KISAH PARA RASUL 8:1 - Allah Wene Fano Wene Hupla Inane

¹ At Stefanus ebe mondogat watukwa andi, at Saulus endawimo nen fano anggasikhe. At Stefanus ebe watukwa andi sambul he, it Allah againafuri o Yerusalem andogoti lagaukwa mene inebe yi enggin ti enggin weakhogo hilinginafu kwelek he, it ap Yesus nen inebe wenagaisogo inayonggo fuluk lakfisasikhe mene omanogo nek, o Yerusalem werek kwelek he, Allah againafuri ekhe inebe hokhorogo mondogat pugulogo re, o propinsi Yudea Samaria yi awi ti awi andoma mugusogo wulakfisasukwa.

KISAH PARA RASUL 8:1 ပူးပေါင်းရင်းမြစ်များ

NEHEMIA 6:3

Andiba re an nen it inoba wene onggo yi'nogo lakfigi, ”An he yabu mondok lego mene hilingiti lagi hilingi'mo re wesigin lek. Nen, an nebe hit ninom ambi asuwogen iluk wesumo nen he yabu yi hesanggema linet fou hak oma,” iluk nane lakfigi.

DANIEL 6:10

A'nogo yagatukwama, at raja Darius nen wene melalek a'nogo, lisu palogo enggi amusu fesikhesik he wulafikhe.

DANIEL 6:23

An hamingmingengge neisena Allah andi re, an nen hat hoba ekhe weak hilingisogo figik, At oba ogo weak hilingitik, igi'lek mene andi re, at elu andi nen he, agoromi malaikat mene ekhe ayonggo fikhesik pelakfisa wagama singa ambe te'met fikhemo yi'nogo ti'nogo ekhe hilingnafi'lego, noe,” iluk yagatikhe.

MATIUS 22:6

It ekhe nen, at kain amingmingengge lakfisasikhe mene omanogo inebe fakfisaluk yei inoatikhesik he, inebe mondok inoatik, isukwa.

MATIUS 23:34

Halok hinesanggo fanorogo holini. An nen ap Allah ane yagaisagarek mene inom, inendawimo kagalek mene inom, Allah ane lisu palek eisewerek mene inom, lakfisa wesigin mene andi, hiren fena eba menfisaluk inoatik, fena o hit samban ikhi lagep kwe kuluk yei wiik-weakhogo inoatik, fena mugusogo-magaisogo o kota ekhema-ekhema lakfisigik, hilinginabugun o.

MATIUS 5:13

A'nogo yagaisasikhesik he, ”Afuni yoma mondogat faget, mayu hangge hirat welagebo. Mene re, mayu andi aik lek aga halok he, nena meneba aik wereget asugun anggegep? Lego. Aik wereget asugun mondok legen he, kweisalogo lakfisugunem afuni ineisogen sebelisagarek andi.

YOHANES 15:20

Nen, ap kain ekhe inawe a'ma hak werek kwelek, at amingmingengge mene esin hak welagarek lego, iluk yagahisasigi a'nogo hinendawimo ebe'ni o. Iren an weagetnafa halok he, hit a'nogoat weaget hinabugun aro. Nen iren an nane hologo hilingita halok he, hit hinane hologo hilingisugun aro.

YOHANES 16:2

Afuni nen o samban agarek oba nen hit hinenggi lisogo wulak hinobagagunaro. Nen, hobuk it afuni hit hinoasugun mene inebe lombok inendawimo nen he, Allah faget fano inoato, iluk, ugun mene werek aro.

KISAH PARA RASUL 1:8

A'nogo meneat he, Allah Areagun hinoba pi waga halok, hinomame asigin. Hinomame asimbik he, o kota Yerusalem en, propinsi Yudea nen, Samaria nen, huli o yi awi ti awi esanggo-esanggo andomaat laga logolik, an yi mene ti mene hilingirik nugunem hineilenggen neegep mene a'nogo, an faget yagaisilik laga logoino o,” iluk yagaisasikhe.

KISAH PARA RASUL 13:1

Allah againafuri o Antiokhia andogoti lagaukwa mene omanogo, it ekhe nen Allah ane yagaisigik, it ekhe nen yagaisigik, ikhi lagaukwa mene inebe ap ekhe Barnabas andi, ekhe Simeon enu Ebe muli ikhi lagaukwa mene andi, ekhe Lukius o Kirene mene andi, ekhe Menahem, Herodes kain gubernur agailak emberek ambine kulinafukwa mene andi, ekhe Saulus andi, welagaukwa.

KISAH PARA RASUL 13:36

At Daud andi re, agaila'lak ambine ta'lagaukwa mene inom logolik, Allah nen, yi'nogo hilingisuak, iluk endawimo anggasikhe higithogo hilingiti lagaikhesigen, ebe wa'lagaikhe andi. Wa'lagaikhemo re, ombalak warek salinafukwaba inoba loukhogo salhukwama re, fili agaikhesik, lek agaikhe andi.

KISAH PARA RASUL 2:47

A'nogo hilingiti logolik, iren Allah fogeratu were'ma, it afuni mondogaren, ”It fano,” iluk fogerinafi lagaukwa. Fogerinafu were'ma re, at Tuhan nen he, enggi ekhe kamo igi'legat, afuni ekhe telogo Allah againafuri inom misigat lambulogo fisikhi lagaikhe.

KISAH PARA RASUL 22:20

At Stefanus, wene hat faget fakhogo afuni yagaisikhi lagaikhe mene a'nogo ebe watunem, an nebe andoma mendek logolik, Hweing! Fano wata, iluk, it ap watukwa werek inasu nonggolek kwalogo welagagi andi, it ineluaro, iluk yagatigi.

