KISAH PARA RASUL 8:14 - Allah Wene Fano Wene Hupla Inane

¹⁴ A'nogo hilingitukwama, afuni nen he, ”Afuni o Samaria mene Allah ane wanha o,” iluk ikhi lagaukwama, it ap Yesus nen inebe wenagaisogo inayonggo fuluk lakfisasikhe mene omanogo, o Yerusalem logolik, inesanggo holhukwasik he, Petrus Yohanes emberek afuni Samaria mene inoba lakfisa wagaukwa.

KISAH PARA RASUL 8:14 ပူးပေါင်းရင်းမြစ်များ

1 TESALONIKA 3:2

Werek kwelek he, at ninagot Timotius, fano wene Kristus hilingitikhe wene a'nogo ninomat, Allah faget yagaisilik nikhi lago mene a'nogo, afuni nen yi enggin ti enggin hilinghinabi'lagwi andi nen, hit hinendawinggen Kristus oba himbiret fesigip mene abolok inogo iluk, hinendawinggen ago wathinafik, komothinafik ikhi logouwageluk hinoba lakfei wago andi o. Yi enggin ti enggin hilinghinabi'lagwi andi, Allah nen wena'ninafi logoligat: ”A'nogo hilinghinafi logogun,” iluk isikhe hagat hilingninabi'lagwi andi hineluaro.

1 TESALONIKA 2:13

Niren wene Allah ane a'nogo yagahisasugumo, hiren he, ”Wene andi afuni inane mene lego. We, Allah ane aro,” iluk wanhigip andi re, eberogoat Allah aneat wanhigibo. Andi nen nit kamo igi'lek Allah hai wato mondok welago. At Allah nen hit hinendawinggen Kristus oba himbiret fesigip mene halok hinendawimo kagalhu mondok welagarego.

GALATIA 2:9

A'nogo futninobagasukwasik he, it Yakobus inom, Petrus inom, Yohanes inom, Allah againafuri nen he, ”Nit ninogogwi it werek,” iluk agarek mene nen he, ”Hiren he, wene afuni endakwe mene yagaisilik lano. Nen, niren he, afuni inagap inenggalimo mene palek mene faget yagaisilik logoin. Ninom hundigat hilingiti logouwok,” iluk he, Barnabas nemberek ninenggi fak-fak hai wa'ninafukwa.

KISAH PARA RASUL 8:1

At Stefanus ebe mondogat watukwa andi, at Saulus endawimo nen fano anggasikhe. At Stefanus ebe watukwa andi sambul he, it Allah againafuri o Yerusalem andogoti lagaukwa mene inebe yi enggin ti enggin weakhogo hilinginafu kwelek he, it ap Yesus nen inebe wenagaisogo inayonggo fuluk lakfisasikhe mene omanogo nek, o Yerusalem werek kwelek he, Allah againafuri ekhe inebe hokhorogo mondogat pugulogo re, o propinsi Yudea Samaria yi awi ti awi andoma mugusogo wulakfisasukwa.

2 TESALONIKA 2:10

A'nogo hilingiti logolik he, ebe wene andi afuni inamolo nen wanumo Allah nen telinabu meneat he, at obabut weak mene a'nogo nen lalfalhogo hilinginafunem, iren he: ”Ebe wene andi ninabiro,” iluk, ikhi logogun andiba weagerinabigino.

KISAH PARA RASUL 17:11

It afuni Yahudi o Berea mene inobabut he, afuni o Tesalonika mene inendawimo puk welagaukwa andi hak he, lek. We, it he, wene anggilukhogo wanhi logolik, ”Wene ikhe andi eberogoara? Lega,” iluk, Allah ane lisu palogo fesukwa mene a'nogo hundik-handigat enu salogo furogo kumuthikhi lagaukwa.

KISAH PARA RASUL 15:4

It a'nogo o Yerusalem lagaukwama re, it ap Yesus nen inebe wenagaisogo inayonggo fuluk lakfisasikhe mene omanogo inom, it ap Allah againafuri ferinarek welagaukwa mene inom, it Allah againafuri ekhe andoma inebe andogoti lagaukwa mene inom, inomen, hai warogo woginafukwa. Woginafukwama, iren he, ”Nit Allah ninomen yi'nogo hilingito, ti'nogo hilingito,” iluk wene pilingisogo yagaisasukwa.

KISAH PARA RASUL 11:1

It afuni ekhe nen he, ”It afuni endakwe mene Allah ane wanha o,” iluk isukwama, it ap Yesus nen inebe wenagaisogo inayonggo fuluk lakfisasikhe mene omanogo inom, Allah againafuri o Yudea andogoti lagaukwa mene ekhe inom, inesanggo holhukwa.

KISAH PARA RASUL 2:41

A'nogo komorinafikhemo re, it wene wanhukwa mene halok ima pelaginafukwa. Andi sambul inebe 3.000 hangge ima pisukwasik he, hobuk inom lambukhogo welagaukwa.

YOHANES 12:48

Athe, at andi an nebe wo'nabu abirat, nen nane furogo wanu abirat andi nen wene oba fagain mene werego. Wene oba fagain andi re, o wurep oba tegelinabigin andiba, an nen wene yagahisikhi lagi andibaat wene oba asigin o, iluk a'nogo yagahisikhi lagi andi re,

LUKAS 22:8

Nogoin higit agaikhemo re, at Yesus nen Petrus Yohanes emberek lakfisikhi logolik he, mel yagaisasikhe: ”Nit seni Paskah faget wam domba ninom nouwogen he, lambik weragaisogo tegelogo fembik logoino o,” iluk a'nogo yagaisasikhemo,

MATIUS 13:23

Nen, awi ekhe kweang fanoma feik lakfesikhe andi ebe re, it afuni ekhe Allah ane andi inesanggo holharesik he, ebe furogo futfugunem, wene andi enggen iterego. Ero ekhe nen enggen 100 itik, ero ekhe nen enggen 60 itik, ero ekhe nen enggen 30 itik, iterek andi aro,” iluk yagaisasikhe.

1RAJA-RAJA 13:32

Nen, Tuhan awene melalek oba ap andi nen mezbah o Betel werek mene faget ikhe mene andi inom, nen kembu o kota Samaria kwe werek mene andoma faget ikhe mene inom he eberogo hilinglasigin mene faget ikhe o,” iluk yagaisasikhe.