek higi, ninailo e,” iluk Salomo inane agaukhogo fogeratukwa.

MAZMUR 133:1

Samban uogeluk lagakhi logolik Daud en wuni ikhi lagaikhe awuni. It Allah againafuri mene inebe misik seberogo welagaikharek mene andi re, mondok fano hilingi'mo re an he nagaiyego!

YESAYA 32:17

Afuni inebe lombogen he, eberogo mene nek hilingirik lagunem he, inenggi mondok-mondok andomaba fano liokhogo mondok welagik, inagaiyekhogo nek welagik, ikhi logogun.

YESAYA 40:1

Heisena Allah nen ikhi logolik he, ”An nunggulenu mene andoma re inendawinggen serogo logouwak serogo logouwak, ili'logo!

YESAYA 53:11

Andi faget he Tuhan nen ikhi logolik, ”Enggin-fenggin andoma mondogat heinet warogo hilingfembik, at agaiyekhogo oba liok igin o isikhe. An namingmingengge andi re An nendawimo anggigirek mene higithogo hilingite, afuni hokhorogo unggum hela mene re at amu nen wanhe. Nen at alisikhogo An nen it inaweak sebelogo leget fisikhi logogin.

YEREMIA 9:24

Sa nen amu mene faget ekhe endawimo nen fogerakhagain anggikhe halok he aren An nebe elu asimbik fut nobagakhi logolik fogerakhagain logouwak, nen An nen mondok-mondok faget nendawi hundik hilinginafi lagi mene andi faget inom, An nen eberogo weneba inom katokhogo hilingitarek meneba inom o kweangma mondogat omamet fikhi lagi mene andi faget aren elu aga halok enek he, fogerakhagain logouwak. Mondogat andoma a'nogo asigin halok ibi-eberogo nen he An nendawimo namolo anggigirek mene o. iluk An hineisena Tuhan nen nane mondogat igi,” ikhe isikhe.

MATIUS 11:25

A'nogo yagaisasikhesik he, o andi sambul he, at Yesus nen samban oba eisena Allah yagati logolik he, ”Allah Neisena o! Pogot kweang eisewerek menere hararo! Wene mondogat andi re, it afuni inendawimo kagalek mene inom, yi wene ti wene inelu mene inom, inelu asinogo iluk hinakfuluk he, it inobabut yenggerugwi ketago mene hangge nek he, fakhogo yagaisegen andi hendawimo hamolo anggegendigenat yagaisegen andi nen hai wathafi lagi o, Neisena,” iluk yagatikhe.

MATIUS 11:27

A'nogo yagatikhesik, it afuni omanogo mel yagaisasikhe: ”An neisena nen yi mene ti mene mondogat eisewerek logouwageluk wo'netikhe. Nen, an Allah amlogo yi afuni mondogat inonggot meneat he, neisena Allah amuat enek elu welagarek. Andi hak he, an neisena Allah andi, afuni mondogat inonggot meneat he, amlogo an namuat enek nelu welagirego. Nen, Allah amlogo anenat nendawimo anggaluk neisena ebe afuni ekhe inelu asuageluk fakhogo yagaisugunemat inelu agaikharego.

MATIUS 13:11

at Yesus nen he, ”Allah nen awe a'ma fisikherek wene andi, at endawimo hinago welagaikhe mene, hit enek he, hinelu asubagaigeluk, fakhogo yagahisagain anggasikhe meneat he, it afuni ekhe andi nek he, fakhogo yagaisagain lek, anggasikhe.

LUKAS 1:1

Teofilus noe e. Wene nit ninanggele'ma nen hilinglagaikhe a'nogo, it wene ebe eroba nen hilinglarik wagunem ineilenggen hasukwasik yagaisilik nikhi lagaukwa mene nen yaganisasukwa higithogo, it afuni ekhe inebe mondok hokhorogo nenat wene ebe lisu paluogeluk walhilik wagaukwa.

YOHANES 10:30

”Neisena nemberek ninebe re, misigaro,” iluk yagaisikhi lagaikhemo,

YOHANES 10:38

Meneat he, an nen hilingitu kwelegat, hit eberogoat iluk hinendawinggen an noba himbiret fou hinabit andi o. A'nogo hilingiti lagi mene andi eberogoat iluk futfeni o,” iluk a'nogo yagaisikhi lagaikhemo,

YOHANES 16:15

Yi mene ti mene neisena mene mondagat he, an mene andi nen he, Allah Areagun andi an nane wanimbik, hit yagahisikhi logogin iluk yagahisigi andi o,” iluk yagaisasikhe.

