KISAH PARA RASUL 7:51 - Allah Wene Fano Wene Hupla Inane

⁵¹ Hit afuni yoma hinobabut mondok weak hinesanggo holhi'lek hinagap hinenggalimo mene palek logoligat he, hinendawinggen tegele'lek logolik komore'lek hilingiti lagep yi ri! Hinombalagen: Allah Areagun ane andi ninabit, iluk ikhi lagaukwa hagat, hit it inobabut waganogo ikhi lagep yoma ri!

KISAH PARA RASUL 7:51 ပူးပေါင်းရင်းမြစ်များ

2 RAJA-RAJA 17:14

Oba nen it Israel mene inom Yehuda mene inomen holhi lagaukwa mondok lek. Iren inombawi nen ineisena Tuhan Allahba eberogo anggigi'lek inendawinggen omamerek welagaukwa hakhogo re, iren ogo ariginik welagaukwa.

2 TAWARIKH 30:8

Enggere iren inunggul oak helep a'luk hilingiti lagaukwa andi hakhogo hilingitu aple herakfuluk he, Tuhan ane hologo nek hilingiti logogun nen he, At along werek mene andi endep liok uakhogo re, At oba wene kabogesuogen we'ni o. O Yerusalem Tuhan Awi wuri'mo, At Tuhan Allah onggwaregen wene mondok-mondok logogin mene faget enogo fakhasikheba omanogo we'no o.

NEHEMIA 9:16

A'nogo meneat he, nit ninombalak andi, inendawinggen mondok helep hangge logolik, inonggwaregen fogerakhikhi logolik, haren, yi'nogo hilingi'no, ti'nogo hilingi'no, iluk komorinafigin wene andi hologo hilingiti'lek herakfisasukwa andi.

NEHEMIA 9:30

It a'nogo weak hilingitu kwelegat, Haren he, yi tahun ti tahun wene inoba figi'lek hafe morogo logolik, komorinafi lagaginat. Hareagun ap hat hane yagaisikhi lagaukwa mene inendawimo logolik, wene andi inendawimo kagalogo yagaisugunem, iren holu inabiren inesanggo te'met fikhi lagaukwa. A'nogo hilingiti lagaukwama it inebe afuni o yi awi ti awi inunggulenu hunogoat mene inenggiba fisikhi lagagin andi.

MAZMUR 75:5

Afuni inane nen lalogo agaugerik lagaikharek mene inoba re, ekhe inom agaugerik lanogoluk he An nane ikhi lagi andi o.

MAZMUR 78:8

Andi re it inambu-inombalagen Tuhan Awene melalek sagalogo fuluk inabiren hilingiti lagaukwa hakhogo hilingiti logoinogo. It andi re inebe inendawimo eberogo anggili'lagwi mene a'nogo omamerek legengge logolik leik-kweigengge hilingiti lagaukwa inap, iren Allah oba tiphogo hilingiti'legengge welagaukwa inap andi nen hilingiti lagaukwa hakhogo hilingiti logoinogo.

KELUARAN 32:9

Afuni andi inendawinggen mondok helep hangge andi An nelu o.

KELUARAN 33:3

Hit he, o kweang muli fanoma, yi mene ti mene mondok hokho-pokhorogo were'ma andoma logogun. A'nogo meneat he, afuni Israel mene aroma inendawinggen mondok helep andi nen he, ebekhalem laga logolik An nen legetfisigi hanogo iluk he, An nebe ninom logoin lego,” iluk yagatikhe.

KELUARAN 34:9

mel yagatikhe: ”Tuhan neisena, hat eberogo nenat, an nebe hoba liok ili'lago halok, hat hebe nit fetninarek logoinogen iluk hayonggo figi andi nane hesanggo holin o. Afuni Israel mene andi inendawinggen mondok helep meneat he, niren yi weak ti weak hokhorogo hilingitorek mene andi, haren sagalogo legetfisambik he, ninebe hat honggwarek hagainafuri meneatma wo'ninabino o, neisena,” iluk ayonggo fesikhe.

YESAYA 48:4

Hat hendawinggen seramsek logolik, hungguloak haro helep higit welagen andi re An nelu o.

