KOLOSE 1:23 - Allah Wene Fano Wene Hupla Inane23 Halok he, fano wene hinesanggo holhigipsik he, hinendawimo nen: ”Hobuk fano asigin,” iluk, anggasigip mene andi, hinendawinggen abolok iluk kobokhogo herakfisigi'lek ninghogoat fisogo logoino. Fano wene andi, aren o yi awi ti awi afuni inebe mondogat yagaisasikhe wene andi yagaisilik nikhi logouwageluk, an Paulus nayonggo fesikhe andi. အခန်းကိုကြည့်ပါ။ |
KOLOSE 1:23
72 ပူးပေါင်းရင်းမြစ်များ
A'nogo meneat he, Allah Areagun hinoba pi waga halok, hinomame asigin. Hinomame asimbik he, o kota Yerusalem en, propinsi Yudea nen, Samaria nen, huli o yi awi ti awi esanggo-esanggo andomaat laga logolik, an yi mene ti mene hilingirik nugunem hineilenggen neegep mene a'nogo, an faget yagaisilik laga logoino o,” iluk yagaisasikhe.
At Barnabas andi, obabut fano logolik, endawinggen Yesus oba himbirik mondok were'ma re, Allah Areagun endawimo peterek welagaikhe andi nen, lakfei wagaukwama, wagaikhesik eilenggen isasikhesik, endawimo nen he, ”Allah obabut fano nen fano hilinginafemo werek higi,” iluk endawimo agaiyek anggikhi lagaikhe. Endawimo agaiyek anggasikhesik he, ”Hit mondogat hinendawinggen Yesus oba eberogoat himbiret fuluk, at hinom hundigat mondok logoino o,” iluk komorinafikhe. Komorinafi lagaikhemo, afuni hokhorogoat Tuhan Yesus werekwe lambuk isukwasik inebe sik-pik ikhi lagaukwa.
Attak kwi laga logolik, afuni Yesus ane yagaisilik kwi lagaukwama wanhukwa mene hobuk inoba fa'larik wulibi waga logolik, inendawinggen ago watfisigik, komorinafik, ilik wulibi waga logolik, mel yagaisasukwa: ”Wene eberogoat iluk hinendawinggen Yesus oba himbiret fesigip mene andi, ninghogoat himbirik logoino o. Nit hobuk Allah awe a'ma mondok logouwogeluk he, ninoba yi enggin ti enggin hikhi logombigenat kugun o,” iluk yagaisaluk wulibi wagaukwa.
A'nogo meneat he, an nebe neluk logogin andiat esin iluk andi mene esinet fikhi lagi lek, we Tuhan Yesus nen nayonggo fikhi logolik, aren he, Allah obabut fano nen hilinginaferek wene fano wene andiat yagaisilik lano o, iluk nayonggo fesikhe andiat wurep oba kobokhogo hilingisigeluk esinet fikhi lagi o.
An Paulus Kristus obabut fano enago a'nogo obabut waganogo, nonggwaregen wene ekhe komothinabik. It ekhe nen he, ”At ebe horokhogo ninom logolik he, obabut liokhogo wene yaganisikherek. Meneat he, ebe yatma logolik he, obabut ailo lek ninghogo yaganisikherek,” iluk agarek mene a'nogo hobuk hinoba wesimbik nailo legat nane ninghogo yagahisigi hanogo iluk, futfobagaigen nane liokhogo yagahisigi. It andi nen he: ”Paulus lak andi re, afuni inobabut inetogat logolik hilingitarek mene andi inobabut waganogo hilingiri'lagwi,” iluk ninabok weak pali'lagwi mene andi, nobabut nailo lek nane ninghogo wenagisa wesigin iluk menenei ebeti lagi.
It andi Kristus amingmingengge logolik, at faget endebat hilingitarek meneat he, an enek he, hokhorogoat hilingitirego, iluk, afuni lugulugwi palik mene nen agarek hak ekhe yagahisigi andi. It he, seget endebat hak hilingitarek meneat he, an he, seget hokhorogo higirego. It he misik sambul hangge inenggi hele watik, yei inoatik, inebe wa'lasu hak mondok inoatik agarek meneat he, an enek he, hundik-handik nenggi hele watik, yei noatik, nebe wa'lasu hak mondok noatik, agarego.
Allah nen wene ket mene ninoba watikhe andi, niren waluk loageluk, arenat ninomamet ninafikhemo elok waluk logoin welago. Wene attak komorinafikhe mene lisu palogo fesukwa higithogo hilingiti'lek halok, andiba inebe inoaterek. Meneat he, Allah Areagun en inelugerinaferek andi nen, nit wene attak lisu palek mene waluk lagi'lek, we, at Areagun en yaganisili'logo mene waluk laga lago andi.
At Allah nen he, mel isikhemo lisu palogo fesukwama werek: ”An nen, hit hinane nesanggo holigin anggigibaat holhi o. Hinebe telhinabigin higithogoat lebethisa wagi o,” iluk isikhe andi re, Allah nen ninane esanggo holigin he, o yogondak ya aro. Nen, ninebe telninabigin he, o yogondak ya aro, iluk hinendawimo ebe'nio. Halok he, nit Allah ninom at faget hilingiti logolik he, at obabut fano nen endawithinafikhemo, at ebe wanhigip a'nogo, we tulemat alomatubo, iluk komothinafi lago andi.
