KISAH PARA RASUL 7:22 - Allah Wene Fano Wene Hupla Inane

²² Kulhikhemo re, it afuni o Mesir mene yi wene ti wene inelu welagaukwa mene andi, aren mondogat yagatikhe. Yagatikhesik aren aneba fano nek igik, enggiba yi mene ti mene fano nek hilingitik, ikhi logolik, ebe kainat agaikhe.

KISAH PARA RASUL 7:22 ပူးပေါင်းရင်းမြစ်များ

2 TAWARIKH 9:22

It ap raja o kweangma yoma welagaukwa mene re we maben hak werek kwelek he at raja Salomo nek he ap mondok hebelek agun logolik he enggi werek agun welagaikhe.

YESAYA 19:11

O kota Zoan oba ferinarek welagaikharek mene andoma eberogo nen he mondogat kembu! Ap Mesir inap inendawinggen kagalek mene nen he it kemburogo hilingiri'lagwi mene omanogo komorinabi'lagwi! Iren inailo legengge raja ba ikhi logolik he, ”Nit he ap o attak inendawinggen werek inap logolik inogogwi raja ogo higithogo hilingiti lagaukwa omanogo mene inambisangmangge welago o, iluk ili'lagwi andi ri!

DANIEL 1:4

A'nogo wenaginafi logolik, ap alage inebeba inagambut palek lek mene halok, inebe mondok fano mene halok, sekolah uan hilingita mene halok, yi wene ti wene elok futfou inelu mene halok, inendawimo kagauksek mene halok, yabu an naiba hilingiti logogun elok mene halok, wenaginabino o. A'nogo wenaginabimbik, nit afuni o Babel mene ninane yagaisigik, ninaneba lisu palek mene yanggulinafik, ikhi logoino,” iluk yatikhe.

LUKAS 24:19

at Yesus nen he: ”Wene andi ninggi'nogo hilinglaga mene egen,” iluk yagatikhemo, it aremnogo nen he, mel yagatukwa: ”Ap enu Yesus, awi o Nasaret mene andi, ebe Allah ane yagaisikherek meneat logolik he, Allah eilhanem, nit afuni mondogat nineilhanem, wene yagaisigik, yi mene ti mene hilingitik, omamerogo ikhi laga meneat he,