Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KISAH PARA RASUL 8:12 - Allah Wene Fano Wene Hupla Inane

12 A'nogo meneat he, at Filipus nen fano wene Allah nen awe a'ma fisikherek wene andi yagaisigik, Yesus Kristus enu andi yagaisigik, fano wene andi ikhi lagaikhemo re, afuni omanogo nen he, ”Wene andi eberogoat,” iluk wanhu mene halok, ap inom, hemi inom, ima pelaginafi lagaikhe.

အခန်းကိုကြည့်ပါ။ ကော်ပီ




KISAH PARA RASUL 8:12
22 ပူးပေါင်းရင်းမြစ်များ  

Halok he, yi afuni ti afuni inunggulenu lombok mondogaren An nagoromi hilinglasuageluk, neisena Allah enuba, An Amlogo nenuba, Areagun enuba, ninenu hombuk palogo ima pelaginafik, An nen wene komothinafi mene andi mondogat higithogo hilingiti logouwageluk yagaisigik, laga logoino. Yet hani! Hit a'nogo hilinginabik lagunem, An nebe ninom mondok-mondogat were'ma huli wurep oba hilinglasigin o,” iluk yagaisasikhe.


A'nogo wogisasikhesik he, iren Allah awe a'ma inobagagin wene a'nogo yagaisigik, ou inoba werek mene higirinafik, ilik loageluk lakfisasikhe.


A'nogo yagatikhemo, at Yesus nen he, mel yagatikhe: ”Warek mene halok, it afuni inebe warek mene hangge werek andi nenat salinafi logouwagen he, hat Allah awe a'ma fisikherek wene andi, o yi awi ti awi yagaisilik nikhi logoino o,” iluk yagatikhe.


Yesus ebe wa'lagaikhesigen eluk a'luk, enggi 40 hari inom logolik he, at ebe furogo futfouwageluk yi mene ti mene elalin mene hokhorogoat hilingiti lagaikhe. A'nogo hilingiti logolik, aren he, ”An nebe yi. Ineilenggen furogo neoago,” iluk hobugalep inelokhoma menla'luk inugisigik, Allah awe a'ma welagaikharek wene yagaisigik, ikhi lagaikhe.


It a'nogo hilingiti lagaukwa meneat he, it ekhe inom pugulhukwa mene inaiba re, o Siprus mene inom, o Kirene mene inom, o kota Antiokhia wagaukwasik, wene fano wene Tuhan Yesus hilingitikhe wene andi, it afuni inunggul enu Yunani mene yagaisasukwaat.


Ap Krispus, o afuni Yahudi mene samban ikhi lagaukwaba andi kain eisewerek welagaikhe mene ebe inom, againafuri inom, ”Wene andi eberogoat,” iluk inendawinggen Tuhan Yesus oba himbiret fesukwa. Himbiret fesukwama re, it afuni o kota Korintus mene ekhe inebe hokhorogoat wene holhukwasik he, ”Eberogoat,” iluk wanhi lagaukwama re, inom ima pelaginafukwa.


A'nogo yagaisasikhemo it inesanggo holhukwama re, ninoe Enupogot Yesus enu hombuk palogo hobuk ima pelaginafukwaat.


A'nogo yagaisasukwama, at Petrus nen he, ”Weak hilingiti lagep mene andi herakfisambik hinobabut hebela'ni o. A'nogo hebelasumo re, weak hilingiti lagep mene andi, Allah nen sebelogo legetfisoageluk hinebe lombok Yesus Kristus enu hombuk palogo ima pelakhinabumo re, Allah Areagun andi wokhisagain o.


A'nogo komorinafikhemo re, it wene wanhukwa mene halok ima pelaginafukwa. Andi sambul inebe 3.000 hangge ima pisukwasik he, hobuk inom lambukhogo welagaukwa.


An nen afuni Yahudi mene inom, Yunani mene inom, komothinafi logolik he, weak hilingiti lagep mene herakfisaluk, hinobabut hebelasimbik he, hinelokhe Allah wogo'ni o. Wogosimbik he, hinendawinggen Tuhan Yesus oba himbiret fuluk logobagaigeluk yagahisikhi lagi andi.


An hit nerugwi nagaila'lak mondogat wene Allah awe a'ma kuluk logogun wene andi yagahisilik nikhi lagi andi re, huli yogondak yaba nen he, hiren hobuk nelokhonggen hineilenggen neogoin lego, iluk an nonggwarek nelu.


A'nogo woginafunem, it ekhe nen wenageti'lek werek kwelek, at ailo lek fakhogoat wene Allah nen awe a'ma fisikherek wene a'nogo yagaisigik, Tuhan Yesus Kristus hilingiti lagaikhe wene a'nogo yagaisigik, ikhi lagaikhe.


Werek kwelek he, it Allah againafuri hilinglagaukwa mene were'ma re, it ekhe ap inom, hemi inom, inendawimo nen he, ”Ninoe Tuhan Yesus eberogoat,” iluk inendawinggen at oba himbiret fuluk, it inom lambukhogo inebe mondok hokho aga lagaukwa.


A'nogo hilinginafu kwelek, it pugulogo lagaukwa mene omanogo o yi awi ti awi laga logolik he, fano wene a'nogo yagaisilik lagaukwa.


Afuni inendawinggen Allah oba himbiret fugunem he, aren wene inoba mene korogo wokhaluk, hobuk inambotkwe at inom hunogo fisikherek. Nen, inambeba nen, at abok fakhogo ugunem he, telinaferek andi.


A'nogo meneat he, ninoe Enupogot ninom hundik logolik he, hemi re, ap le'ma inale'ma welagik, ap he, hemi le'ma inale'ma welagik, logogun lek.


Wanhigipsik, hobugen he, hit mondogat he, Kristus Yesus hinom hundik logolik hinebe misigat mene welagep andi nen he, hit fena Yahudi mene, fena Yunani mene igik, fena inamingmingengge mene, fena inale'ma mene igik, fena hemi, fena ap igik, ikhi logogun lek.


It iba telinafikhe andi walse'ma, nit yogondak ima pogorek andiba telninaferego. Iba telninaferek andi re, ima pelakninafunem ninagap i andiba sobalagarek andiba telninaferek fuk. Athe, ninendawinggen oba nen wene ninoba selek asuageluk Allah ayonggo fugunem, Yesus Kristus wa'lagaikhesik eluk agaikhe andiba telninaferego.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