KISAH PARA RASUL 8:2 - Allah Wene Fano Wene Hupla Inane

² A'nogo wulakfisasukwama, it afuni Allah ane hologo hilingiti lagaukwa mene ekhe nen he, Stefanus a'nogo ebe warek kweangma salhukwasik he, obaget le hokhorogo aga lagaukwa.

KISAH PARA RASUL 8:2 ပူးပေါင်းရင်းမြစ်များ

KEJADIAN 50:9

Ap tentara esa logalfuluk, it ekhe oto hangge wam kuda nen lisogo waluk lagarek mene enu kereta ba lagaluk nikharek mene inom, it ekhe wam kuda amboloba lagaluk nikharek mene inom, inombo'ne wagaukwaat, ma re, esa mondok hokhorogoat folfuluk wagaukwasik lagaukwa.

2 SAMUEL 3:31

A'nogo hilingitukwasik at Daud en Yoab inom, agoromi inom inoba yagaisikhi logolik, ”Abner faget fong warogo iluk he hinasu tilip talap isaluk hinasu fong warogo logolik labetarek mene laberambik he fong wa'ni,” iluk yagaisasikhe. Nen, at Abner warek a'nogo salugun iluk pia'luk lagunem he, at raja Daud ebe peti wurik Abner ebe warek kwelabek mene a'nogo o'lu fikhit laga lagaikhe.

2 TAWARIKH 32:33

At Hizkia ebe wa'lagaikhe mo re it raja-raja salinafi lagaukwaba nen kweang yegek-yege'ma aremnogo salhukwa. Nen, at ebe wa'lagaikhe mo andi re it afuni Yehuda mene inom, Yerusalem mene inom, mondogaren he at ebe along anggaluk legeisogo fikhi logolik salhukwa. At obali'mo re amlogo Manasye a'nogo raja lagasikhe.

2 TAWARIKH 35:25

At Yosia wa'lagaikhe mene andi faget he nabi Yeremia nen le wuni misik ekhe felalhikhe mo re, yogondak huli nen he wuni andi at Yosia wa'lagaikhe wuni a'nogo faget ebetu sambul he ap inom, hemi inom, it afuni Israel mene andoma wuni wulafarek inaben wuni andi wulafu mondok werek. Wuni andi re iren buku le wuni andogorogo palogo fesukwa mene a'nogoba kwelakfesukwama werek.

YEREMIA 22:10

Afuni Yehuda mene yoma re, hit he raja Yosia wa'laga mene andi faget fong watu lego. Meneat he at amlogo Yoahas a'nogo nek he aben waluk lagaikhama ambotkwe wesigin lek, nen kweang at ebe ta'lagaba re eilenggen ekhe hagain legat andi nen he, at obaget enek he le aga logoni o.

YEREMIA 22:18

Andiba re raja Yehuda mene Yoyakim, hun Yosia amlogo andi faget Tuhan nen yi'nogo ikhe, ”At ebe wa'lasumo re aben iluk ogo obaget le asugun lego,” ikhe. Nen ap ekhe nen ikhi logolik, ”Eige an nare a'nogo agwi, igik,” athe it ekhe nen, ”Hun hokho agun a'nogo nendawi e!” igik, ugun mondok lego.

BILANGAN 20:29

A'nogo wa'lagaikhemo fuluk pi wagaukwasik, afuni Israel mene mondogat yagaisasukwama inesanggo holhukwasik he, Harun warek faget fong watu inenggi 30 nen welagaukwa.

MARKUS 6:29

A'nogo hilingitukwama, afuni nen he, ”Yohanes a'nogo watama warek werek,” iluk isukwama, it Yohanes agoromi ane wanhi lagaukwa mene omanogo inesanggo holhukwasik ebe warek a'nogo wani wagaukwasik he, omoula warek fisagarek oba fei lagaukwasik were'ma nen, at Herodes en Yesus abok holhikhesik, ”Yohanes eluk agasik nikho higi,” iluk isikhe andi.

LUKAS 2:25

Andi sambul ap o Yerusalem mene ekhe enu Simeon. At obabut he, fano, Allah ailorogo logolik, mondok higithogo hilingiti lagaikhe. A'nogo hilingiti logolik, afuni Israel mene inendawimo fanorinabi wesigin mene andi nenangorogo were'ma, Allah Areagun oba louk isikhemo welagaikhe.

KISAH PARA RASUL 10:2

At Allah ailorogo logolik againafuri inomen fogerati lagaukwa. Fogerati logolik he, it afuni Yahudi mene omanogo ekhe inenggi lek inelagaik mene hokhorogo leberisikhi logolik, samban kamo igi'lek ugu mondok welagaikhe.

KISAH PARA RASUL 2:5

O andi sambul he, afuni Yahudi mene Allah ane hologo hilingiti lagaukwa mene halok, o yi awi ti awi mondogaren Yerusalem andogosi wagaukwasik welagaukwa.

KISAH PARA RASUL 8:1

At Stefanus ebe mondogat watukwa andi, at Saulus endawimo nen fano anggasikhe. At Stefanus ebe watukwa andi sambul he, it Allah againafuri o Yerusalem andogoti lagaukwa mene inebe yi enggin ti enggin weakhogo hilinginafu kwelek he, it ap Yesus nen inebe wenagaisogo inayonggo fuluk lakfisasikhe mene omanogo nek, o Yerusalem werek kwelek he, Allah againafuri ekhe inebe hokhorogo mondogat pugulogo re, o propinsi Yudea Samaria yi awi ti awi andoma mugusogo wulakfisasukwa.

KISAH PARA RASUL 8:3

Allah againafuri a'nogo wulakfisikhi logolik, at Saulus a'nogo Allah againafuri mene weagerinabigeluk he, inawilokwe lombok ya kwigik ta kwigik nikhi logolik, ap inom, hemi inom, inenggi lisogo woginarek he, o afuni inenggi hele warogo fisagarek oba fisa laga lagaikhe.

ULANGAN 34:8

A'nogo wa'lagaikhemo, afuni Israel mene o Moab kweang mondok liok layokse'ma andoma andogorek logolik, fong watu inenggi 30 nen welagaukwa.

1 SAMUEL 28:3

At Saul en afuni heinogengge inoba lagaikharek mene inom, wesagun, ”Hobuk yi'nogo hilinglasigin,” iluk agarek mene inom, mondogat afuni Israel mene were'ma logogun lek, iluk mugusogo wulakfisasikhesik oba nen, at Samuel ebe a'nogo wa'lagaikhemo, afuni Israel mene mondogaren fong warogo ebe warek at onggwarek aiba Rama andoma salhukwa andi.