KISAH PARA RASUL 7:5 - Allah Wene Fano Wene Hupla Inane

⁵ A'nogo fei wagaikhe meneat he, aren he, o yoma eisewerek hat mene o, iluk yagati'legat. Nen, kweang endephogo ekhe yagati'legat logolik he, o yoma hobuk hat eisewerek agik, haren tagongge mene eisewerek agik, ugun o, iluk at amlogo takhigi'lek werek kwelegat wene waretikhe andi.

KISAH PARA RASUL 7:5 ပူးပေါင်းရင်းမြစ်များ

KEJADIAN 12:7

Andoma wagaikhesik were'ma Tuhan ebe Abram elokhoma menlagaikhesik he, mel yagatikhe: ”An nen afuni haren tagongge mene wogisagain he, o ebe yoma o,” iluk yagatikhemo, at Abram en Tuhan elokhoma menlagaikhe mene a'nogo faget, yi mene ti mene warogo noleti logogun oba obalik halogo fesikhe.

KEJADIAN 13:15

Kweang hat heilenggen yethegen mene andoma mondogat hat hebe inom, haren tagomangge mene inom, eise asimbik mondok-mondok logobagaigeluk wokhisagain o.

KEJADIAN 15:18

A'nogo waga logolik aremnogoat, Tuhan nen Abram wene mel waretikhe: ”An nen haren tagongge mene inoba kweang yi mondogat wogisagain o. Wogisagain andi re, o Mesir huli welagaikharek oba nen pikhit i Efrat huli,

KEJADIAN 16:2

A'nogo were'ma, at he Sarai nen Abram mel yagatikhe: ”Nineisena Tuhan nen omalik ekhe takhagain endawimo anggili'logo lek andi nen he, hat he an namingmingengge yi nen omalik ekhe an faget tasuagen he, hemberek nogo ini o,” iluk yagatikhemo, at Abram en fano isikhe.

KEJADIAN 17:8

An nen he, kweang o Kanaan hat hebe ap pok higit welagenma yoma, hat inom, haren tagongge mene inom, wokhesigin o. Mondogat haren tagongge mene eise asimbik mondok werek kwelek, An Allah it ineisenaat asimbik logogin o,” iluk wene waretikhe.

KEJADIAN 23:4

”An he, nebe pok nagun hinanggele'ma yoma welagimo re, an nagwe warek saligin oba kweang ekhe onggo paligen yagane'ni o” iluk yagaisasikhe.

KEJADIAN 26:3

An nen wene abok wene warogo heisena Abraham yagatigi mene a'nogo higithogo hilingiti logolik, hebe fetharek welagik, fanot hobagagik, ikhi logogin. Nen o kweang yoma hat inom haren tagongge mene inom wokhisagain.

NEHEMIA 9:8

A'nogo salogo fesiginmo, at ebe hat hoba lombokhogo logolik, hane hologo mondok hilingitunem hasigin andi. A'nogo hasigindik, haren at wene eberogoat mene wareti logolik he, o afuni Kanaan mene inaiba inom, Het mene inaiba inom, Amori mene inaiba inom, Feris mene inaiba inom, Yebus mene inaiba inom, Girgasi mene inaiba inom, mondogat andi, haren tagomangge mene inebe mondogat eise asimbik logouwagaluk wokhesigin o, iluk wene waretigin andi. Hat hebe inoba lombokhogo logolik, higithogo nek hilingitendek andi nen he, hat wokhesigin, iluk wene waretigin mene andi, ebe mondogat arat wogotigin andi, neisena.

YEHEZKIEL 33:24

”Afuni wa'lagaikharek mene yi re, it ap o kota Israel oba meisalhigik pikhe kwe welagaikharek inap andoma nen inane yi'nogo ili'lagwi: Abraham amu logolik oba re kweang yi eiserogo welaga, oba nen yogondak nit he ninebe ninunggulenu lombok hokhorogo welagoma re, kweang yi re nit mene o, ili'lagwi,” ikhe.

ULANGAN 10:11

A'nogo isikhesik, an nen o nit ninombalak wogisagaluk wene warisasikheba andoma wokhinarek wesumo hit kwimbik eise asubagaigeluk nayonggo fesikhe andi o,” iluk yagaisasikhe.

ULANGAN 11:9

Nen hit hinebe hineluk uanhogo o kweang mondok muli fanore'ma at Tuhan nen hit inom, hiren tagomangge mene inom, wokhisagain iluk abok yagahisasikheba andoma logogun.

ULANGAN 2:5

Oba nen he o Edom kwe andoma re, it Esau nen tagomangge faget wogisasikhemo re kweang andoma we endebengge iluk ogo hit mene ekhe wokhisagain lek enggere hiren it inebe inoasi kwi fuk.

ULANGAN 34:4

A'nogo yagatikhesik, at nineisena Tuhan nen Musa mel yagatikhe: ”Musa, o heilenggen yethegen oma re, An nen Abraham inom, Ishak inom, Yakub inom, yagaisikhi logolik, O hiren tagongge mene wogisagain o, iluk wene warisasigi a'nogo re, ebe yethegen oma o. O oma re, we, heilenggen enek yethanogen iluk yagaheti meneat he, hat hebe o a'lima lanogoluk yagahesigin lego,” iluk yagatikhe.