Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KOLOSE 1:27 - Allah Wene Fano Wene Hupla Inane

27 At Allah endawimo nen he, it afuni endakwe mene mondogat fano mondok hilinginabigin wene andi esin fogerasu meneat anggasikhesigen endawimo hinago welagaikhe mene, at againafuri halok sele'ma fakhogo yagaisageluk isikhe. Wene hinago mene andi ebere, Kristus hit hinendawimo werek halok, hobuk Allah nen fanothinafunem fogethinabugun andi aro.

အခန်းကိုကြည့်ပါ။ ကော်ပီ




KOLOSE 1:27
39 ပူးပေါင်းရင်းမြစ်များ  

at Yesus nen he, ”Allah nen awe a'ma fisikherek wene andi, at endawimo hinago welagaikhe mene, hit enek he, hinelu asubagaigeluk, fakhogo yagahisagain anggasikhe meneat he, it afuni ekhe andi nek he, fakhogo yagaisagain lek, anggasikhe.


At Allah nen awe a'ma hinobagagin andi, arat hinanggele'ma asi waga andi nen he, it afuni nen, at ebe eberogoat yoma werek yi ha we'ni! igik, andoma werek a'li ha lani! igik, oan igi'lek werek kwelegat wesigin o,” iluk yagaisasikhe.


A'nogo hineilenggen neogoin andi sambul, an neisena nemberek hundik welago, nen, hit an hinom hundik, nen, an hit ninom hundik welago mene andi, hinelu asigin o.


at Yesus nen he, mel yagaisasikhe: ”At sa nen an nebe endawinggen hundik halok he, nane hologo hilingiti logogin o. Nane hologo hilingiti logoumo, neisena nen at andi endawinggen hundik logogin o. A'nogo logolik, an neisena nemberek ap andi oba we'luk, at ninom mondok logogun o.


Neisena, haren an hendawitnafigin a'nogo, it-it a'nogoat nendawi-hendawirogo logolik, an nebe it ninom hundik logouwogeluk, hat henu iluk hawene yagaisikhi lagirik ekhe inomat yagaisikhi logogin aro,” iluk samban isikhe.


Ap sa nen an nebe ninggik, namep ninggik, ili'logo halok he, aren an nemberek hundigat, nen, an nen, at nemberek hundigat, logogun o.


At Allah oba mene hokhorogo welagik, endawimo mondok kagalek welagik, wene mondok elu welagik, ikherek andi nailo e. Aren wene elugun waterek mene, nit afuni ninelu asugun nogo? Aren yi mene ti mene hilingiterek mene niren futfogoin nogo?


”At Allah obabut fano mondok, enago lioksek,” iluk, hinendawimo sebelfikhi lageba? Hit hinendawimo nen he, ”Allah obabut fano nen nit weak hilingiti lago mene herakfisaluk ninobabut hebelasuageluk, ninendawimo kagalherek,” iluk hinonggot nogo? Hinelu aro.


Nit ninendawinggen Yesus oba himbiret fesugu andibaat, at Allah obabut fano nen fanotninaferek mene andi awe a'ma ninobagaikhe andiba himbiret fuluk welago. Logolik, Allah fogeratu mondok welagaikharek andi hak, nit a'nogoat fogetninabigin o, iluk ninendawimo ninagaiyegeti lago.


A'nogo meneat he, hit Kristus hinendawimo werek halok he, hinobabut weak hilingiti lagep andi nen, hinebe hinagap mene yi wa'lasugun meneat he, Allah nen wene hinoba mene korogo wokhaluk hobuk hinambotkwe hinom hunogo hinobagasikhe andi nen, at Areagun en hinelugethinabigin andi.


It andi faget a'nogo afe morogo logolik, nit faget mel anggili'logo: ”It ekhe nendawi mene fanorinabigeluk attak elalinafigi andi, fano mondok hilinginabigin mene inelu asuago,” iluk anggikherek.


Nit ninebe Allah awi wurigat, iluk he, hinonggot nogo? Allah Areagun ninendawimo awi wurogo welagarek, iluk he, hinonggorat nogo?


A'nogo meneat he, at Kristus omame agaikhe andiba elokhe wanhu kwelek nugunem, nit at ninom hundik mene Allah nen Kristus ombo'ne wo'ninarek nikherek, iluk fogerasuogo. A'nogo wo'ninarek nikhi logolik, amben fano mene sang-panghogo lagarek hak, at Kristus hilingitikhe wene a'nogo niren wialogo o yi awi ti awi waluk loageluk wo'ninarek nikherek.


Nit yogondak, yi enggin ti enggin hilingninabi'lagwi andi re, elama faget endebat hago. Meneat he, a'nogo hilingninabi'lagwi andiba, hobuk fogeratarek mene etok mondok logogin mene mondok hokhoat eise asuguno.


