KOLOSE 2:19 - Allah Wene Fano Wene Hupla Inane

¹⁹ Ninebe yi ninunggul inom hundik were'ma, ninenggi nineisok enggalim ninomanggen oba hunogo ninobagasikhemo, ninamburu nunggunem amusu ninoak elekwe lagunem, ninebe hokho agorek hak, nit Allah againafuri Kristus ninom hundik were'ma, at Allah nenat hokhot ninobagaikherek andi. Meneat he, it andi a'nogo ninoe kain Kristus inom hundik welagaukwasigenat he, hobuk kobokogo lakfisasukwa andi nen, inane holhubo.

KOLOSE 2:19 ပူးပေါင်းရင်းမြစ်များ

LUKAS 5:38

Halok he, anggur enggen amusu ket mene halok he, iwak ket meneat elema hinasugun fano o.

YOHANES 17:21

Neisena, An nen kino yagaheti lagi yi re, mel iluk. An nen neisena hat nemberek hundik, nen, neisena haren an nemberek hundik welagorek andi hak, it a'nogoat inebe mondogat misigat logouwageluk kino yagaheti lagi o. A'nogo were'ma, it afuni kweangma mene nen ikhi logolik he, at andi re, eisena nenat eberogo nen lakfei wagaikhe higi, iluk futfouwageluk, it inebe nit ninom hundigat logouwogo.

KISAH PARA RASUL 4:32

It wene eberogoat iluk wanhukwa mene andi, inebe hokhorogoat he, inendawinggen misigat welagaukwa. Logolik he, inagarek yi mene ti mene mondogat, ”Yi an mene,” iluk igi'legat he, ”Ninebe mondogat ninagarek mene,” iluk, ikhi lagaukwa.

ROMA 11:17

E zaitun ero fano mene were'ma re, enggi ekhe palogo lakfisaluk he, obali'mo e zaitun enggama mene enggi palogo hunesi wesumo re, e ero hundik logolik amusu werek logou hak, hit andi re, hinebe enda'ma mene Allah nen it Yahudi mene omanogo hinom hunogo hinobagasikhemo fano welagebo.

1 KORINTUS 1:10

A'nogo meneat he, nerugwi nagaila'lak. Ninoe Enupogot Yesus Kristus enuba, wene ekhe komothinabik. Hit mondogat hinebe minggilhi'lek hai warogo logolik he, hinane misigat mene igik, hinendawinggen misigat welagik, hinendawimo nen wene misigat mene ebetik, ikhi logoino.

1 KORINTUS 11:3

A'nogo meneat he, wene misigat ekhe yi hinelu a'lep anggikhi lagi. Nit ap ninebe lombok, ninoe Enupogot Kristus mendek were'ma awe a'ma logogun. Nen, hemi inebe lombok he, inaguni kain mendek were'ma inawe a'ma logogun. At Kristus andi re, eisena kain Allah mendek were'ma awe a'ma welagarego.

1 KORINTUS 3:6

Wene andi, sumburu awi yatarek hak, an nen yati. Nen, at Apolos nen he, i kweisalhe. Nen, ebe re, at Allah nenat hokhoet fesikhe.

EFESUS 1:22

Allah nen yi mene ti mene pogoroba kweangma welagarek mene mondogat waganogo at Kristus alegat enggiba fesikhe. Nit Allah againafuri mondogat yi awi ti awi welagorek mene ninunggul he at Kristus ebeat kain logouwageluk at wo'nisasikhesik menfesikhe andi.

EFESUS 1:23

Nit Allah againafuri ninebe at Kristus ebe aro. Mene re, yi mene ti mene, pogoroba kweangma welagarek mene mondogat at Kristus endawimo peterogo logolik, nit Allah againafuri at ebe hangge were'ma, ninendawimo peterogo welagarek andi.

EFESUS 2:21

Nit mondogat ninebe lombok, at Yesus ninom hunogo hinobagasikhesik he, o sep hun-hun wutarek hak, o andi mondogat nineisena Allah onggwarek faget awi wurogo ninobagali'logo andi.

EFESUS 4:3

Allah Areagun nen ninebe misigat mene hunogo ninobagaikhemo logolik, inebe fano lambulogo welagaikharek andi mene esinet fikhi logoino o.

