KISAH PARA RASUL 9:6 - Allah Wene Fano Wene Hupla Inane

⁶ Hebe menla'luk he, o kota ari lambik kwino. Kugunem ap ekhe nen, hat yi'nogo hilingi'no, iluk yagahesigin mene werego,” iluk yagatunem,

KISAH PARA RASUL 9:6 ပူးပေါင်းရင်းမြစ်များ

MAZMUR 25:12

Tuhan nen he it afuni At Awene melalek futfuluk hilingitarek mene nek, it logoinkwe yagaisikherek.

MAZMUR 94:12

Tuhan neisena, afuni Haren yanggulinafi lagen mene andoma inom, Haren hawene melalek yagaisikhi lagen mene andoma inom he, inagaiyek hikhi logouwago.

YESAYA 57:18

Nen it inobabut hilingiri'lagwi mene andi re An nen mondogat isikhi lagi o, oba nen he An nen it inoba fano higirinabimbik he inebe woginarek lagik, leberisigik igin o, nen afuni inoba sinurogo werek mene ogore inendawimo koninabigin aro.

YESAYA 66:2

Yi mene ti mene mondogat oma re An nenat elalogo fesigimo werek. Andi nen he An nendawimo namolo re, afuni inendawinggen sebelfakhaluk, weak hilingitarek mene herak fisigik, An noba inailorogo welagik, nane hologo hilingitik, ikhi logogun andiat namolo welagirego,” iluk ikhe.

YEHEZKIEL 2:1

A'nogo hilingi'mo neilenggen higirik, an nebe talorogo kweangma nelokhe sogoum hulambeti. A'nogo hulamberek logolik were'ma nen he, ane ekhe an noba ikhi logolik mel yaganete, ”Afuni wa'lagaikharek mene yi re, hat he An nemberek wene ane ugun enggere menlame o,” iluk yaganete.

YEHEZKIEL 3:22

At Tuhan Omame werek mene a'nogo an noba hilingfugunem higimo nen he an noba ane ikhi logolik mel ikhe, ”Menla'luk i fanggongma andoma lan o, andoma nen weneane An ninom masugun,” iluk yaganete.

HABAKUK 3:16

A'nogo hilingitunem wene andi nesanggo holhirik he, nendawinggen abolok igik, nambe lei'leik igik, ikhi logolik he, noak yeli agul hangge kuluk-kalak igik, noak elekwe helela igik, igirek meneat he, it ap ninoasuogoluk weri'lagwi mene andi, Allah nen weagerinabi wesigin o, iluk he nafe morogo nabolo'legat logogin o.

MATIUS 19:30

A'nogo meneat he, it afuni o yogondak inenu werek mene hokhorogoat he, hobuk inenu legasigin. Nen, it ekhe yogondak inenu lek werek mene hobuk inenu werek asigin o,” iluk yagaisasikhe.

LUKAS 3:10

A'nogo yagaisikhi lagaikhemo, it afuni hokhorogo omanogo nen he, mel yagatukwa: ”Halok he, nit ninobabut ninggi'nogo hilingisugun,” iluk isukwama,

KISAH PARA RASUL 10:22

A'nogo yagaisasikhemo, iren he, ”Ap tentara mene esa folharek mene inoe kain enu Kornelius andi nen lakninobagai wagama wago. At andi obabut higithogo hilingitik, Allah ebe ailorogo welagik, ugunem, it afuni Yahudi mene mondogaren obabut palharesik he, a'nogoat abok fano agarek. At andi a'nogo hilingitunem malaikat Allah nen yonggo pelakfisa wagarek mene omanogo ekhe nen he, Petrus andi nen wene hat hesanggo holigin mene yagahesigin werego, iluk hat hayonggo lakninobagai wesuageluk yagatemo, aren lakninobagai wagama hoba wago o,” iluk yagatukwa.

KISAH PARA RASUL 10:32

O Yope andoma re, ap ebe misik mene enu attak mene Simon. Nen, hobuk mene, Petrus, andi ayonggo loagen ap ekhe lakfisan o. At ebe re, ap pok wagasik he, ap enu Simon, paik agap wam agap nonggolek iringiterek mene a'naga aiba i laut hokho yenggele'ma esanggoma andoma werek a'naga o, iluk yaganete.

KISAH PARA RASUL 10:6

At ebe ap pok wagasik he, ap Simon wam agap paik agap nonggolek iringiterek mene a'naga aiba i laut hokho yenggele'ma era'lu andoma werego,” iluk yagatikhe.

