KISAH PARA RASUL 8:5 - Allah Wene Fano Wene Hupla Inane

⁵ A'nogo yagaisilik laga logolik he, at Filipus o kota Samaria andoma wagaikhesik, wene mel yagaisasikhe: ”Allah nen he, ap ekhe telhinabuageluk lakfei wesigin, iluk wene wa'nisasikhe a'nogo, ebe lakfei wagama wagasik yi'nogo hilingite,” iluk abok yagaisikhi lagaikhe.

KISAH PARA RASUL 8:5 ပူးပေါင်းရင်းမြစ်များ

KISAH PARA RASUL 1:8

A'nogo meneat he, Allah Areagun hinoba pi waga halok, hinomame asigin. Hinomame asimbik he, o kota Yerusalem en, propinsi Yudea nen, Samaria nen, huli o yi awi ti awi esanggo-esanggo andomaat laga logolik, an yi mene ti mene hilingirik nugunem hineilenggen neegep mene a'nogo, an faget yagaisilik laga logoino o,” iluk yagaisasikhe.

KISAH PARA RASUL 21:8

Ninom welagagusik, ohealekwe re, o Kaisarea lagagusik, it ap inebe 7 nen attagat o Yerusalem en wenagaisogo fisaluk menfisasukwa mene omanogo ekhe fano wene yagaisilik nikhi lagaikhe mene enu Filipus were'ma, aiba kwisugusik ninom welagagu.

KISAH PARA RASUL 5:42

Wulifukwasik, it a'nogo nen Allah awi wuri'mo kwigik, afuni inawilokwe kwigik, ikhi logolik, ”Allah nen he, ap ekhe nen afuni telhinabuageluk ayonggo fuluk lakfei wesigin, isikhe a'nogo, ebe Yesus andi aro,” iluk Yesus nen hilingitikhe wene, fano wene a'nogo kamo igi'lek hundik-handigat yagaisilik nikhi lagaukwa.

KISAH PARA RASUL 6:5

Wene a'nogo ikhi lagaukwama, it afuni Allah againafuri omanogo inebe mondogaren he, ”A'nogo egep andi fano,” iluk isukwasik inebe heragaisogo fisasukwa. A'nogo fisasukwa andi ekhe re, Stefanus, endawinggen Allah oba himbirik mondok were'ma Allah Areagun endawimo peterogo kwisikhesik welagaikhe mene inom, Filipus inom, Prokhorus inom, Nikanor inom, Timon inom, Parmenas inom, Nikolaus o Antiokhia mene Allah ane wanhikhesik, Yahudi mene hangge hilinglagaikhe mene andi inom,

KISAH PARA RASUL 8:1

At Stefanus ebe mondogat watukwa andi, at Saulus endawimo nen fano anggasikhe. At Stefanus ebe watukwa andi sambul he, it Allah againafuri o Yerusalem andogoti lagaukwa mene inebe yi enggin ti enggin weakhogo hilinginafu kwelek he, it ap Yesus nen inebe wenagaisogo inayonggo fuluk lakfisasikhe mene omanogo nek, o Yerusalem werek kwelek he, Allah againafuri ekhe inebe hokhorogo mondogat pugulogo re, o propinsi Yudea Samaria yi awi ti awi andoma mugusogo wulakfisasukwa.

KISAH PARA RASUL 8:26

O kota Yerusalem lagaukwasi'mo re, malaikat Tuhan en yonggo pelakfisa wagarek mene ekhe Filipus oba pi wagaikhesik wene yagati logolik he, ”Hat hebe siakhogo, o Yerusalem en o Kasa i ambutmo higit pagarek kwe, afuni inebe lekwe andi nen pino o,” iluk yagatikhemo re, siakhogoat pisikhe.

KISAH PARA RASUL 8:30

A'nogo yagatikhemo, at Filipus fungusegat oba pisikhe hak he, ap a'nogo nen wene Allah ane Yesaya nen yagaisikhi lagaikhesik, lisu palogo fesikhe mene a'nogo enu salhunem he, esanggo holhikhe. Esanggo holhikhesik he, mel yagatikhe: ”Noe. Enu salhi lagen andi, wene ebe futfikhi lagen a? Lega,” iluk yagatikhemo,

KISAH PARA RASUL 8:40

Nen, at Filipus Allah Areagun nen waluk o Asdod andoma fei wagaikhemo logolik, afe hebel lagaikhesik, o andoma nen he, o sili mondogat olokwe ya kwigik ta kwigik, wene fano wene yagaisilik, o kota Kaisarea lagai wagaikhe.

KISAH PARA RASUL 8:6

Wene yagaisikhi logolik he, iren wene futfouwageluk munggwarengge inobabut weak mene afuni inebe hokhorogoat inendawimo kwisukwasik welagaukwa mene inane hokhorogoat ugu kwelek henogo wulakfisigik, it ekhe hokhorogoat ineisok wut warek mene inom, ineisok hambelek mene inom, higirinafik, elalinat hilinginafi lagaikhe. A'nogo hilinginafi lagaikhe andi nen, afuni omanogo inebe mondogat andogorek logolik, ineilenggen hasukwasik, inesanggo furogo holhi lagaukwa.

KISAH PARA RASUL 9:20

A'nogo welagaukwa andem sambul he, o it afuni Yahudi mene samban ikhi lagaukwaba kwisikhesik, wene Yesus faget yagaisikhi logolik he, ”At Yesus andi, ebe Allah amlogo aro,” iluk yagaisikhi lagaikhe.

1 KORINTUS 1:23

nit enek he, Kristus eba menfuluk watukwa wene a'nogoat yagaisikhi lago. Yagaisugunem he, it afuni Yahudi mene nen, ”Wene andi weak,” iluk obokhogo herakfisigik, nen, it afuni endakwe mene nen he: ”Wene andi, afuni kembu mene nen agarek hangge ili'lagwi,” iluk hebisigik, ili'lagwi o.

1 KORINTUS 2:2

An hit ninom logolik he, nendawimo nen wene we mene ebeti'lek, we, at Yesus Kristus faget ebeti logolik, esin he, at ebe eba menfuluk watukwa wene andiat ebesigin o, iluk nendawimo anggasigi.

1 KORINTUS 3:11

At Allah nen he, ”O andi tik, Yesus Kristus andiat logogin,” iluk fesikhe andi nen he, at ekhe nen, o tik hunogo mene wasigin mondok lego.