KISAH PARA RASUL 9:4 - Allah Wene Fano Wene Hupla Inane

⁴ Fei wagunem he, at Saulus a'nogo kweangma talorogo weing lagaikhe. Weing lagunem he, at ekhe ane koma nen heat yagati logolik he, ”Saulus. Saulus. Anat yi enggin ti enggin hilingnabigeluk mu'narek nihki lagen andi nenahalok,” iluk yagatikhe.

KISAH PARA RASUL 9:4 ပူးပေါင်းရင်းမြစ်များ

KEJADIAN 16:8

A'nogo pi wagaikhesik, mel yagatikhe: ”He Hagar Sarai amingmingengge mene yi, nerei e. Hat hebe o koma nen, o koma lagaluk?” iluk yagatikhemo, at he Hagar en he, ”An he, noe Sarai aiba nen heise wagi o,” iluk yagatikhe.

KEJADIAN 22:11

A'nogo wasigeluk ugunem, malaikat Tuhan nen yonggo pelakfisa wagarek mene ekhe ane pogoroba nen mel yagatikhe: ”Abraham, Abraham,” iluk yagatikhemo, at Abraham en he, ”Woi? Neisena,” iluk isikhemo, aren he,

KEJADIAN 3:9

A'nogo hina'lagaukwa meneat he, at nineisena Tuhan Allah nen ap a'nogo ane fakhikhi logolik he, mel isikhe: ”Hat hebe koma welagen,” iluk ane fakhasikhe.

KELUARAN 3:4

A'nogo anggasikhesik, eilenggen hageluk lagunem, At nineisena Tuhan engga sebele'ma omanogo anggele'ma nen eilenggen hasikhesik he mel yagatikhe: ”Musa, Musa,” iluk yagatikhe. Yagatikhemo, at Musa nen he, ”Wu i, an nebe yi welagi,” iluk yagatikhe.

YESAYA 6:8

A'nogo yaganetunem Tuhan ane ugu mene an nen holhugunemen he, ”An nen ap sa ayonggo fembik lak fagain he. Nit ninane waluk lagu mene re ap sa asigin,” iluk ugunem an nesanggo holhirik an nen ikhi logolik, ”An nebe welagi yi o. Anat la'nobagain,” iluk igi.

YESAYA 63:9

it inoba enggin-fenggin hagarek mene a'nogo re At oba aga. Tuhan ebe nenat it inebe telinabi waga, nen inobali'mo iluk ap yonggo lakfisagarek andi hak lak fisa wagi'lek. At amu nenat it inelagaik isaluk endawi hundik hilinginafikhesik he fikhalogo fisasikhe. Attagen engge Aren hambogoisogo woginafik, agaumo felikhogo woginarek lagik ikhi laga.

ZAKHARIA 2:8

Ap sa nen hit hinoasugun iluk hilinghinafu halok he, An nendawinggenma kagaukhogo noasu hagat hilingisugun o,” iluk ikhe. Andiba re, Tuhan Omame Mondok Hokho mene a'nogo nen an mimingnafi logolik wene a'nogo iluk andi it inunggulenu inap Tuhan againafuri telogo helasukwa mene andoma yagaisoageluk mimingnafi logolik,

BILANGAN 16:45

”An nen it ari inebe werek oba aremen legabet fisageluk welaginggere, afuni ari werek oba aremen higilogo lano!” iluk yagatikhe. A'nogo yagatikhemo re, it pire aremnogo kweangma ineindep awi yagaisogo sagaum etukwasik,

MATIUS 25:40

an ap kain nenupogot andi nen he, it afuni omanogo mel yagaisagain: Hiren an nagoromi inenu lek mene ekhe were'ma a'nogo hilinginafi lagagip andi, anat hilingnafi lagagibo, iluk, eberogoat yagahisigi, iluk yagaisagain.

LUKAS 10:41

at Yesus nen he, mel isikhe: ”Marta. Hat he, yi mene ti mene faget hendawinggen firogo set kwil-kwalhogo hilingiti lagen higi.

YOHANES 18:6

Nen, at Yesus nen he, ”Andi nebe an aro,” iluk yagaisugunem he, it omanogo maminghogo inalele fat-fat laga logolik he, inalele tagaurogo warilik lagaukwa.

YOHANES 20:16

at Yesus nen yagati logolik he, ”He Maria,” iluk yagatunem, Maria elokhe hebekhogo Yesus wogetikhesik he, nit ninaneba, ”Guru noe,” u hak he, it Ibrani mene inaneba re, ”Rabuni,” iluk hai watikhe.

YOHANES 21:15

Sumburu a'nogo arat nasukwama, at Yesus nen Simon enu ekhe Petrus agarek a'nogo anema wokhikhi logolik he, ”Simon Yohanes amlogo nagore. It hagaila'lak fena yoma re, an inendawinggen hundik he, lek hak meneat he, hat enek he, an hendawinggen tulemhogo welagen a?” iluk yagatikhemo, at Petrus nen he, ”I o, Noe. An nen hat hebe nendawi aro,” iluk yagatikhemo, at Yesus nen he, mel yagatikhe: ”Halok he, nanggo domba ena mene fanorogo kwelaginarek logoino o,” iluk yagatikhe.

KISAH PARA RASUL 5:10

A'nogo yagatu kwelek aremnogoat Safira a'nogo abisagat Petrus era'lu talorogo lagaikhesik ebe wa'lagaikhe. Wa'lagaikhesik were'ma, it ap alage omanogo kwisukwasik, ineilenggen hasukwasik he, ebe warek waluk agun warek sali lagaukwaba era'lu sali lagaukwa.

KISAH PARA RASUL 9:5

A'nogo yagatikhemo, at Saulus nen he, ”Noe. Hat sa,” iluk yagatikhemo, aren he, ”An Yesus. Haren yi enggin ti enggin hilingnabigeluk mu'narek nikhi lagen mene a'nogo aro.

ROMA 11:22

Allah obabut he, fano inom, weak inom, welagarek andi hani! It alomat lagaukwa mene faget he, obabut weak andi. Nen, hit at obabut fano mene hinom hundik logogun halok he, obabut fano andi. Mene re, a'nogo hundik logogun lek halok he, hit a'nogoat palogo lakhinobagagin o.

1 KORINTUS 12:12

Nit afuni ninebe misigat meneat he, ninenggi, nineisok, ekhe ninoba hokhorogoat hundik werek. Ninenggi nineisok ninoba ekhe mene ekhe mene hokhorogoat hundik werek meneat he, lambukhogo ninebe misigat andi hangge re, at Kristus ebe a'nogo aro.

1 KORINTUS 4:7

”It ekhe andi elo'lek hak, mene re an enek he mondok fano, ikhi logoino,” iluk sa nen yagahisasikhemo ikhi lagep? Hit hinagarek yi mene ti mene helikhi lagep andi, Allah nenat wokhisikherek lek nogo? Arenat wokhisikherego. A'nogo wokhisugunem helikhi lagep meneat he, hiren elalhep mene hangge hinonggwaregen fogerakhikhi lagep andi nenahalok?