KOLOSE 2:12 - Allah Wene Fano Wene Hupla Inane

¹² At Kristus wa'lagaikhemo ebe warek salhukwa hak, hit ima pelakhinafi logolik, hinom hundigat salhinafukwao. Nen, at hinom hundik warek were'ma, Allah omameba eluget fesikhe, iluk, hinendawinggen at omameba himbiret fesigip andi nen, ima nen yegelogo liakhinafunem he, at hinom hundigat hineluget hinafikhe o.

KOLOSE 2:12 ပူးပေါင်းရင်းမြစ်များ

LUKAS 17:5

A'nogo isikhemo, it agoromi lakfisasikhe mene omanogo nen he: ”Noe e! Ninendawinggen en Allah oba himbiret fogo mene a'nogo wurik asuageluk ekhe inom ninomamet ninabin o,” iluk yagatukwama,

KISAH PARA RASUL 14:27

O Antiokhia lagaukwasik, Allah againafuri andogerinafukwasik he, mel yagaisasukwa: ”Nit Allah ninomen yi'nogo hilingito, ti'nogo hilingito,” iluk wene pilingisogo yagaisikhi logolik mel yagaisasukwa: ”It afuni endakwe mene wene andi eberogoat iluk wanuageluk, Allah nen kwe huthikhemo elok wanugun werego,” iluk yagaisasukwa.

KISAH PARA RASUL 2:24

Watepma, at ebe heinet wati logolik wa'laga meneat he, afuni inenggi hele warogo fisagare'ma welagaikharek andi hak, at a'nogo warek mondok logogin lek andi nen he, inenggi hele fikhalogo wulakfisagarek andi hak, Allah nen eluget fikhe andi.

KISAH PARA RASUL 2:32

A'nogo isikhe higithogoat, at Yesus Allah nenat eluget fikhemo, nit ya mondogat nineilenggen hogosik nineluat welago andi.

ROMA 4:24

Nit faget inomat yaganisasikhe o. Halok, nit ogo re, ninendawinggen nineisena Allah ninoe Enupogot Yesus wa'lagaikhesi'mo nen eluget fesikhe mene a'nogo oba himbiret fogorek andi nen, aren he, ”Hinobabut higithogo hilingiti lagep hak, hinendawinggen noba himbiret fegepma, wene hinoba mene korogo wokhigirik hinambotkwe ninom hunogo hinobagagi andi aro,” iluk yaganisikheregat.

ROMA 7:4

Andi hak he, nerugwi nagaila'lak. Hit attak he, hemi inaguni inom hele homago hangge welagaikharek ogo andi hak, wene Allah nen komotninafikhe wene a'nogoba homago were'ma, at Kristus ebe watukwama wa'lagaikhe andi, hinomat wa'laga logolik, hele hangge homago welagagip mene andi arat fikhalagaikhe andi. Andi nen he, hemi inaguni wa'lagunem ekhe elok woginabugun andi hak, hit Allah faget fano hilingiti logouwageluk, at Yesus wa'lagaikhemo Allah nen eluget fesikhe mene a'nogo nen wokhinafikhemo welagebo.

1 KORINTUS 12:13

Nit he, ninebe mondogat Yahudi mene inom, Yunani mene inom, inamingmingengge mene inom, inale'ma welagaikharek mene inom, at Kristus ebe misigat mene ninom hunesuageluk, at Areagun nen ima pela'ninafikhe andi. Nen, i elesi misigat mene nenggarek hak, at Areagun misigat mene ninendawimo fesikhe andi.

1 KORINTUS 15:20

A'nogo meneat he, at Kristus wa'lagaikhemo, Allah nen eberogoat eluget fesikhemo werego. A'nogo eluget fesikhe andi re, yi mene ti mene attak mene tak wanharek andi hak, it wa'lagaukwa mene, at Kristus tak eluget fesikhe andi.

GALATIA 3:27

Nen, Kristus hinom hunesuogeluk ima pisigip mene hinebe mondogat, su labetarek hak Kristus obabut wanhigip andi.