KISAH PARA RASUL 2:37

A'nogo yagaisasikhemo, inesanggo holhukwasik, wene andiba inendawinggen abolok isikhemo re, iren Petrus inom, it ekhe Yesus nen wenagaisogo inayonggo fuluk lakfisasikhe mene ekhe inom, yagaisikhi logolik he, ”Nagaila'lak. Nit ninobabut ninggi'nogo hilingisu,” iluk yagaisasukwa.

KISAH PARA RASUL 22:10

Inesanggo a'nogo holhi'lek werek kwelek, an nen he, Noe. An ninggi'nogo hilingisik, iluk yagatunem, aren he, hebe menlasimbik he, o Damsyik kwino. Kwimbik were'ma, haren Allah amolo mene mondogat hilingisigin mene faget ap ekhe nen yagahesigin a'naga o, iluk yaganetikhe.

KISAH PARA RASUL 26:16

Mene re, hebe menlame. An nebe helokhoma menlasi wagi yi. Hat hebe an namingmingengge kwimbik logolik, yogondak heilenggen neegen mene inom, hobuk nebe helokhoma menlagunem neagain mene inom, afuni ekhe yagaisikhi logoinogen iluk, hayonggo figi andi.

KISAH PARA RASUL 9:5

A'nogo yagatikhemo, at Saulus nen he, ”Noe. Hat sa,” iluk yagatikhemo, aren he, ”An Yesus. Haren yi enggin ti enggin hilingnabigeluk mu'narek nikhi lagen mene a'nogo aro.

ROMA 10:20

Nen, hobuk Allah nen he, wene ekhe mel isikhe: ”Afuni an nebe hera'nabi'lagwi lek mene nen, hera'nafa o. Nen, afuni an noba heinok wo'nafi'lek mene nen, ebe neoageluk nonggwaregen inelokhoma menlagi o,” iluk isikhemo, Yesaya nen ailo legat yagaisasikhe.

ROMA 10:3

It he, Allah nen wene inoba mene korogo wokhaluk hobuk inambotkwe inom hunogo inobagauwageluk, at awe a'ma kuluk logolik hilingisugun mene inonggoren hilingiti'lek welagaukwa. We, inonggwarek inendawimo nen anggaluk inomamerogo hilingiti lagaukwa andi.

ROMA 5:20

Mene re, at ekhe weak hilingitikhesik oba Allah ane sebelogo weak hilingitarek mene enggin asuageluk, Allah nen wene komotninafikhe wene hobuk wo'nisasikhe. Weak hilingitarek andi wialarik lagu kwelegat he, Allah obabut fano nen endawitninaferek andi, yi mene ti mene oba heilarogo nenggarek hak, endawitninafunem hokhorogo wialarik lagarek andi.

ROMA 7:9

An attak he, wene Allah nen komotninafikhe wene andi nonggot logolik he, neluk fano welagi hangge welagagi. Mene re, wene komotninafikhe wene a'nogo nelu agagisik oba nen he, weak hilingitarek andi mene omame agaikhemo,

FILIPI 2:12

Nerugwi nagaila'lak. Hinebe nendawi e. An ninom logolik, nane hundik-handigat ugunem hologo hilingiti lagagip andi hagat an yogondak nebe weat werek kwelek, nane andiat esinet fuluk he, hologo mondok hilingiti logoino o. At Allah nen, hiren hilingiti logobagaigeluk, hinendawinggen wenggelogo hilinghinafunem, hit hinendawimo nen he: ”I, nit a'nogo hilingiti logou ninamolo,” iluk, Allah endawimo amolo mene hilingiti lagep andi nen, at ebe hinailorogo hinoak elekwe lei'leik ikhi logolik: ”Aren telninabigin,” iluk andi fagerat hilingitu mondok logoino o.

YAKOBUS 4:6

A'nogo meneat he, Allah nen ninebe endawirogo logolik, hokhorogo lebe'nisikherek andi. A'nogo hilingitarek andi nen mel isukwa: ”Afuni inonggwaregen fogerakhugunem Allah nen inoasigeluk abit isikherek. Menere, inonggwarek inendawinggen seberogo logogun halok endawirinaferego,” iluk lisu palogo fesukwa.

1 SAMUEL 16:3

Yagaisegen halok he, at Isai wam warogo Allah noletunem andi wesuageluk ayonggo feino. An nen hat hilingisigin mene yagahesigin o. An nen, ap ebe yi, iluk yagahesigin mene andiat, at ebe raja logouwagaluk amusu unggul oba warogo menfeino o,” iluk yagatikhe.

1 SAMUEL 28:5

A'nogo wutukwasik, at Saul ap tentara Filistin mene omanogo eilenggen yerisasikhesik he, ailo mondok hokho agaikhe.