KOLOSE 2:1 - Allah Wene Fano Wene Hupla Inane

¹ An nen he, hit inom, it afuni o Laodikia mene inom, it ekhe hokhorogoat inom, an nebe hinonggot mene faget nomamerogo hilingiti lagi mene andi, hit hinelurogo logobagaigeluk yagahisigi andi.

KOLOSE 2:1 ပူးပေါင်းရင်းမြစ်များ

KEJADIAN 30:8

Takhasikhemo, at he Rahel en mel isikhe: ”An noe nemberek weak logolik, wene ninom palhi lago a'nogo an arat nomame agi o,” iluk isikhesik omalik andi enu Naftali salhikhe.

LUKAS 22:44

Endawinggen ago watfesikhe mene re, endawimo mondok weak logolik hobuk samban engginhogo ugunem, likhak mep hangge mene tephigik kweangma ting-tung pisikhe.]

KISAH PARA RASUL 20:25

An hit nerugwi nagaila'lak mondogat wene Allah awe a'ma kuluk logogun wene andi yagahisilik nikhi lagi andi re, huli yogondak yaba nen he, hiren hobuk nelokhonggen hineilenggen neogoin lego, iluk an nonggwarek nelu.

KISAH PARA RASUL 20:38

Samban oan igi'lek logolik, at Paulus nen he, ”Hiren an hobuk nelokhonggen hineilenggen neogoin mondok lego,” iluk yagaisasikhe mene a'nogo faget inendawimo ebetukwasik, inendawimo mondok weak agaukwasik he, ebe hai warogo waluk e so a'nogo were'ma lagaukwa.

GALATIA 4:19

Mene re, nagainafuri hinebe nendawilage. Hemi nen omalik taginabuogeluk inambot heinet watarek andi hak, an nen hobuk takhinabumo, hit hinobabut Kristus obabut hangge hilingla'lebe e! iluk, an hit faget heinet ou weakhogo wati lagi.

FILIPI 1:30

At attak he, weim yafi logolik ninghogo yafarek hak, fano wene faget ninghogo hilingitunem hineilenggen neasigibat. Nen, yogondak nabok holhi lagebat. Andi mene, hit ninom lambulogo hilingiti lagoat andi.

KOLOSE 1:24

An yogondak ya re, at Kristus nen he: ”Allah againafuri mondogat an nebe aro,” iluk nit faget yi enggin ti enggin hilik-hilik wa'lagaikhe andi, ekhe higi'lek mene obali'mo an nebe hit faget yi enggin ti enggin hilingnabi'lagwi andi nen nendawimo nagaiyegeti lagi.

KOLOSE 1:29

An wene andi faget katokhogo hilingisigeluk, at Kristus omame a'nogo an nendawimo logolik, nomamet nafu kwelek, ninghogo nomamerogoat hilingiti lagi andi.

KOLOSE 2:5

An nebe yatmaat welagi meneat he, nendawinggen hit hinoba lakfei wagarik, ninom andoma welago mene hak logolik, hinendawinggen Kristus oba himbiret fuluk eberogo anggikhi lagep a'nogo, ninghogo fisogo logolik hilingitunem, neilenggen hisikhi logolik he, an nendawimo nagaiyegeti lagi o.

1 TESALONIKA 2:2

Hit hinoba oan wagi'lek o Filipi andoma were'ma, afuni andoma mene nen inendawinggen weaget fisigik, yi enggin ti enggin hilingninafik, ikhi lagaukwa. A'nogo meneat he, nineisena Allah nen awene fano wene a'nogo ninailo legengge yagahisa wesuageluk hilingninafikhemo wagagusik yagahisikho were'ma afuni hokhorogoaren: ”Wene andi ninabit,” iluk, ugu kwelegat ninomamerogo yagahisikhi lagagu a'nogo hineluaro.

IBRANI 5:7

At Yesus ebe kweangma yoma were'ma afuni nen wasinogo iluk, Allah nen elok teligin andi nen he, le aga logolik, ane hokhorogo Allah enu hombuk palogo ayonggo fikhi logolik, eisena ane ailorogo hologo welagaikhe andi nen, ane esanggo holhikhe.

1 PETRUS 1:8

Hiren attagat, at ebe hineilenggen higi'lek meneat he, ebe hinendawi welagep andi. A'nogo logolik, yogondak ya hineilenggen higi'lek meneat he, hinendawimo nen, ”Hobuk fano mondok hilingninabigin,” iluk hinaneba ninggi'nogo pilingisogo u heat logolik, hinendawimo hinagaiyek hokhorogo hikhi lagep andi.

WAHYU 1:11

”Hat heilenggen hagain mene andi, lisu palino o. Palogo re, it Allah againafuri 7 gereja nen andogotarek mene, o enu Efesus inom, Smirna inom, Pergamus inom, Tiatira inom, Sardis inom, Filadelfia inom, Laodikia inom, inoba lakfeino o,” iluk yaganete.