KISAH PARA RASUL 9:30 - Allah Wene Fano Wene Hupla Inane

³⁰ Wasuogeluk walhugu kwelek, it Allah againafuri it-it inerugwi inagaila'lak inom misigat mene ekhe nen, Saulus ebe o Kaisarea waluk wagaukwasik he, andoma nen o Tarsus lagai wesuageluk lakfei wagaukwa.

KISAH PARA RASUL 9:30 ပူးပေါင်းရင်းမြစ်များ

MATIUS 10:23

O sili ekhe nen weaget hinabuogeluk ugu halok he, heise o sili ekhe lano. It afuni Israel mene inawi sili fena oan wene yagaisigi'lek werek kwelegat he, an abat ta'lasi wagagi a'nogo hobuk wesigin o, iluk, nane eberogoat yagahisigi.

MATIUS 16:13

O andoma nen, at Yesus o sili Kaisarea ap Filipi nen hokhotfesikheba andoma lagai wagaikhesik he, at agoromi ane wanhi lagaukwa mene omanogo heinok wogisikhi logolik, mel yagaisasikhe: ”It afuni nen, an abat ta'lasi wagagi a'nogo an nebe faget ikhi logolik he, sa iluk ili'lagwi nogo,” iluk yagaisasikhemo,

KISAH PARA RASUL 1:15

Andi sambul, Allah againafuri ekhe inom inebe 120 hangge andogorek logolik, at Petrus inanggele'ma menlagaikhesik he, wene mel yagaisasikhe:

KISAH PARA RASUL 11:25

A'nogo hilinglagu kwelek he, at Barnabas hobuk Saulus herarik, o Tarsus lagaikhe.

KISAH PARA RASUL 17:10

A'nogo wulakfisasukwama, o hubagaikhemo re, it Allah againafuri nen Paulus Silas emberek o Berea lakfisa wagaukwa. Lakfisa wagaukwama wagaukwasik he, o afuni Yahudi mene samban ikhi lagaukwaba kwisukwa.

KISAH PARA RASUL 17:15

A'nogo wagaukwasik i agum ebene nen waluk o kota Atena wagaukwa. Wagaukwasik inambotkwe o Berea louwogeluk ugunem, at Paulus nen he, ”Silas Timotius emberek noba weak-weak wesuak,” iluk wene warogo lakfisasikhemo lagaukwa.

KISAH PARA RASUL 28:14

O Putioli andoma Allah againafuri mene ekhe were'ma ninom ambi agagusik, iren he, ”Ninom logouwogo,” iluk ninayonggo fesukwama, ninenggi 7 nen ninom welagagu. Welagagusik o andoma nen o kota Roma wesuogeluk wagagu andi.

KISAH PARA RASUL 8:40

Nen, at Filipus Allah Areagun nen waluk o Asdod andoma fei wagaikhemo logolik, afe hebel lagaikhesik, o andoma nen he, o sili mondogat olokwe ya kwigik ta kwigik, wene fano wene yagaisilik, o kota Kaisarea lagai wagaikhe.

KISAH PARA RASUL 9:11

Isikhemo re, at Tuhan nen he, mel yagatikhe: ”Hebe siakhogo menlasimbik he, kwe enu Higitkwe andikwe nen lano. Lambik he, o ap Yudas were'ma kwi lambik, haren he, ap enu Saulus, aiba Tarsus mene a'naga, yoma werega? iluk heinok wogisano. At ebe samban ili'logo a'naga.

GALATIA 1:21

Andoma welagagisik he, hobuk o Siria inom, Kilikia inom, wagagi andi.