At Allah nen ikhi logolik he: ”O mum andi anggele'ma nen selek asuak,” iluk isikhe andi hak, arenat nit ninendawimo mum mene andi selegetninafikhemo welago. A'nogo logolik, at Kristus elokhonggen mo hangge amulit yatunem nineilenggen yethaluk he, at Allah fogeratarek mene a'nogo ebe ariginik iluk futfikhi logouwageluk a'nogo selegetninafikhe andi.


At Allah awi wurik andi inom, tugwi kembu awi wurik inom, inom misi'mo lambuget fogoin nogo? At Allah eluk mondok welagarek mene awi wurik he, nit ninebe yiaro. Aren he, mel isikhe: ”It inendawimo an nawi wurogo logogin o. An nen it ninom logogin. It ineisena Allah anat logogin o. Nen, an nagainafuri irat logogun o,” iluk isikhe andi nen he,


Nen, yogondak nebe neluk welagi yi re, nonggwarek nomameba neluk welagi fuk. We, at Kristus at nendawimo logolik eluk welagarego. At ebe Allah amlogoat logolik, nebe endawi nen an fagerat, ”Noasuak,” iluk anggasikheba ebe watukwa andi. Nen, an nendawinggen at oba himbirik were'ma re, at ebe nendawimo were'ma, neluk welagirek andi.


Mene re, nagainafuri hinebe nendawilage. Hemi nen omalik taginabuogeluk inambot heinet watarek andi hak, an nen hobuk takhinabumo, hit hinobabut Kristus obabut hangge hilingla'lebe e! iluk, an hit faget heinet ou weakhogo wati lagi.


A'nogo wo'nisasikhemo, ebe amep wulagaisogo watukwa andiba, ninonggo palogo telninafik, nit weak hilingiti lagagu mene legetfisigik, isikhe andi. At Allah endawimo kagalek logolik ninebe futninobagasikhesik he, obabut mondok fano a'nogo nen hokhorogo endawitninafikhe andi.


Andi hak he, hit Kristus hinom hundik were'ma, it ekhe hinom o misigat Allah awi wuri'mo Areagun logouwageluk, wurogo hinobagali'logo andi.


Nen, hit yi mene ti mene hinenggi lek were'ma, an neisena Allah fogeratirek mene Kristus Yesus inom hundik logolik enggi weregen fogeratarek mene a'nogo nen, wokhisugunem hinenggi werek asigin aro.


Allah endawimo wenggelek logolik, yi wene ti wene mondok elu mene andi re, at endawimo hinago welagaikhe meneat he, Kristus alegaren fakhogo yaganisikherek.


A'nogo hilinghinafunem he ninebe mondogat ninoe Enupogot Kristus alegatma andi nen ninebe mondogat at ninom hundik welago andi nen, inunggulenu Yunani mene igik, Yahuri mene igik, agarek andi inom, inagap inenggalimo mene palek mene igik, palek lek mene igik, agarek andi inom, inane unggut palek mene igik, inebe Yali-Somagai mene igik, agarek andi inom, inamingmingengge mene igik, inale'ma mene igik, agarek andi inom, ikhi logogun lek mene welagep andi.


Timotius namlogo e. Hendawinggen Kristus oba himbiret fesigin andi nen, an namlogo eberogoat agaginmo re, wene yi an Paulus nen lisu palogo hoba lakfei wagi andi. At Allah nen telninaferek mene inom, Kristus Yesus nen fanotninabigin iluk ninendawimo anggikhi lago mene a'nogo inom, emberegenat nayonggo fuluk, at Kristus Yesus faget hilingiti logouwageluk laknobagai wagaukwama wagagi andi. Nineisena Allah inom, ninoe Enupogot Kristus Yesus inom, emberek inobabut fano a'nogo nen, fano mene wokhetik, inendawithafik, hendawinggen hambugethafik, ikhi logouwago.


Aren he, ”Fanothinabigin,” iluk isikhe andi lek asigin lek. ”Ebe asigin,” iluk anggikhi lago mene halok, e so i nen waluk lanogoluk ninghogo yakfuluk welagaikharek andi hak, ninendawinggen pogoroba o senggelek hulu ti'mo meneba Allah were'ma andoma tibetfembik hambukhogo logouwogo.


Mene re, nagainafuri e. It afuni kweangma mene inendawimo welagarek mene andi omame lek meneat he, hit enek he, hinebe Allah againafuri hilingi'mo at Areagun omame mondok hokho mene hinendawimo werek andi nen he, it ap andi mabenetfisaluk welagep andio.


Yethani! An nebe kweba mendek logolik, kwe ane papaget hikhi lagi o. A'nogo papaget hugunem, sa nen nane esanggo holimbik he, kwe hutneagain halok, an at oba kwi wesimbik he, sumburu ninggi logolik nagailak-hagailak higit nemberek hundik logogun o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