KISAH PARA RASUL 8:32 - Allah Wene Fano Wene Hupla Inane

³² Yagatikhemo, oba hu'lasi lagasikhesik eilenggen yethasikhe hak he, ap a'nogo lisu mel iluk palek were'ma enu salhunem hasikhe: At ebe re, domba wam wasuogeluk waluk lagaikharek andi hak waluk lagaikha o. Waluk lagaikhasik domba eak esi paluogeluk ugunem, ane legat kamo ikherek andi hak, at andi ane ekhe igi'lek kamo ikhe o.

KISAH PARA RASUL 8:32 ပူးပေါင်းရင်းမြစ်များ

YEREMIA 51:40

An nen, it he wam domba, kambing eagwi inom domba ai mene inom wasuogeluk waluk lagaikharek hak, woginarek lagain o. Iluk An, Tuhan nen nane mondogat igi,”? ikhe.

ROMA 8:36

Wene andi higithogo Allah aneba lisu palhi logolik, mel isukwa: ”Hat fagerat he, afuni nen linggene hundik, hubanggo hundik, ninoasuogeluk hilingninafu mondogat werego. Afuni nen domba wam wasuogeluk abok palharek andi hak, ninabok palhuat werego.” iluk lisu palogo fesukwama werek.

YEREMIA 11:19

An he domba ebe watarek oba nen wasuogeluk waluk lagunem endawi menenei agi'lek lagarek a'nogo higit welagi. Iren hilingisugun mene iluk wene palogo fagarek mene andi re an nobaget ugu kwelek meneat he an nobakhe palegat welagi. Iren ikhi logolik, ”Niren e ari enggen oan itu kwelek aremat musuogen he we'ni o. Niren leget fogoin halok he afuni nen at enu ekhe ebethikhi logogun lego,” iluk ikhi lagaikha.

MAZMUR 39:9

An naweak omanogoba nen lologo nobagain, an ap kembu mene nen li'not nafungge hilingnobagau fugo.

MAZMUR 39:2

An nen wenggel hikhi logolik he, ”An namelinggen oba nen weak hilingiti hanogoluk nonggwaregen fanorogo kagalek logogin, afuni weak hilingitarek mene an horokhogo werek sambul he, an he nane igi'lek weat logogin,” iluk ikhi lagi.

YOHANES 1:29

Wene a'nogo isukwasik, nogo iluk, ohealekwe, at Yesus Yohanes oba wagunem eilenggen yet hasikhesik he, wene mel yagaisasikhe: ”Allah anggo domba mene nit afuni kweangma weak hilingitorek mene korogo herakfisagain mene a'nogo waga a'li hineilenggen yethani.

YEREMIA 12:3

Oba nen he, Tuhan neisena, Haren an fut nobagakhi lagen. An nen hilingiti lagi mene re Hat heilenggen niikhi lagen, nen nendawimo nen Hat hobaget anggikhi lagi mene re Haren ogo heluregat. Ap ina'mageba hilingiri'lagwi mene andoma re lirinarek wulibi lan o, it inebe re domba wasuogeluk waluk lagaikharek hak woginarek lan. Lambik he kagalinarek werek kwelek enek he it inebe inoasugun oba asi wesigin.

1 PETRUS 1:19

Athe, onggo hokho meneba palogo telhinafikheo. Wam domba eak weak meneba fuk, we, domba eak mondok fano mene Allah faget amep wulagaisogo waresu hak, at Kristus amep wulagaisogo wa'lagaikhe andiba, hinonggo palogo telhinafikhe andi.

LUKAS 23:34

A'nogo menfisasukwama logolik, at Yesus nen mel yagatikhe: ”Neisena e! It yi inonggot logolik hilingnabi'lagwi yi re, wene inoba figi'lek sebelogo herakfisano o,” iluk yagatikhe. Nen, it ap tentara mene omanogo nen he, a'nogo menfisaluk, ”At Yesus asu andi sa hak asigin,” iluk he, oagengge lakfigik, wakfigik, isukwasik, oagengge inoba agaikhe mene halok sumburogo helasukwa.

KISAH PARA RASUL 8:31

aren he, ”Wene andi ebe sa nen furogo yaganesumo nen futfagain,” iluk yagatikhesik he, ”Hat nemberek puogen, ya hu'lasi lagaime o,” iluk yagatikhe.

1 KORINTUS 15:3

Wene an attak wanhigi mene, hit hobuk yagahisasigi andi re, ebe mel anggigi. Nit weak hilingiti lagagu mene faget, at Kristus ninenggi elugun oba wasugun iluk lisu palogo fesukwa higithogoat ebe watukwa andi.