YOHANES 17:3

It afuni nen he, Allah ami amuat eberogo fogerasu mene werek iluk, hebe inelu agik, nen an Yesus Kristus laknobagai wagenma wagi mene yi nebe inelu agik, ili'lagwi andi re, ineluk mondok welagaikharek ero andi aro.

YOHANES 5:17

A'nogo isukwa meneat he, at Yesus nen wene mel yagaisasikhe: ”An neisena enggi ekhe kamo igi'lek, o yogondak yi inomat hilingnafu mondok welagarek hak, an a'nogoat higirinafu welagi o,” iluk yagaisasikhemo,

YOHANES 6:69

Niren he, ninoe hat Allah onggwarek faget menhobagaluk, eberogoat aren lakfagai wagaikhemo iluk, fut hobagagosik ninendawinggen hat hoba himbiret fogo o,” iluk a'nogo yagatikhemo.

KISAH PARA RASUL 4:32

It wene eberogoat iluk wanhukwa mene andi, inebe hokhorogoat he, inendawinggen misigat welagaukwa. Logolik he, inagarek yi mene ti mene mondogat, ”Yi an mene,” iluk igi'legat he, ”Ninebe mondogat ninagarek mene,” iluk, ikhi lagaukwa.

ROMA 15:13

”Hobuk fano asigin,” iluk ninendawimo ninagaiyek hogorek andi, ero at Allah nenat hilingninaferek. Hit a'nogo hinendawimo agaiyek hokhorogo hikhi logouwageluk Allah Areagun omameba hilinghinabuak. A'nogo hilinghinabuagen he, hinendawinggen at oba himbiret fesigip andiba himbiret fuluk were'ma, aren hinendawimo agaiyek hokhorogo hikhi logouwageluk hilinghinafik, hinendawinggen hambugethinafik, uago.

ROMA 16:25

Allah fogerati logouwogo! An nen fano wene Yesus Kristus hilingitikhe wene yagahisasigi hak, at Allah omame hokho mene a'nogo nen hinendawinggen wurigethinafi logogin elogo. Wene Allah endawimo mene andi, attagaren hinago welagaikhe mene re, yogondak Allah nen weinamet fesikhe.

ROMA 2:4

”At Allah obabut fano mondok, enago lioksek,” iluk, hinendawimo sebelfikhi lageba? Hit hinendawimo nen he, ”Allah obabut fano nen nit weak hilingiti lago mene herakfisaluk ninobabut hebelasuageluk, ninendawimo kagalherek,” iluk hinonggot nogo? Hinelu aro.

1 KORINTUS 14:31

Andi hagat he, hinebe mondogaren wene yanggulogo hinelu agik, hinendawinggen kagalagik, uogeluk he, hinebe mondogat misiktek-misiktek hobuk alep Allah ane fakhogo yagaisikhi logogun o.

1 KORINTUS 2:12

Niren he, afuni kweangma mene yoma inareagun wanhugu fuk. We, at Allah obabut fano nen wo'nisasikhe mene ninelu asuageluk he, at Areagun pelabi wagaikhemo helasugu o.

GALATIA 3:28

Wanhigipsik, hobugen he, hit mondogat he, Kristus Yesus hinom hundik logolik hinebe misigat mene welagep andi nen he, hit fena Yahudi mene, fena Yunani mene igik, fena inamingmingengge mene, fena inale'ma mene igik, fena hemi, fena ap igik, ikhi logogun lek.

EFESUS 1:7

A'nogo wo'nisasikhemo, ebe amep wulagaisogo watukwa andiba, ninonggo palogo telninafik, nit weak hilingiti lagagu mene legetfisigik, isikhe andi. At Allah endawimo kagalek logolik ninebe futninobagasikhesik he, obabut mondok fano a'nogo nen hokhorogo endawitninafikhe andi.

EFESUS 3:16

At Allah yi mene ti mene mondok fano mene enggi werek iluk u hak, fogeratu welagaikharek a'nogo nen, Areagun oba hinomamerogo hinendawinggen wuriget hinabuageluk ayonggo fikhi lagiat.

EFESUS 3:3

Wene at Allah endawimo hinago welagaikhe mene andi, an fakhogo yaganetikhe, iluk lisu katokhogo palogo yagahisasigi andi.

EFESUS 6:22

Nit ya logolik hilingiti lago mene hinelu a'luk he, hinendawinggen sebelogo logobagaigeluk hinoba lakfei wagi andi.