YESAYA 63:10

Oba nen he, it he At ane sagalhi logolik Tuhan a'mage kwelafu mene welagaukwa. Andiba re, At amolo re it inaselei mene higit hilingfuluk, At Tuhan ebe inom weim yafi lagaikha.

YEREMIA 17:23

A'nogo isigi oba nen hit hinombawi nen An nane holfigik, futnobagagik, ikhi lagaukwa lek. It inebere inendawinggen peterek logolik nane hologo hilingiti'lek welagik, inane fa'niugu aple ogo inabirat welagik, hilingiti lagaukwa.

YEREMIA 4:4

Hit An hineisena Tuhan ninom wene wat-wat agagu mene a'nogo pukhogo fisogo logoni o, nen hit afuni Yehuda mene inom Yerusalem mene inom he hinebe An nobaget enogo fakhaluk logoni o. A'nogo hilingiti logogun lek halok he An nanini endu wabunak ninggerek higit hilingi'mo, ap sa nen ogo nagulu mondok elo'lek a'nogo higit hinoba lakfei wesigin o. Mondogat andoma re hiren hina'mageba nek hilingiti logolik weak mondok hilingiti lagep andiba re enggin mene hinoba asi wesigin andi,” iluk ikhe isikhe.

YEREMIA 6:10

A'nogo ikhemo an nen ikhi logolik he, ”Tuhan neisena, an nen ap saba yagasu hak nogo, nen sani inendawinggen wenggelogo logouwageluk yagaisagain, it he inungguloak haro logolik fut fili'lagwi lek. Haren yagaisano ugu mene omanogo an nen it inoba yagaisugunem he iren endo yagaisogo inabit eri'lagwi inap werego.

YEHEZKIEL 2:4

It inungguloak helep hangge logolik, An legeisogo nobagali'lagwi lek. An nen hat hebe it inoba lakhobagakhi lagi yi re, An Tuhan Lego Mondok welagirek mene a'nogo nen wene it yagaisoagaluk yagahesigin mene yi, yagaisa lanogen inoba lakhobagagin o.

YEHEZKIEL 44:7

Iren An nawi wuri'mo emerogo faga, andi re it ap enda'ma mene inagap inenggalimo palek lek mene andoma nen An nawene melalek higithogo hilingiri'lagwi lek mene andoma kuageluk yagaisugunem, amusu inom An nobaget warogo nolhu mene amep inom, waluk kugu mene andiba emerogo faga. Iren ina'meilo mene hilingiri'lagwi andiba re An ninom wene warek welago mene a'nogo taganet fili'lagwi andi.

YEHEZKIEL 44:9

An Tuhan Lego Mondok welagi mene a'nogo nen wene yi menfikhi lagi hilingi'mo re, it ap pok mene inom, inagap pale'lek mene inom, An nane hologo hilingiri'lagwi lek mene inom he An nawi wuri'mo andoma ibi-eberogo nenat kwikhi logogun lego. Wene andi re, it ap pok mene ap Israel mene inanggele'ma femhogo werek mene faget ogo ikhi lagiat andi,” iluk ikhe.

IMAMAT 26:41

Andiba An nen nomameba mugusogo it afuni hinaselei mene inanggweangma hukhisa lagagi. Ariginhigi andiba re, hiren tagomangge mene nen inaweak hilingitik, nane sagalhik hilingita mene An nobaget inendawinggen sebel fakhaluk hilingisugun halok he,

KISAH PARA RASUL 6:10

A'nogo wenagetukwa meneat he, at Stefanus Allah Areagun endawimo kwisikhesik logolik, wene higirat kagaukhogo ugunem, it inane onggo ninggi'nogo yagasu heat hilinglagaikhe.

KISAH PARA RASUL 7:27

Mene re, at agot yei wati logolik, at Musa ebe filikhogo kwe esanggoma lakfikhi logolik he, mel yagatikhe: Hat nit ninoe kain logolik wene inoba figik, kotik, ikhi logouwageluk, sa nen menhobagaikhemo.

