KOLOSE 1:28 - Allah Wene Fano Wene Hupla Inane

²⁸ Andi nen, niren he, wene Kristus abok andi fakhogo afuni mondogat inebe lombok yagaisilik laga lago. A'nogo yagaisikhi lago andiba, inebe lombok Kristus inom hundik logolik, inendawinggen wurik asumo Allah ba woginarek wesuogeluk, ninendawimo eberek mondok logolik, komorinafik, wene yagaisigik, ilik laga lago andi.

KOLOSE 1:28 ပူးပေါင်းရင်းမြစ်များ

EZRA 7:25

Nen, hat Ezra nagailak. Wene yi ekhe yagahesik. Allah nen hendawinggen kagalek mondok logouwagaluk wokhete mene andibaat hilingiti logoino o. A'nogo hilingiti logolik, it afuni o propinsi barat fikhit werek mene andoma inoba wene hineisena Allah nen komothinafikhe wene andi hologo higithogo hilingiri'lagwi mene halok inebe mondogat, inogogwi kaindegen ferinarek logouwagaluk menfisigik, it ap ekhe nen it ekhe wene inoba figik kotik ikhi logouwageluk menfisigik, ilik lano o. Nen, haren it ekhe wene andi inonggot mene mondogat yagaisilik lano aro.

AMSAL 8:5

Hit hinendawinggen oan wenggelek lek welagep mene re hinendawinggen wenggelasuageluk yanggulikhi logoni, nen hit futfou elo'lek mene re hinelu asuageluk futfikhi logoni.

PENGKHOTBAH 12:9

Wene wenggelni andi re hebelek mene logolik endawinggen kagalek agun hilingi'mo re inelu agaikharek mene andoma afuni mondogat inoba yagaisasikhe. Komo wene omanogo mondogat ero pilingitikhesik, andi eberogo a, lega, iluk obabut palogo nen afe halhigik lisu palogo fesikhe.

YEREMIA 3:15

An nen he hit hinogogwi fethinarek logolik yagahisugu mene faget An nane hologo hilingitu mene wokhisagain o. Iren he inobabut mondok higit oba wene fanorogo wenggel haluk yagahisikhi logolik fethinarek logogun.

YEREMIA 6:10

A'nogo ikhemo an nen ikhi logolik he, ”Tuhan neisena, an nen ap saba yagasu hak nogo, nen sani inendawinggen wenggelogo logouwageluk yagaisagain, it he inungguloak haro logolik fut fili'lagwi lek. Haren yagaisano ugu mene omanogo an nen it inoba yagaisugunem he iren endo yagaisogo inabit eri'lagwi inap werego.

YEHEZKIEL 7:10

Unggulenu Israel mene andiba enggin mene oba fagain sambul a'nogo horogasi waga. Inaniniba hilingfisugu aplere ekhema-ekhema mondogat sagarek. Nen, afuni nen winik-wonok agarek mene andi re kabok hokho asi lagaikhe.

MATIUS 3:7

A'nogo hilingitu were'ma, it ap Farisi mene fenakwe inom, ap Saduki mene fenakwe inom, inebe hokhorogoat ima pelaginabuageluk he, at oba wagunem yi'nogo yagaisikhi lagaikhe: ”Hit kisu nen tagongge mene yoma sani! Hit he, Allah a'mage hokhorogo lagagin a'nogo hinoba fugunem heise elok logoin iluk sa nen yagahisikhemo. Elo'lego.

MATIUS 5:48

Halok he, nineisena Allah pogoroba mene obabut fano mondok higithogo logolik endawirinaferek hak, hit a'nogoat hinendawirinafi logoino o,” iluk yagaisasikhe.

MARKUS 6:34

Lagaukwasik he, at Yesus e so elema nen inoba wulifikhesik, eilenggen afuni hokhorogo omanogo yerisasikhesik endawirinafi logolik, mel isikhe: ”It yoma wam domba konharek hak, ap kon inabu mene inebe legen werek yi, nendawilage,” iluk yi wene ti wene hokhorogoat yagaisasikhe.

KISAH PARA RASUL 10:36

Higimo re, nit afuni mondogat ninoe Enupogot Yesus Kristus nen lambukhogo ninobagauwageluk wene fano wene andi, ebe nit afuni Yahudi mene ninoba lakfei wagaikhe andi hinelu o.

KISAH PARA RASUL 11:20

It a'nogo hilingiti lagaukwa meneat he, it ekhe inom pugulhukwa mene inaiba re, o Siprus mene inom, o Kirene mene inom, o kota Antiokhia wagaukwasik, wene fano wene Tuhan Yesus hilingitikhe wene andi, it afuni inunggul enu Yunani mene yagaisasukwaat.