FILIPI 2:1

Nit Kristus ninom hundik logolik, aren ninendawinggen ago watninafik, ninebe endawirogo ninendawinggen sebelhik, Areagun ninom hundik logolik, lebetnisigik, ugu kwelek nit-nit agamhogo nendawi-hendawirogo hilingitorek andi nen,

FILIPI 3:8

A'nogo futfikhi lagi andi nek fuk. Noe Enupogot Yesus Kristus nelu agagi andi fano mondogaro. Yi mene ti mene hunogo mene hilingiti lagi andi, nong asigin mene hilingiti lagagimo iluk, futfikhi lagi aro. At ebe helambik he, ninom hundik mondok logouwogeluk, yabu alengge palogo wulak fisagarek hak, yi mene ti mene attak hilingiti lagagi mene andi: ”We meneat,” iluk herakfisasigi andi. Wene Allah nen komotninafikhe wene andiba, nonggwaregen higit hilingiti lagi fuk. It afuni ekhe inendawinggen Kristus oba himbiret fugunem, wene inoba mene korogo wokhaluk hobuk Allah inom hunogo fisikherek hak, an a'nogoat nendawinggen at oba himbiret fesigimo, wene noba welagaikhe mene korogo wokhasikhe andi.

KOLOSE 1:26

Wene andi, o endamat eroba nen yi tahun ti tahun hilinglaga logolik, afuni ekhe ti'larik-ta'larik wagu kwelek, Allah nen afuni yagaisigi'lek ineilmasirogo at endawimo hinago welagaikhe. Meneat he, yogondak nit at againafuri mene halok, sele'ma fakhogo yaganisasikhe andi.

KOLOSE 1:27

At Allah endawimo nen he, it afuni endakwe mene mondogat fano mondok hilinginabigin wene andi esin fogerasu meneat anggasikhesigen endawimo hinago welagaikhe mene, at againafuri halok sele'ma fakhogo yagaisageluk isikhe. Wene hinago mene andi ebere, Kristus hit hinendawimo werek halok, hobuk Allah nen fanothinafunem fogethinabugun andi aro.

KOLOSE 1:9

Hinabok a'nogo ugunem ninesanggo holhosik he, niren hit faget samban igik, Allah ayonggo figik, kamo igi'lek ugu mondogat welago. A'nogo ikhi logolik Allah Areagun en hinendawimo kagalhunem, hinendawimo mondok kagalogo wene futfuluk he, at Allah endawimo amolo anggikherek mene andi, hiren furogo hinelurogo logobagaigeluk ayonggo fikhi lagoaro.

KOLOSE 2:19

Ninebe yi ninunggul inom hundik were'ma, ninenggi nineisok enggalim ninomanggen oba hunogo ninobagasikhemo, ninamburu nunggunem amusu ninoak elekwe lagunem, ninebe hokho agorek hak, nit Allah againafuri Kristus ninom hundik were'ma, at Allah nenat hokhot ninobagaikherek andi. Meneat he, it andi a'nogo ninoe kain Kristus inom hundik welagaukwasigenat he, hobuk kobokogo lakfisasukwa andi nen, inane holhubo.

KOLOSE 3:14

A'nogo hilingiti logolik, ebe esin hangge re, afuni inebe hinendawirogo logoino o. Inendawirogo welagaikharek mene andiba re, hinebe misiga'luk lambulogo logou hagat logogun andi.

KOLOSE 4:3

Samban ikhi logolik, nit faget he, mel ikhi logoino: ”Allah nineisena. Wene Kristus nen hilingitikhe wene, attak hendawimo hinago welagaikhe mene a'nogo, it Paulus lagen yagaisilik nikhi logouwageluk, kwe hurisan o,” iluk, samban nit faget ikhi logoino o. Wene andi fagerat nenggi hele warogo nobagagama welagi.

KOLOSE 4:8

Hiren he: ”It inebe a'nogo werek higi,” iluk, wene hinelu asimbik he, hinendawinggen hambuk uageluk, andi fagerat hinoba lakfei wesigin andi.

1 TESALONIKA 1:5

Nit fano wene waluk yagahisa wagagu a'nogo re, ninaneba nek yagahisikhi lagagu fuk. We, Allah Areagun a'nogo ninendawimo logolik, omamerogo lebetnisugu kwelek, ninendawimo nen: ”Wene yi eberogoat,” iluk ninendawinggenma futfesugusigenat yagahisikhi lagagu andi. Nit o andoma ninom logolik, hit fagerat hilingiti lagagu a'nogo hineluaro.

