KISAH PARA RASUL 8:30 - Allah Wene Fano Wene Hupla Inane

³⁰ A'nogo yagatikhemo, at Filipus fungusegat oba pisikhe hak he, ap a'nogo nen wene Allah ane Yesaya nen yagaisikhi lagaikhesik, lisu palogo fesikhe mene a'nogo enu salhunem he, esanggo holhikhe. Esanggo holhikhesik he, mel yagatikhe: ”Noe. Enu salhi lagen andi, wene ebe futfikhi lagen a? Lega,” iluk yagatikhemo,

KISAH PARA RASUL 8:30 ပူးပေါင်းရင်းမြစ်များ

MAZMUR 119:32

Haren an wene ekhe inom futfouwageluk hilingnobagakhi lagenma re, nendawimo nagaiyek oba Hat hawene melalek a'nogo furogo hilingiti logogin.

PENGKHOTBAH 9:10

Afuni inebe wa'la'luk lagaikharek oba andoma re yabu hilingitik, menenei ebetik, yi wene ti wene inelu agik, inendawinggen kagalek mene hilinglagik agarek le'ma andomaat hit logoin andi nen he, hineluk logolik yi yabu ti yabu hinomamerogo hilingiti logoino.

MATIUS 13:19

Awi feik ekhe ebekhalem lakfesikhe andi ebe re, it afuni ekhe Allah awe a'ma fisikherek wene andi inesanggo holharesigat he, ebe furogo futfigi'lek halok, at obabut weak mene a'nogo wagaresik he, wene inendawinggenma awi yago mene andi henegeisogo helaluk lagarek andi aro.

MATIUS 13:23

Nen, awi ekhe kweang fanoma feik lakfesikhe andi ebe re, it afuni ekhe Allah ane andi inesanggo holharesik he, ebe furogo futfugunem, wene andi enggen iterego. Ero ekhe nen enggen 100 itik, ero ekhe nen enggen 60 itik, ero ekhe nen enggen 30 itik, iterek andi aro,” iluk yagaisasikhe.

MATIUS 13:51

A'nogo yagaisasikhesik he, ekhe mel yagaisasikhe: ”Wene andi arat futfegeba? Lega,” iluk yagaisasikhemo re, iren he, ”I o. Futfogoaro,” iluk yagatukwa.

MATIUS 15:10

A'nogo yagaisasikhesik he, hobuk at Yesus nen afuni hokhorogo omanogo wolisasikhemo wagaukwama re, ekhe mel yagaisasikhe:

MATIUS 24:15

A'nogo yagaisasikhesik he, hobuk ekhe mel yagaisasikhe: Hiren lisu palek yi enu salhi logolik he, fanorogo futfikhi logoino o. Ap Daniel Allah ane yagaisikhi lagaikhe mene a'nogo nen ikhi logolik, Allah aiba fano hore'ma omanogo menlasi wagunem hineilenggen hambik he,

MARKUS 13:14

Wene a'nogo yagaisasikhesik he, ekhe mel yagaisasikhe: ”Hiren lisu palek yi re, enu salhi logolik fanorogo futfikhi logoino o. Afuni yi enggin ti enggi inoba fagain mene andi o wesa logogin oba kwi wesimbik mendek werek halok he, afuni o Yudea tongge werek mene andoma heise pugulogo tom ebene lagauwago.

YOHANES 4:34

A'nogo isukwama at Yesus nen he, mel yagaisasikhe: ”At an laknobagai wagaikhe mene a'nogo endawimo anggikherek mene higithogo hilingiti lagi andi inom, an hilingisuageluk nayonggo fesikhe mene andi elugun warogo katokhogo hilingisigeluk ikhi lagi andi inom, an namburu re, andi aro.

YOHANES 5:39

Hiren anggikhi logolik, nineluk mondok logogun he, Allah ane lisu palek fisogo welago yibaat logogun o, iluk lisu palek andi fanorogo futfikhi lagep meneat he, lisu palek andi, an nebe fut nobagauwageluk palhukwama werek kwelegat he,

KISAH PARA RASUL 8:27

Pisikhe hak he, ap ekhe awi Etiopia mene ebe owali waganek mene ambotkwe aiba pigeluk ebekwe pikhi lagaikhe. Ap andi re, he o Etiopia mene kain enu Kandake andi nen, at mene yi mene ti mene fisogo logouwageluk, enggiba fesikhemo re, kain welagaikhe mene. At ebe kain logolik he, Allah awe a'ma kwisikhesik, samban o Yerusalem i lagai wagaikhe. Lagai wagaikhesik he,

KISAH PARA RASUL 8:29

A'nogo salik pugu kwelek he, at Allah Areagun nen Filipus yagati logolik he, ”Kereta andi pugunem agap fakha lambik oba horokhogo lan o,” iluk yagatikhe.

KISAH PARA RASUL 8:31

aren he, ”Wene andi ebe sa nen furogo yaganesumo nen futfagain,” iluk yagatikhesik he, ”Hat nemberek puogen, ya hu'lasi lagaime o,” iluk yagatikhe.

KISAH PARA RASUL 8:5

A'nogo yagaisilik laga logolik he, at Filipus o kota Samaria andoma wagaikhesik, wene mel yagaisasikhe: ”Allah nen he, ap ekhe telhinabuageluk lakfei wesigin, iluk wene wa'nisasikhe a'nogo, ebe lakfei wagama wagasik yi'nogo hilingite,” iluk abok yagaisikhi lagaikhe.

1 KORINTUS 14:19

Mene re, an Allah againafuri ninom andogorek logolik wene yagaisageluk he, inane nonggot mene elalinat hokhorogo igi'lek, we, futfogoin mene nane endebat 5 ba nek umo fano iluk yagaisigirek.

EFESUS 5:17

Hinendawinggen mum logogubo. We, nineisena Tuhan endawimo amolo anggikherek mene ero andiat herakhaluk higithogo hilingiti logoino.

WAHYU 13:18

Andi nen he, wene andi faget, hinebe hebelek legengge logogun mondok lego. Athe, sa nen obabut hebelek halok he, mene olomene hangge andi enu faget, inenggi 666 oba wenata andi, ebe re, ap ekhe enu mene wenatama andi nen he, futfeni o.