KISAH PARA RASUL 13:38

Nerugwi nagaila'lak. Wene yi hinelurogo logoino o. At Yesus Allah nen a'nogo eluget fesikhe andiba, hit weak hilingiti lagep mene andi, aren sebelogo legetfisoageluk yagahisikhi lago andi.

KISAH PARA RASUL 17:18

A'nogo ikhi logolik he, aren it afuni wene Epikuros wene fisogo logolik it ekhe yagaisikhi lagaukwa mene inom, wene Stoa wene fisogo logolik, it ekhe yagaisikhi lagaukwa mene inom, wene inendawimo kagalogo yagaisugunem, iren onggo yagatik, iren at yagatunem, aren onggo yagaisigik, ikhi lagaukwa. A'nogo ikhi lagaukwa mene ekhe nen he, at Paulus faget mel isukwa: ”Athe, wene elu nogo? Onggot. We, endebat elu logoligat he, ane nek mondok hokhorogo yaganisili'logo,” iluk isukwa. A'nogo isukwama, it ekhe nen he, at Paulus nen fano wene yagaisikhi logolik he, Yesus nen hilingitikhe wene yagaisigik, afuni wa'lagunem en Allah nen inelugerinaferek wene yagaisigik, ikhi lagaikhe andi nen, mel isukwa: ”Afuni hunogo mene inawesa wene faget yaganisili'logo he a,” iluk isukwa.

KISAH PARA RASUL 17:3

Allah ane lisu palek a'nogoba furogo yagaisikhi logolik, mel yagaisikhi lagaikhe: ”At Kristus Allah nen lakfei wesigin iluk isukwa a'nogo re, yi enggin ti enggin hilik-hilik wa'lasimbigen, eluk asigin, iluk isukwa. It isukwa andi hagat, at Yesus hilingitikhe wene abok yagahisikhi lagi mene yi, hilingisu higithogoat hilingitikhemo. Allah nen lakfei wesigin iluk isukwa andi, ebe re, Yesus andi aro,” iluk yagaisasikhe.

KISAH PARA RASUL 20:31

Hinendawinggen wenggelogo logoino! An o mo lagagik pigik ugu kwelek 3 tahun ninom logolik he, kamo igi'lek linggene nen, hubanggo nen, le aga logolik, hinebe lombok komothinafi lagi a'nogo, hinendawimo eberek logoino o.

KISAH PARA RASUL 5:42

Wulifukwasik, it a'nogo nen Allah awi wuri'mo kwigik, afuni inawilokwe kwigik, ikhi logolik, ”Allah nen he, ap ekhe nen afuni telhinabuageluk ayonggo fuluk lakfei wesigin, isikhe a'nogo, ebe Yesus andi aro,” iluk Yesus nen hilingitikhe wene, fano wene a'nogo kamo igi'lek hundik-handigat yagaisilik nikhi lagaukwa.

KISAH PARA RASUL 8:35

A'nogo yagatikhemo re, at Filipus nen fano wene Yesus hilingiti lagaikhe wene yagasigeluk, wene ero lisu palek andiba nen pilingisogo yagarik pisikhe.

KISAH PARA RASUL 8:5

A'nogo yagaisilik laga logolik he, at Filipus o kota Samaria andoma wagaikhesik, wene mel yagaisasikhe: ”Allah nen he, ap ekhe telhinabuageluk lakfei wesigin, iluk wene wa'nisasikhe a'nogo, ebe lakfei wagama wagasik yi'nogo hilingite,” iluk abok yagaisikhi lagaikhe.

KISAH PARA RASUL 9:20

A'nogo welagaukwa andem sambul he, o it afuni Yahudi mene samban ikhi lagaukwaba kwisikhesik, wene Yesus faget yagaisikhi logolik he, ”At Yesus andi, ebe Allah amlogo aro,” iluk yagaisikhi lagaikhe.

ROMA 16:25

Allah fogerati logouwogo! An nen fano wene Yesus Kristus hilingitikhe wene yagahisasigi hak, at Allah omame hokho mene a'nogo nen hinendawinggen wurigethinafi logogin elogo. Wene Allah endawimo mene andi, attagaren hinago welagaikhe mene re, yogondak Allah nen weinamet fesikhe.