EFESUS 5:29

Afuni ekhe nen inonggwarek inebe inabit ekhe welagaikharek nogo? Lego. Ninonggwarek ninamburu fano mene ninggik, ninebe aleligik, ogorek hak, at Kristus nen he, ”Allah againafuri an nonggwarek nebe mene nenggi neisok hangge,” iluk a'nogo alelogo fetninarek welagarek.

FILIPI 1:27

Wene fano wene Kristus nen hilingitikhe wene a'nogoba: ”Yi'nogo hilingiti logoino o, ti'nogo hilingiti logoino o,” iluk yagahisagarek meneat hilingiti logoino o. A'nogo hilingiti logolik, hinebe lambulogo hilingiti logoumo, it afuni ekhe nen hinabok ikhi logolik he: ”It inobabut he, fano wene yagaisugunem holi'lagwi higithogoat inendawinggen Allah oba himbiret fuluk ninghogo mendek werego,” iluk, an nebe yatma were'ma yaganesugun hea? Hinoba wesimbik neilenggen hisagain hea? Wene Fano wene yagahisogorek hak, hinom lambulogo logolik, weim yafi logolik ninghogo yafarek hak, wene andi faget ninghogo hilingiti logoino.

KOLOSE 1:10

A'nogo hinelu asimbik he, ninoe Enupogot endawimo fanorogo, at amolo anggikherek mene higithogo hilingiti logogunat. Yi mene ti mene awi yatunem ero hokho a'luk enggen iterek hak, hit Allah obabut ekhe inomat hinelu aga logolik, yi mene ti mene fano mene hilingiti logogun andi.

KOLOSE 1:18

Nit Allah againafuri ninoe kain at Kristus logolik, ninebe nineluget ninaferek andi nen, at ebe enggi eisok hak welagorek. Yi mene ti mene esanggoma hak werek kwelek, at Allah nen: ”Esin he, an namlogo manggusa meneat logouwak,” iluk, at ebe wa'lagaikhemo nen, eluget fesikhe andi.

KOLOSE 2:2

Hit hinendawinggen ago warogo logolik, hit-hit hinom hundik nendawi-hendawirogo logobagaigeluk a'nogo hilingiti lagio. Hit a'nogo logolik he: ”Wene andi eberogoat,” iluk, futfuluk menenei mondok ebeti'lek logolik, wene Allah endawimo hinago welagaikhe wene andi furogo hinelu asuguno. Wene andi re, Kristus ebe aro.

1 TESALONIKA 3:12

Niren hit hinebe ninendawirogo welago hak, hiren a'nogoat hit-hit hinendawirogo hilingitik, afuni mondogat hinendawirinafik, hokhorogoat hinendawirinafi logobagaigen, ninoe Enupogoren hinobabut inendawirinafarek andi mene oba loukhogo ekhe inomat wokhisikhi logouwak.

1 TESALONIKA 4:10

Hit hinerugwi hinagaila'lak o Makedonia tongge mene mondogat a'nogo hinendawirinafi lagep meneat he, nerugwi nagaila'lage. Hobuk hokhorogoat hinendawirinafi logobagaigeluk, hit komorogo yagahisasugu andi.

2 TESALONIKA 1:3

Nerugwi nagaila'lak. Hit hinendawinggen Kristus oba himbirik welagep mene andi, ekhe inom hokhorogo himbiret figik, hit-hit hinebe lombok nendawi-hendawirogo hilingiti lagep mene andi, ekhe inom hokhorogoat hinendawirinafik, ikhi lagep andi nen, niren hit faget Allah fogerati lago meneat fogeratu mondok welago.

1 PETRUS 3:8

Wene andi wurep kobokhogo mel yagahisak. Hit hinebe mondogat hinendawimo nen he, ”Ninebe Allah againafuri ninerugwi ninagaila'lak ninom,” iluk, hinendawinggen hundik logolik, hinendawimo misigat mene anggigik, hinendawinggen misigat mene ebetik, ikhi logoino. A'nogo ikhi logolik, hinonggwaregen fogerakhigi'lek, hinendawinggen seberogo logolik, hit-hit nendawi-hendawirogo hilingiti logoino.

2 PETRUS 3:18

Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.