KISAH PARA RASUL 7:44 - Allah Wene Fano Wene Hupla Inane

⁴⁴ At Allah nen Musa yagati logolik he, An nebe ninom welago, iluk nawi o su mene yi'nogo wu'no, iluk ilirengge walethasikhemo, eilenggen hasikhesik, o ebe a'nogoat wutikhe. Wutikhemo ninombalak omanogo o su mene andiat fisogo logolik o leimo afuni le'ma nikhi logolik ya wutik, ta wutik, wurik nikhi lagaukwa.

KISAH PARA RASUL 7:44 ပူးပေါင်းရင်းမြစ်များ

1 TAWARIKH 28:11

A'nogo yagatikhesik at Daud en he, o Tuhan Awi a'nogo ebe wusugun mene faget inom, o yi mene ti mene fuguba faget inom, o senggelek elonggokwe omanogo mondogat faget inom, o senggelek ekhe obalik Mondok Hore'ma afuni inaweak legaphogo fuguba a'nogo faget inom, endawinggen wenggelogo iluk palhikhe mene a'nogo Salomo wogetikhe.

1 TAWARIKH 28:19

A'nogo mondogat melalfisasikhesik, at raja Daud a'nogo nen ikhi logolik he, ”Mondok abirengge andi re, Tuhan nen yi'nogo hilingi'no iluk wene melalogo an nen hilingisuageluk wo'netemo hilingisugun mene iluk palek meneba mondok kwelabek werek andi,” iluk yagaisasikhe.

2 TAWARIKH 24:6

A'nogo hilingiti lagaukwama re, at Yoas nen imam Yoyada a'nogo wolhasikhesik he, it a'nogo woginarek loageluk mel yagatikhe, ”Yogondak it ap Lewi inap andi nen it afuni Yehuda mene inom, Yerusalem mene inom, it andem inebene nen kweang, yi mene ti mene onggo pajak a'nogo fugu mene andoma kabogesi lani, iluk he, nenahalok hun haren miminginafi logolik weak-weakhogo hilingi'ni iluk yagaisikhi lagen lek? At Tuhan amingmingengge Musa a'nogo nen ogore, o Tuhan Awi Sabu salek oba a'nogo faget, afuni uang kweang onggo fugu mene andoma kabogesi waga logoni iluk yagaisikhi lagaikhe omanogo re lek nogo a?” iluk yagatikhe.

KELUARAN 25:40

Lampu andi eisok he An nen Tom yiba nen hat yagaheti higithogo hilingisugun nen he, fanorogo futfeino,” iluk yagatikhe.

KELUARAN 26:30

O Sabu andi re wusugun higithogo An nen yi'nogo wu'no iluk Tom yiba nen yagaheti higithogoat wu'no.

KELUARAN 27:8

Obuluk mezbah andi re e kagalek mene elonggoma anggwe folelogo wusugun mene faget iluk, An nen tom yiba nen yagaheti aple a'nogo tiphogo nek wu'no,” iluk yagatikhe.

KELUARAN 38:21

Tuhan Awi Sabumo helep pire meneba Allah Awene melalek 10 nen a'nogo palegengge were'ma hilingiti lagaukwa mene enu palek he yi. Enu palek andi re at Musa nen wene lenggalek oba it ap Lewi mene, hun Imam Harun amlogo Itamar a'nogo nen lenggalinafu kwelek hilingiti lagaukwa mene omanogo palfesukwa.

BILANGAN 10:11

Tahun pirenek meneba it afuni inunggulenu Israel mene o Mesir herakfuluk wulibi wagaukwasik he, tugi pirenek meneba tanggal dua puluh werek kwelek he, ohena a'nogo o Tuhan Awi Sabumo tum oba nen lagasikhe.

BILANGAN 18:2

It hagaila'lak hinunggulenu Lewi mene re, hat yabu hilingitunem inom it hagainafuri yabu hilingitunem inom lebethinafi logouwagen kwelaginafi logoino.

BILANGAN 9:15

Linggene O Tuhan Awi Sabu a'nogo wutukwa sambul he, Wene warek mene a'nogoba ohena sebelogo hulilibet fei pi waga lagaikhe. Nen o hubanggo nen pikhit weirogo re ohena a'nogo O Sabu Sale'ma a'nogo sebelogo were'ma elokhe endu hangge welagaikhe.

IBRANI 8:2

A'nogo werek andi, Allah awi su mene afuni nen elama faget wutukwaba werek fuk. Lego. We, Allah onggwarek awi ebe mene wutikheba andoma logolik nit faget hilingiterego.

IBRANI 8:5

Allah nen he, ”Nawi su mene elama faget wutnobagain o,” iluk Musa yagatikhemo, ebe wusigeluk ugunem he, hobuk mel yagatikhe: ”An nemberek tom oba logolik, an nawi yi'nogo wutnobagagin o, iluk ilirengge walhogo inukhiigi a'nogo higithogo mondok wu'nogen he, hendawimo eberek mondok logoino o,” iluk yagatikhe andi hagat, it ap Allah eisewerek kweangma yoma logolik, ebe pogoroba werek mene oba litik, alik wanhik, agarek andi.

YOSUA 18:1

O kweang Tuhan nen abok wogisasikheba a'nogo mondogat sebeli lagaukwasik he, it afuni Israel mene a'nogo inebe mondogat o Silo kabogetukwasik, O Sabu Tuhan ebe waga logogin oba wutukwa.

YOSUA 3:14

O andem sambul he, yi mene ti mene yago mene enggen palhuba, i Yordan fu mondok hokhorogo wagarek oba. A'nogo meneat he, afuni Israel mene i Yordan palogo wulibi wesuogoluk he, o su mene wutukwaba nen herakfisaluk wagaukwasik, it ap imam omanogo nen peti Wene Warogo Allah nen wo'ninafikhe iluk hilingik a'nogo waluk attagat wagaukwa. A'nogo waga logolik, i Yordan ineisogen sebelhugu kwelek