1 KORINTUS 1:23

nit enek he, Kristus eba menfuluk watukwa wene a'nogoat yagaisikhi lago. Yagaisugunem he, it afuni Yahudi mene nen, ”Wene andi weak,” iluk obokhogo herakfisigik, nen, it afuni endakwe mene nen he: ”Wene andi, afuni kembu mene nen agarek hangge ili'lagwi,” iluk hebisigik, ili'lagwi o.

1 KORINTUS 1:30

At Allah nenat hit Kristus Yesus hinom hundik logobagaigeluk hinobagaikhemo welagep andi. Wene ninendawimo kagalogo logou hak he, Yesus ebeat wo'nisasikhe. A'nogo wo'nisasikhemo, aren he, Allah ninom hobuk ninambotkwe lambulogo ninobagagik, ninebe Allah faget ninobagagik, telninafik, ikherek.

1 KORINTUS 12:8

At Allah Areagun en, at ekhe wene kagaukhogo ikhi logouwageluk wogeterek. Nen, at Areagun andi nenat, at ekhe yi wene ti wene elu mondok logouwageluk wogeteregat.

1 KORINTUS 15:12

At Kristus wa'lagaikhemo nen, hobuk Allah nen eluget fesikhe, iluk yagahisikhi lago meneat he, hit ekhe nen he, ”Afuni wa'lagunem en Allah nen inelugerinabigin lego,” iluk ikhi lagep andi nenahalok?

1 KORINTUS 2:15

A'nogo meneat he, nit Allah Areagun ninendawimo werek mene re, yi wene ti wene futfikhi lago. A'nogo futfugunem, it ekhe nen he, nit ninobabut futninobagali'lagwi lego.

1 KORINTUS 2:6

It afuni inendawinggen wurik mene halogat, wene wurik mene andi inendawimo kagalogo yagaisogorego. A'nogo yagaisogorek andi re, it afuni kweangma mene yoma, inawene mene lek. Inogogwi kaindek inebe hobuk legasugun mene o yogondak werek yoma, inawene kagalek wene legaro.

1 KORINTUS 4:14

An nen lisu palhi lagi yi re, hit hinenggali wasigeluk palhi lagi fuk. We, hit hinebe an nebe nagainafuri mene hak nendawi logolik komothinafi lagi o.

2 KORINTUS 10:14

Hit hinebe Allah nen yabu huli warogo wo'nisasikheba welagep andi nen he, fano wene Kristus nen hilingitikhe wene a'nogo waluk he, yagaisilik huli hit hinoba wagagu andi, huli warek mene sebelogo wagagu lego.

2 KORINTUS 11:2

Helime yenggerugwi inobabut ap inom nogo igi'lek mene, inaguni inoba lombologo fisagarek hak, an nen he, hit Kristus oba lombologo hinobagagi meneat he, hiren ap hunogo mene ekhe lombolhep halok he, Allah a'mage lagagik, an na'mage lagagik u hagaro.

2 KORINTUS 4:5

Wene yagaisilik nikhi lago andi re, ninonggwarek hilingitorek wene fuk. Lego. We, at Yesus Kristus hilingitikhe wene aro. At Yesus ebe ninoe Enupogot iluk he, nit at faget hit hinamingmingengge welago, iluk yagaisogorek andi.

EFESUS 3:8

Allah againafuri mene mondogat inenuwerek werek kwelegat he, an nenu lek, elo'lek mene, at Allah obabut fano nen, fano wene pilingisogo u elo'lek mene, Kristus nen wogisikherek a'nogo afuni endakwe mene yagaisilik nikhi logouwageluk nayonggo fesikhesik neabu andi wo'netikhemo welagi.

ULANGAN 4:5

An nen, wene nineisena Tuhan Allah nen, yi'nogo hilingi'no, iluk, komorogo yaganisasikhe hagat mondogat yagahisigi o. Hiren he, o kugun oba andoma sebeli kwimbik logolik, wene andi mondogat hologo hilingiti logoino.

KOLOSE 1:22

A'nogo meneat he, hit hinebe at Allah onggwarek faget fakhaluk, at eilhanem enekhogo wene hinoba legengge fano tegelek logouwageluk, amlogo ebe wa'lagaikhe andiba, onggwarek hinom lambulogo hinobagasikhemo welagep andi.

KOLOSE 2:10

Malaikat pogoroba mene inom, munggwarengge obabut weak mene inom, inawe a'ma ferinarek were'ma inane holharek mene, Kristus ane holugun andi nen, hit ogo re, at hinom hundik logolik, hinendawinggen katokhogo wurik agepsik welagep andi.

KOLOSE 2:3

Allah endawimo wenggelek logolik, yi wene ti wene mondok elu mene andi re, at endawimo hinago welagaikhe meneat he, Kristus alegaren fakhogo yaganisikherek.