1 TESALONIKA 3:2

Werek kwelek he, at ninagot Timotius, fano wene Kristus hilingitikhe wene a'nogo ninomat, Allah faget yagaisilik nikhi lago mene a'nogo, afuni nen yi enggin ti enggin hilinghinabi'lagwi andi nen, hit hinendawinggen Kristus oba himbiret fesigip mene abolok inogo iluk, hinendawinggen ago wathinafik, komothinafik ikhi logouwageluk hinoba lakfei wago andi o. Yi enggin ti enggin hilinghinabi'lagwi andi, Allah nen wena'ninafi logoligat: ”A'nogo hilinghinafi logogun,” iluk isikhe hagat hilingninabi'lagwi andi hineluaro.

1 TESALONIKA 5:14

Nerugwi nagaila'lak. Hiren he, it ekhe yabu wanhi'lek inaberali weak mene andi komorinafik, inailo mene andi komorinafik, inomame lek mene andi leberisigik, ikhi logolik he, afuni mondogat faget hinendawinggen uanhogo ebeti logoino o.

1 TIMOTIUS 3:16

Wene andi, nit Allah awe a'ma logolik eberogoat iluk anggogorek wene hinago welagaikhe mene Allah nenat fakhogo weinamet fesikhemo, ”Wene andi esin,” iluk fakhogo ikhi lago. Andi re: At Kristus ebe afuniat weinam agaikhe o. At Allah Areagun nen, ”At Kristus andi eberogoat,” iluk sele'mat fesikhe o. It malaikat Allah nen yonggo pelakfisa wagarek mene ineilenggen hasukwa o. Agoromi nen at hilingiti lagaikhe wene a'nogo yi afuni ti afuni endakwe mene yagaisilik lagaukwa o. Afuni o yi awi ti awi mene ekhe hokhorogo aren, ”At ebe eberogoat,” iluk, inendawinggen at oba himbiret fesukwa o. At Allah nen pogoroba fogeratu mondok welagaikhare'ma liakfesikhemo welagarego. Wene andi re, at Allah nenat weinamet fesikhemo fakhogo ikhi lago o.

IBRANI 10:22

At ebe andoma were'ma, nit ninendawimo nen he, ”Nit weak hilingito,” iluk ninendawimo menenei ebetorek mene fano hotninafik, ninagap ebene i elokhonggen fano meneba sobalninafik, isikhe andi nen he, ninendawinggen misigat at oba himbiret fuluk ninailo lekhogo, at oba horokhogo kwikhi logouwogo.

IBRANI 6:11

Nerugwi nagaila'lak. Nit ninendawimo ninamolo re, hit hinendawimo nen he, ”Allah nen nit fanotninabigin,” iluk hinendawimo hinagaiyek anggikhi lagep mene andiat anggikhi logombik, huli wurep oba eise asubagaigen he, hilingiti lagep andi hagat hinebe lombok hinomamerogo hilingitu mondok logogun ninamolo anggikhi lago o.

2 PETRUS 1:10

Andi nen he, nerugwi nagaila'lak. Hinebe Allah nen wenakhinafikhesik, hinayonggo fesikhe andi re, eberogoat hilinglasuageluk, hiren anggilukhogo hinomamerogo hilingiti logoino. A'nogo hilingiti logogun halok, hinendawinggen Allahba himbirik mene herakfisaluk wulibugun lego.

2 PETRUS 1:3

At Allah etok mondogat logolik, yi mene ti mene elalinat hilingitunem fogeratu mondok welagaikharek mene a'nogo nen ninayonggo fesikhe andi. Halok, niren at ebe furogo ninelu a'luk, nit ninebe nineluk logolik, at faget higithogo hilingiti logouwageluk, at onggwarek omameba yi mene ti mene wo'nisasikhemo eise agosik welago.

2 PETRUS 3:18

Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.

1 YOHANES 3:19

Niren ninobabut a'nogo hilingiti logolik, ninendawimo nen he, ”Nit ninebe Allah ebe mene againafuri welago,” iluk futfogoin. A'nogo futfikhi logolik, nit weak hilingito, iluk ninendawimo enggin welago halok, nit ninebe elo'lek menere, at Allah nek he, ebe hokho logolik, yi wene ti wene mondogat elu nek welagarek, iluk, at eilhanem ninendawimo serogo ninailo lekhogoat logoguno.

1 YOHANES 5:7

Yesus andi Kristus aro, iluk, afuni inebe henagan mene nen inane misigat fakhogo u hak he, Allah Areagun en fagetik, Yesus ebe ima pelafukwa andiba fagetik, amep wulagaisogo watukwa andiba fagetik, fakhogo weinam agaikhe andi.