EFESUS 2:8

Hit hinendawinggen at oba eberogoat himbiret fugunem he, at obabut fano enago a'nogo nen telhinafikhemo welagep andi, ero hinonggwaregen telegep fuk, we, yi mene ti mene onggo legat wogisagarek hak, at Allah obabut fano nenat telhinafikhemo welagep andi.

EFESUS 3:17

Hinendawinggen at Kristus oba himbiret foumo, at ebe hinendawimo awi wurogo were'ma re, yi mene ti mene awi yatunem omanggen yatik, o tik ninghogo watik, agarek hak, hinobabut he, afuni ekhe inebe inendawirogo welagaikharek andi meneba hinomanggen yakfuluk ninghogo logobagaigen iluk, Allah ayonggo fikhi lagi aro.

EFESUS 3:7

An afuni inamingmingengge hak logolik, wene andi sumburisikhi logouwageluk, Allah obabut fano nen omamerogo hilingninaferek higithogoat nayonggo fesikhe andi.

EFESUS 4:5

Tuhan ebe misigaro. Ninendawinggen at oba himbiret fogorek mene andi misigat. Ninebe ima pelakninafarek mene misigat.

EFESUS 5:14

A'nogo selek oba fugunem enegat a'luk he, selek agarek andi nen he, mel agarek andi: ”Hat nogo ikhi lagen andi, hebe menlame o. Nen, warek hangge welagen andi, helugame o. At Kristus nen selegethabigino,” iluk agarek andi.

FILIPI 1:29

At Allah obabut fano nen, hit hinendawinggen Kristus oba himbiret fouwageluk enek hinayonggo fesikhe fuk. Lego. At faget yi enggin ti enggin hikhi logouwageluk hinayonggo fesikhe aro.

KOLOSE 1:29

An wene andi faget katokhogo hilingisigeluk, at Kristus omame a'nogo an nendawimo logolik, nomamet nafu kwelek, ninghogo nomamerogoat hilingiti lagi andi.

KOLOSE 2:13

Hit attak he, hinagap endakwe faget hinenggalimo mene a'nogo palek lek, weak hilingitu mondok logolik he, hinebe warek hangge were'ma, at Allah nen nit weak hilingiti lagagu mene sebelogo legetfisasikhesik he, Kristus hinom hundigat were'ma hineluget hinafikhe andi.

IBRANI 12:2

A'nogo laga logolik, omanggum ninendawinggen Yesus oba himbiret fouwageluk, arenat ninendawimo kagalhik, huli wurep oba fano katokhogo mondok asi loageluk, arenat kwelakninarek welagik, ikherek andi nen he, arat nit nineilenggen en waluk murok laga logouwogo. At endawimo nen he, ”Inenggali warogo inebe eba menfisaluk inoatarek andi hak, an a'nogo noasugun nenggali,” iluk anggigi'lek, we, ”An hobuk nendawimo nagaiyek anggagain,” iluk at ebe watu kwelek afe morogo wa'lagaikhesigen, hobuk eluk agaikhesik yogondak Allah kain welagarek oba andoma era'lu kainat werek.

IBRANI 6:2

Ima pagarek wene andi yagaisigik, inunggul sebelharek wene andi yagaisigik, wa'lagunem Allah nen ninelugetninabigin wene andi yagaisigik, wurep oba wene ninoba figik, kotik, ugunem mondok-mondok logogun wene andi yagaisigik, isugu mene andi ninane hebelogo hobuk yagaisogoin legaro.

1 PETRUS 3:21

It iba telinafikhe andi walse'ma, nit yogondak ima pogorek andiba telninaferego. Iba telninaferek andi re, ima pelakninafunem ninagap i andiba sobalagarek andiba telninaferek fuk. Athe, ninendawinggen oba nen wene ninoba selek asuageluk Allah ayonggo fugunem, Yesus Kristus wa'lagaikhesik eluk agaikhe andiba telninaferego.