KOLOSE 3:16

Afuni inangge hokhorogo were'ma inalong welagaikharek hak, hit he, Kristus ane andiat hinendawinggenma ninghogo fakhaluk logolik he, hinendawimo kagalogoat, hit-hit wene komo-komo aga logolik, wene hiren yagaisigik, iren yagahisigik, ikhi logoino o. Yagaisikhi logolik he, Allah faget wuni Mazmur endawi watik, Allah fogeratarek awuni watik, Allah Areagun en hinendawimo kagalhunem, wuni felalogo watik, ikhi logolik he, hinendawinggenma nen Allah hai wati logoino o.

KOLOSE 4:12

At Epafras, Kristus Yesus amingmingengge ebe hit meneat a'nogo nen, hai wathinafe aro. Aren he, hit hinendawimo nen: ”Allah ane andi eberogoat,” iluk futfuluk he, hinendawinggen wurik asimbik hinebe mendegat logolik he, yi mene ti mene Allah endawimo anggikherek hak hilingitu logobagaigeluk samban hit faget ninghogo ugu mondogat welagarek.

1 TESALONIKA 4:6

Andi mene faget higithogo hilingiti logolik he, hinerugwi hinagaila'lak ineil salogo inagagwi inaguni mene pailak fakfisogoin lego,” iluk Allah endawimo nen a'nogo anggaluk yaganisikherek andi. A'nogo ikherek andi nen, attagat niren ikhi logolik he: ”It afuni pailak a'nogo fakfisagarek mene halok, ninoe Enupogoren wene inoba fagain werego,” iluk, ninghogo komothinafugu andi.

1 TIMOTIUS 3:16

Wene andi, nit Allah awe a'ma logolik eberogoat iluk anggogorek wene hinago welagaikhe mene Allah nenat fakhogo weinamet fesikhemo, ”Wene andi esin,” iluk fakhogo ikhi lago. Andi re: At Kristus ebe afuniat weinam agaikhe o. At Allah Areagun nen, ”At Kristus andi eberogoat,” iluk sele'mat fesikhe o. It malaikat Allah nen yonggo pelakfisa wagarek mene ineilenggen hasukwa o. Agoromi nen at hilingiti lagaikhe wene a'nogo yi afuni ti afuni endakwe mene yagaisilik lagaukwa o. Afuni o yi awi ti awi mene ekhe hokhorogo aren, ”At ebe eberogoat,” iluk, inendawinggen at oba himbiret fesukwa o. At Allah nen pogoroba fogeratu mondok welagaikhare'ma liakfesikhemo welagarego. Wene andi re, at Allah nenat weinamet fesikhemo fakhogo ikhi lago o.

1 TIMOTIUS 3:2

Andi nen, ap Allah againafuri kwelaginarek logouwageluk halok inobabut he, yiginik mene menfisogoin. Afuni ekhe nen, ”At weak,” iluk wene oba figi'lek mene halok, agwe misigat mene halok, weak hilingisuageluk endawimo kagalhunem elok sebelhaluk werek mene halok, endawinggen uan ebeterek mene halok, hilingisu mene higithogo hilingiterek mene halok, ap pok inonggot mene wagunem woginaferek mene halok, wene furogo yagaisikherek mene halok,

IBRANI 10:14

At Kristus misigam faget wa'laga logolik, ebe Allah wogetikhe andiba, nit afuni ninebe Allah faget fisogorek mene halok katokhogo mondok ho'ninafikhe.

IBRANI 13:21

Hit Allah endawimo amolo anggikherek mene nek fano hilingisubagaigen he, yi mene ti mene fano mene mondogat wokhisoak. A'nogo wokhisugunem, nit ninom mondogaren Allah endawimo fanorogo hilingiti logouwageluk, ninobabut aren wo'nisagain andi ebe re, Yesus Kristus nen wo'nisoago. At Kristus andiat fogeratu mondok logouwogo. Ebe asuak u hak, ”Amin,” igi andi.

2 PETRUS 3:15

A'nogo hilingiti logolik, hinendawimo nen he: ”Ninoe Enupogot endawimo nen menenei uan ebeterek andi nen, weak-weak wagi'lek oan werek andi re, telninabigeluk eranenat oan nenangotninarek werek,” iluk hinendawimo anggano. At ninoe Paulus ebe ninendawi mene a'nogo Allah nen endawimo kagalhikhemo wene a'nogo iluk lisu palogo hinoba lakfei wagaikhe andi.