KISAH PARA RASUL 7:26 - Allah Wene Fano Wene Hupla Inane

²⁶ Futfigi'legat logolik he, ohealekwe ap inebe pire Israel mene ekhe emberek yei yafunem eilenggen isasikhesik lambulogo fisageluk, mel yagaisasikhe: ”Nagaila'lak. Hit he, hagot hemberek meneat he, nenahalok yei yafi lagep,” iluk yagaisasikhe.

KISAH PARA RASUL 7:26 ပူးပေါင်းရင်းမြစ်များ

KEJADIAN 13:8

Inagoromi wam konhi lagaukwa mene wene a'nogo palhi lagaukwama, at Abram en Lot mel yagatikhe: ”Nit ninebe misigen tago hilingi'mo, hat hagoromi inom, an nagoromi inom wene a'nogo pali'lagwi andi weago.

KEJADIAN 45:24

A'nogo hilingitukwasik aren agaila'lak omanogo lakfisikhi logolik he, mel isikhe, ”Ebekhe kwe yele yabik la fuk.” iluk yagaisasikhesik lakfisasikhe.

MAZMUR 133:1

Samban uogeluk lagakhi logolik Daud en wuni ikhi lagaikhe awuni. It Allah againafuri mene inebe misik seberogo welagaikharek mene andi re, mondok fano hilingi'mo re an he nagaiyego!

AMSAL 18:19

O kota omame mene era'lu horokhogo asi lamo re se hak oba nen he ap ekhe agailagen endawimo ouet fikhe mene andi nek he era'lu horokhogo asi lare mondok enggin. Yei wene agarek mene andi re leget pa' leget o kota ba omamerogo waganogo kwelabek andi hak werek.

MATIUS 14:22

A'nogo arat nasukwama nen he, at Yesus nen at agoromi ane wanhi lagaukwa mene omanogo mel yagaisasikhe: ”An afuni hokhorogoat yoma lakfisagen he, hit tak e so elema kwimbik he, i aik elikwe wulifi logoni o,” iluk ane ninghogo yagaisasikhe.

KISAH PARA RASUL 7:25

Wati logolik, endawimo nen he, ”It afuni an palek mene inendawimo nen he, Allah nenat ayonggo fikhemo, aren wo'ninarek wulibigin,” iluk futnobagagun, iluk anggasikhe meneat he, iren a'nogo futfigi'lek welagaukwa.

FILIPI 2:1

Nit Kristus ninom hundik logolik, aren ninendawinggen ago watninafik, ninebe endawirogo ninendawinggen sebelhik, Areagun ninom hundik logolik, lebetnisigik, ugu kwelek nit-nit agamhogo nendawi-hendawirogo hilingitorek andi nen,

FILIPI 2:3

Yi mene ti mene hilingisuogeluk, hinendawimo nen he: ”An enek fanorogo hilingiti logogin,” iluk, hinonggwaregen legeisogo fakhikhi logogubo, hinendawimo nen fogerakhigi'legat: ”It ekhe fano. An he, elo'lek,” iluk, anggikhi logoino o.