Arenat hinendawimo selegethinafunem, hiren he, ”Ninayonggo fesikhe mene a'nogo nen hobuk fanotninabigin,” iluk, hinendawimo hinagaiyekhogo oba eberek welagep mene a'nogo hinelu agik, yi mene ti mene fano mene fogeratu mondok logogun mene at againafuri wo'nisageluk hokhorogo andogorogo ninobagasikhe mene andi, hinelu agik,
Hinendawinggen at Kristus oba himbiret foumo, at ebe hinendawimo awi wurogo were'ma re, yi mene ti mene awi yatunem omanggen yatik, o tik ninghogo watik, agarek hak, hinobabut he, afuni ekhe inebe inendawirogo welagaikharek andi meneba hinomanggen yakfuluk ninghogo logobagaigen iluk, Allah ayonggo fikhi lagi aro.
Ninebe ninenggi nineisok ninoba hundik welagarek mene ekhe mondogat ninomanggen oba hundik fano logolik, hunogo tomok hilingisu mene hilingitunem, ninebe fano welagorek andi hak, nit ninoe Kristus ebe ninom hundik logolik, ninobabut lombok hilingiti logogun mene higithogoat hilingiti logogun halok, afuni inalue aga logolik inendawinggen wurik agarek hak, afuni ekhe inebe ninendawirogo hilingiti logolik, ninebe Kristus ebe hangge ninomame asimbik logogun andi.
Andi nenat he, at Iblis ninendawimo kagalherek mene a'nogo nen hinendawimo kagali wesumo, niren hit faget set kwalogo hilingiti lagagu a'nogo tulemat alomat lasigin andi nabire, iluk nendawinggen firogo logolik, nendawimo sebeligin elo'lek agama re: ”Inendawinggen Kristus oba himbirigat werega? Lega,” iluk at Timotius nen hinobabut palimbik he yaganesi wesuageluk, hinoba lakfei wagi andi.
Menere, nit selek oba welagorek mene yi, ninobabut hebelogo logolik he, afuni ekhe nen inoasinogo iluk sing inobakheba itarek hak, ninendawinggen Allahba himbirik logolik, afuni inebe ninendawirogo welagorek andi meneat ikhigik, inungguloa'ma inoasinogo iluk inunggulasu haro mene salharek hak, Allah nen telogo fanotninabigin iluk ninendawinggen fano welago andi meneat saligik ikhi logouwogo.
An attak he, Yesus abok weak palhik, ebe nendawimo nen sebelfuluk Allah againafuri mene yi enggin ti enggin hilinginafik, ikhi lagagi meneat he, ninoe Enupogot Kristus Yesus endawitnafikhesik, ”Haren hobuk an faget hendawinggen lenurogo hilingiti logogin,” iluk, wene yi an noba fuluk nayonggo figik, omame wo'netik, isikhe andi. A'nogo weak hilingiti lagagi andem sambul he, an nendawinggen ninoe Enupogot Kristus Yesus oba himbiret figi'lek logolik, a'nogo hilingisu lek meneat he, nonggoren hilingiti lagagi andi nen, aren nebe endawitnafikhe andi nen, hai wati lagi o.
Wene andi, nit Allah awe a'ma logolik eberogoat iluk anggogorek wene hinago welagaikhe mene Allah nenat fakhogo weinamet fesikhemo, ”Wene andi esin,” iluk fakhogo ikhi lago. Andi re: At Kristus ebe afuniat weinam agaikhe o. At Allah Areagun nen, ”At Kristus andi eberogoat,” iluk sele'mat fesikhe o. It malaikat Allah nen yonggo pelakfisa wagarek mene ineilenggen hasukwa o. Agoromi nen at hilingiti lagaikhe wene a'nogo yi afuni ti afuni endakwe mene yagaisilik lagaukwa o. Afuni o yi awi ti awi mene ekhe hokhorogo aren, ”At ebe eberogoat,” iluk, inendawinggen at oba himbiret fesukwa o. At Allah nen pogoroba fogeratu mondok welagaikhare'ma liakfesikhemo welagarego. Wene andi re, at Allah nenat weinamet fesikhemo fakhogo ikhi lago o.
At wesigin andi, oan wagi'lek werek kwelek, it an nagainafuri wene inoba korogo an ninom hunogo inobagagi mene halok inebe lombok, inendawinggen noba himbiret fuluk logogun oba ineluk logogun. Meneat he, afuni it mene ekhe inambotkwe wulibugun mene halok inebe lombok, it andi inoba an nen nagaiyek welagi lek. andi nen an nabiro,” iluk isikhemo lisu palogo fesukwa.
Ninoe Enupogot Yesus Kristus eisena Allah a'nogoat fogerati logouwok. At Allah ninebe endawi mondogen, Yesus Kristus wa'lagaikhemo nen eluget fesikhe andiba nit ninebe hobuk ninambotkwe ket ta'ninafikhe andi. Ninelugetninafikhemo logolik he, ninendawimo nen, ”Aren, hobuk fanothinabigin, isikhe andi lek asigin lek,” iluk ninendawimo ninagaiyek hikhi lago.
At Kristus nen Allah Areagun wokhisasikhemo hinendawimo logolik, yi mene ti mene faget, eranen yagahisigi'lek, eberogoat enek yagahisili'logo andi nen he, afuni ekhe nen wene hit yagahisogoin elo'lego. Wene at Allah nen yagahisili'logo mene andi higithogoat hilingiti logolik, Kristus hinom hundik mondogat logoino o.
At Iblis nen hit hinendawimo kagaluageluk, afuni hit mene fenakwe inenggi hele warogo fisamo, inenggi 10 nen yi enggin ti enggin hikhi logogun andi re, hinailo agubo. Yi enggin ti enggin a'nogo hilinghinafu kwelek, hinendawinggen noba eberogoat himbiret fuluk, an ninom hundik were'ma wa'lasugun halok he, sa awewerek-sa awewerek lagunem, it inomame agaikharek mene onggo kware-kware ikfisagarek andi hak, onggo nabulal-habulal hilinghinabigin o.
ကြော်ငြာတွေ