KISAH PARA RASUL 26:10

A'nogo hilingiti logolik, attak o Yerusalem logolik, Allah againafuri inenggi hele wasigeluk isigimo re, it ap Allah eisewerek inogogwi kaindegen, i o, fano, iluk lisu palogo wo'netukwama, Allah againafuri inebe hokhorogoat inenggi hele warogo fisigik, inebe inoasuogeluk ugunem, i o, inoasuogat, iluk igik, ikhi lagagi.

KISAH PARA RASUL 5:20

Woginarek wulibi wagaikhesik, aren yagaisikhi logolik he, ”Hit hinebe Allah awi wuri'mo lano o. Lambik andoma kwimbik mendek logolik he, wene fano wene hinebe hineluk logolik ket hunogoat hilingiti logogun wene andi mondogat yagaisa lano,” iluk yagaisasikhe.

KISAH PARA RASUL 5:33

A'nogo yagaisasikhemo re, it ina'mage hokhorogo lagasukwasik ap Yesus nen wenagaisogo inayonggo fuluk lakfisasikhe mene omanogo inoasuogeluk isukwa.

KISAH PARA RASUL 5:40

Inendawinggen sebelhikhemo, it ap Yesus nen inayonggo fuluk lakfisasikhe mene omanogo wolisasukwama kwisukwama re, yei inoatukwasigen, ”Yesus andi enu hombuk palogo, wene hobuk a'nogo yagaisikhi logogubo,” iluk komorogo wulakfisasukwa.

KISAH PARA RASUL 7:38

Nen, ninombalak inom o leimo afuni le'ma andoma andogorek were'ma, tom Sinai andi a'ma malaikat Allah nen yonggo pelakfisa wagarek mene omanogo ekhe oba pi wagaikhesik he, emberek wene ane isukwa andi, at Musa aro. Ninombalak omanogo inomat were'ma, at Allah nen, wene nineluk logogun wene andi, nit yaganisoageluk yagatikhe andi, at Musa aro.

KISAH PARA RASUL 7:54

At Stefanus nen wene a'nogo yagaisikhi lagaikhemo, it inesanggo holhukwasik, ina'mage lagasukwasik he, inaik himbirogo ebe wasuogeluk isukwa.

KISAH PARA RASUL 7:58

Oba hop-hop kwisukwasik, o kota nen leget endakwe hambokhogo wulakfesukwasik he, helep oba tamuk-tamakhogo watukwa. Ebe wasuogeluk he, irat ane ugunem inesanggo holhukwasik, wene oba fesukwa mene omanogo inasu endakwe mene nonggologo re, ap alage mene enu Saulus awe a'ma fesukwa.

KISAH PARA RASUL 8:14

A'nogo hilingitukwama, afuni nen he, ”Afuni o Samaria mene Allah ane wanha o,” iluk ikhi lagaukwama, it ap Yesus nen inebe wenagaisogo inayonggo fuluk lakfisasikhe mene omanogo, o Yerusalem logolik, inesanggo holhukwasik he, Petrus Yohanes emberek afuni Samaria mene inoba lakfisa wagaukwa.

KISAH PARA RASUL 8:2

A'nogo wulakfisasukwama, it afuni Allah ane hologo hilingiti lagaukwa mene ekhe nen he, Stefanus a'nogo ebe warek kweangma salhukwasik he, obaget le hokhorogo aga lagaukwa.

KISAH PARA RASUL 8:4

A'nogo hilinginafu kwelek, it pugulogo lagaukwa mene omanogo o yi awi ti awi laga logolik he, fano wene a'nogo yagaisilik lagaukwa.

KISAH PARA RASUL 8:5

A'nogo yagaisilik laga logolik he, at Filipus o kota Samaria andoma wagaikhesik, wene mel yagaisasikhe: ”Allah nen he, ap ekhe telhinabuageluk lakfei wesigin, iluk wene wa'nisasikhe a'nogo, ebe lakfei wagama wagasik yi'nogo hilingite,” iluk abok yagaisikhi lagaikhe.

KISAH PARA RASUL 9:31

A'nogo hilingitukwama hobugen he, it afuni Allah againafuri o propinsi Yudea mene inom, Galilea mene inom, Samaria mene inom, weagerinafi'lek fano liokhogo welagaukwa. Were'ma, Allah Areagun en leberisugunem inendawinggen wurik agik, Tuhan Allah oba inailorogo welagik, ikhi logolik he, inebe hokhorogo sik-pik ikhi lagaukwa.

ROMA 1:32

A'nogo hilingitarek andi nen, at Allah nen he: ”Afuni inobabut a'nogo hilingitarek mene halok he, an nen wene inoba fembik inebe mondok inoasu higit obaat inoasigin o,” iluk isikhe mene inelu logoligat he, it inonggwaregen a'nogo hilingitoat welagaikharek andi. It a'nogo hilingiti logolik, it ekhe nen a'nogoat hilingitunem he: ”Elok hilingiti lagep,” iluk yagaisagaregat.

FILIPI 1:12

Nerugwi nagaila'lak. Wene yi hinelurogo yagahisak. An yi'nogo hilingnafa yiba re, fano wene lek agi'lek hokhorogoat wialarik lili'logo.

IBRANI 11:27

A'nogo anggaluk wulifikhesik he, endawinggen Allah oba himbiret fuluk, ”Ap kain Piraun andi a'mage lagagin andi nailo e,” iluk endawimo anggigi'legat, Allah ebe nineilenggen hogorek lek mene andi eilenggen hikhi logolik hangge, ”Nendawinggen at oba lakfigiri'mo re, wulibigin aro,” iluk o Mesir herakfisaluk wulibi wagaikhe andi.