Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KISAH PARA RASUL 7:8 - Allah Wene Fano Wene Hupla Inane

8 A'nogo yagatikhesik he, An wene warogo wokhinafi andi, enegat logouwageluk inagap inenggalimo mene palinafi logoino o, iluk yagatikhe. A'nogo yagatikhemo, Abraham en amlogo Ishak takhasikhesik he, enggi 7 hari welagaikhesik, enggi ekheba agap enggalimo mene a'nogo palhikhe. Nen, hobuk Ishak en amlogo Yakub takhasikhesik, a'nogoat agap enggalimo mene palhikheat. Nen, Yakub en he, it nit ninombalak inebe 12 nen omanogo taginafikhesik he, a'nogoat inagap inenggalimo mene palinafikheat.

အခန်းကိုကြည့်ပါ။ ကော်ပီ




KISAH PARA RASUL 7:8
20 ပူးပေါင်းရင်းမြစ်များ  

At nineisena Tuhan, Yakub agwe Lea abel marogo logolik, Rahel enek he, endawinggen tulemhogo were'ma eilenggen hasikhesik, ”Lea eagwi taginafi logouwak,” iluk isikhe. Meneat he, Rahel eagwi takhigi'lek welagaikhe.


Emberek nogo isukwama, at Bilha omalik a'ma agaikhesik he, eak ap takhasikhe.


A'nogo hilingitukwasik at Yakub inom, agoromi inom o Betel omanogo herakfisaluk wagaukwa. Wagaukwasik it o Efrata nen oan yatmaat hilingi'mo wagaukwasik hilingitunemen he, at he Rahel a'nogo omalik arat tasu horok agaikheba nen he, tasu elo'lek agaikhe.


A'nogo yagatikheba nen he, at Rahel wa'lasu hak hiling lagaikhemo set endebat werek kwelek aremnogo omalik a'nogo enu Ben-oni salhikhe. Enu andi it Ibrani inaneba re, ”Namlogo ourogo takhigi mene,” u hak mene at he, at eisena nen enu Benyamin iluk salhikhe.


Ishak hun Abraham amlogo a'nogo re amlogomi inebe pire inenu re Esau inom Yakub (enu ekhe Israel iluk agarek) mene a'nogo inom taginafikhe.


At Abraham en Ishak tatik, Ishak en Yakub tatik, Yakub en Yehuda agoromi inom taginafik,


Mene re, hit hinagainafuri inenggalimo mene inagap palinafi lagep andi re, ero at Musa fuk. Lego. Ero Musa ebe oan ta'lagi'lek werek kwelek ninombalagen palinafi lagaukwa mene aro. Andi nen, at Musa nen a'nogo palinafi logogun iluk yagahisasikhemo, hinenggi sabit oba Allah faget weat logolik palinafi lagep andi o.


Mene re, nerugwi nagaila'lak. At ninomba Daud abok fakhogo yagahisak. At ebe wa'lagaikhemo, nit welagoba yoma kweang habulogo salhukwa mene, obuluk attak welagaikhesik yogondak werek andi.


A'nogo yagatikhe andi re, at Abraham ebe ninggi'nogo were'ma. Agap enggalimo mene palek oba a? Athe, pale'lek oba a. Andi re, agap enggalimo mene palek oba lek. Oan pale'lek oba aro.


Nerugwi nagaila'lak. Nit afuni hilingitorek mene ekhe oba lirogo yagahisak. Afuni inebe pire nen, ”Yi'nogo hilingisuok,” iluk hombuk palogo ugu halok, it ekhe nen munenhik, wene hunogoat mene ekhe oba mangoratik, agarek mondok lego.


Wene andi mel faget igi. Allah nen he, ”Yi'nogo wokhesigin,” iluk, abok tekhogo isikhesik, 430 tahun welagaikhesigen, wene komotninafikhe mene hobugen andiba, wene attak mene andi munenogo legetfigi'lek.


Nit afuni Israel mene ninambu Abraham en weim andi yafi logolik, yi mene ti mene hugul wanhikhe mene enggi wenagaisogo fenakwe minggilogo 10 nen lagai wagaikhe mene, Allah faget fisasikhesik, at Melkisedek wogetikhe andi nen he, nit ninendawimo nen, ”At Melkisedek andi ebe kain mondok,” iluk anggogoin andi hani!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