KISAH PARA RASUL 7:35

Fageat it afuni Israel mene nen he: Hat nit ninoe kain logolik wene inoba figik, kotik, ikhi logouwageluk, sa nen menhobagaikhemo. Ninabiro, iluk wenagetukwa a'nogo, at Musa aro. A'nogo wenagetukwa meneat he, malaikat Allah nen yonggo pelakfisa wagarek mene omanogo, at Musa eilenggen hoageluk ekhe pelakfei wagaikhemo re, e panggi hangge mene anggele'ma nen weinam agaikhemo eilenggen hasikhe mene a'nogoat, inoe kain logolik telinabuageluk ayonggo fuluk lakfesikhe andi.

KISAH PARA RASUL 7:39

A'nogo yagatikhe meneat he, ninombalak omanogo nen, at ane hologo logou inabit welagaukwa. A'nogo logolik he, ebe herakfisasukwasik, O Mesir andoma ninambotkwe la mene, iluk inendawinggen lakfesukwasik welagaukwa.

KISAH PARA RASUL 7:9

Ninombalak omanogo inagot Yusuf oba wene palhi lagaukwasik he, ebe o Mesir waluk lagaukwasik inamingmingengge logouwageluk, ap ekhe oba onggo wanhukwa. Mene re, afuni ekhe nen at ebe hundik-handik weagetfouwogeluk ugunem he, Allah emberek hundik were'ma yi wene ti wene oba wagunem telhu mondok welagaikhe.

ROMA 2:25

Hit he, wene Allah nen komotninafikhe wene a'nogo hologo hilingiti lagep halok he, hinagap hinenggalimo mene palhi lagep andi re, fano mondok ugun. Meneat he, wene andi hologo hilingiti'lek halok he, hinagap hinenggalimo mene palhi lagep andi alemarogo palhi lagep andi nen he, palek lek mene hak welagebo.

EFESUS 4:30

Allah nen hobuk hinebe fanothinabigeluk attagat Areagun wokhisasikhemo hinendawimo werek andi nen endawimo weagetfugubo.

ULANGAN 10:16

Andi nen he, huli yogondagen, At ane hologo hilingiti'lek hinungguloak helep hangge hilingitubo. We, hinagainafuri ap halok inagap inenggalimo mene palinafi lagep andi hak, hinonggwarek hinendawinggen tegelogo At ane hologo hilingiti logoino o.

ULANGAN 30:6

A'nogo hilinghinabimbik, hit hinebe inom, hiren tagongge mene inom, hinagap hinenggalimo mene palhinabu hak, hinendawinggen tegelogo hinobagaumo, hinendawinggen inom, inobabut inom misik asimbik, nineisena Tuhan Allah hinendawinggen hundik logolik, hinebe hineluk hinaiba andoma logogun o.

ULANGAN 31:27

It inobabut he, inungguloak mondok helep hangge logolik, ninabit iluk folim hibit fisagarek mene nek inamolo logogun andi, an nelu o. An nebe neluk welagiba re, Nineisena Tuhan ebe ninabit iluk, folim hibitukwa a'nogo. Andi nen he, an wa'lasumo ebenagaik hilingisugun aro.

ULANGAN 9:13

A'nogo yaganetikhesik ekhe mel yaganetikheat: Afuni andi inobabut he, inane hologo hilingisu elo'lek inungguloak mondok helep andi An nelu o.

ULANGAN 9:6

Hit hinendawimo nen he, nineisena Tuhan nen, o kweang mondok muli fanoma andoma nit eise asugun obaat asuageluk wo'nisikhe fuk. Mondok lego, iluk futfeino o. Hit he, hinungguloak mondok helep, afuni inane hologo hilingsu mondok lek a'nogo hit aro.

FILIPI 3:3

Nit he, ninagap ninenggalimo mene arat palek logou hak, ebe meneat hilingiti lago. Allah Areagun en ninendawimo kagalhu kwelek, Allah ebe fogeratik, Kristus Yesus ninom hundik welago, iluk, fogerakhigik, ikhi logolik he, yi wene ti wene ninagap endakwe yi faget hilingitorek andiba fanotninabigin iluk anggikhi lago lek.

KOLOSE 2:11

Hit at hinom a'nogo hundik welagep andi nen, afuni inenggi nen inagap inenggalimo mene palinafarek hak palhinafukwama palek welagep fuk. Lego, we at Kristus nenat hinobabut hinetogat logolik weak hilingiti lagagip mene andi korogo wokhasikhemo, hinagap hinenggalimo mene palek logou hak welagep andi.