KISAH PARA RASUL 7:2 - Allah Wene Fano Wene Hupla Inane

² Yagatikhemo, at Stefanus nen he, mel yagaisasikhe: Nogogwi, nagoromi, neisenalak hinalabok. Wene igin yi, hinesanggo fanorogo holini. Ninambu Abraham a'nogo o Haran tekhogo wagi'lek, o Mesopotamia were'ma, Allah fogeratorek mene a'nogo elokhoma menlagaikhe.

KISAH PARA RASUL 7:2 ပူးပေါင်းရင်းမြစ်များ

KEJADIAN 11:31

Were'ma, ap Terah o Kanaan wesigeluk, o Babylonia kota Ur herakfisaluk amlogo Abram inom, omba Lot inom, a'logo Sarai Abram agwe a'nogo inom, wagaukwa. A'nogo meneat he, wesuogeluk o Haran wagaukwasik, andoma kamo isukwasik welagaukwa.

KEJADIAN 12:1

A'nogo wa'lagaikhemo were'ma, nineisena Tuhan nen Abram mel yagatikhe: ”Hat he, haiba inom, hoe hagot inom, heisena aiba inom, herakfisaluk he, o An nen yagahesigin oba andoma lano o.

KEJADIAN 15:7

Hobuk Tuhan nen he, mel yagatikheat: ”An Tuhan nen hat o Ur Babylonia andoma nen kweang yoma hat eise a'nogen iluk wokhesigeluk wokharek wagi o,” iluk yagatikhe.

KEJADIAN 29:4

A'nogo it ap wam konhi lagaukwa mene andi andoma were'ma, at Yakub en he, mel yagaisasikhe: ”Nagaila'lak, hit hinaiba koma mene,” iluk heinok wogisasikhemo, iren he, ”Ninaiba o Haran mene,” iluk yagatukwa.

NEHEMIA 9:7

Nineisena hat hami hamuat Henupogot welagendek o, neisena. Haren Abram ebe afuni inunggulenu at mene inanggele'ma nen wenagaisogo fesigin andi, neisena. A'nogo wenagaisogo fesigindik, at ebe o Babel aiba o Ur andoma nen waluk wulibi wagagin andi, neisena. A'nogo waluk wulibi wagagindik, at enu ket mene Abraham salogo fesigin andi.

MAZMUR 24:10

it oloba mene nen he, ”Enupogot andi sa nogo? Fogeratarek mene andi ebe sa,” iluk ugunem, enda'ma nen he, ”Enupogot andi ebere Tuhan, Omame Mondok Hokho mene a'nogo, Pogot kweang yi mene ti mene elalhikhe mene a'nogo, Raja fogeratarek mene a'nogo o,” iluk agarek, iluk wuni watikhe.

MAZMUR 24:7

A'nogo kwikhi logolik, ”Nineisena Enupogot Allah fogeratarek mene andi ebe elok kwi wesuagaluk, kwe ambe endamat palek mene a'nogo ele hokhorogo hut fembik logoni o,” iluk ugunem,

MAZMUR 29:3

Tuhan ane re i laut agum oba nen ili'logo, Allah andungdang werek mene a'nogo ane re i laut hokho talek mene agum oba andoma nen supuk eri'logo.

YESAYA 37:12

An nombawi nen o kota Gozan inom, Haran inom, Resef inom weaget fisaluk afuni Eden inap o Telasar werek mene inoatukwa sambul he dewa iren mene andoma nen ekhe telinafe mene werek lego.

YESAYA 51:2

Hinambu-hinomba Abraham inom Sara inom hit takhinafa mene aremnogo inoba ebethani o, An nen Abraham ayonggo fesigiba andem he at omalik ekhe welagaikhe lek anggigi, ariginik welagaikhemo re An nen at fanot fesigisik at ambisangma mene hokho-pokhorogo hilingisogo fisasigi.

YESAYA 6:3

A'nogo logolik it-it inane mondok hokhorogo ikhi logolik he, ”Horek mene, Horek mene, Horek mene. Tuhan Mondok Homame Hokho mene. Kweangma yikwe tikwe mondogat he Hat Homameba nek sagarek welagen o,” iluk fogerati lagaikha.

MATIUS 6:13

Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.

LUKAS 2:14

”It pogot abel ponggweba welagaikharek mene nen he, nineisena Allah andiat fogerati logouwogo. Nen, it afuni kweangma yoma inebe Allah oba liok ikherek mene re inendawinggen hambukhogo logouwago,” iluk isukwa.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 12:41

At Yesaya nen wene a'nogo isikhe andi re, at Yesus hobuk hilingitunem ebe fogerasugun mene faget eilenggen hasikhesigen, at abok isikhe andi.

KISAH PARA RASUL 22:1

”Nogogwi nagoromi. Wene yi an noba le'ma o, iluk nonggwarek nebe elelerogo yagahisagain yi re, hinesanggo fanorogo holino,” iluk ugunem,

KISAH PARA RASUL 23:7

It Saduki mene nen he, ”It afuni wa'lagaikharek mene Allah nen inelugerinabigin lek. Malaikat Allah nen yonggo pelakfisa wagarek mene inebe legat. Munggwarengge legat,” iluk ikhi lagaukwa. Nen, it Farisi inane wanhi lagaukwa mene nen he, ”Mondogat andi werek enego,” iluk fakhogo ikhi lagaukwa. A'nogo ikhi lagaukwa andi nen, at Paulus nen wene a'nogo yagaisugunem he, it Farisi inane wanhi lagaukwa mene inom, Saduki inane wanhi lagaukwa mene inom, inom it-it inane sagalhukwasik, inebe minggilogo huli-huli hilingitukwa.

KISAH PARA RASUL 7:1

At Stefanus wene a'nogo oba fesukwama, ap Allah eisewerek mene inoe kain a'nogo nen he, ”Wene andi eberogoat ili'lagwi a? Ineranen ili'lagwi a,” iluk yagatikhe.

1 KORINTUS 2:8

Afuni kweangma mene inogogwi kaindek o yogondak werek yoma, wene andi inelu agi'lek inonggorat werek. Inelu logoilepma re, ninoe Enupogot fogeratorek mene a'nogo, ebe eba menfuluk wa'lep legaro.

EFESUS 1:17

Hit faget he, Tuhan Yesus Kristus eisena Allah fogeratu mondok welagaikharek mene a'nogo nen, hinendawimo mondok kagalek mene wokhisigik, at ebe furogo futfobagaigen iluk yagahisigik, ikhi logouwagen iluk, Areagun wokhisoageluk ayonggo fikhi lagi.

TITUS 2:13

Nit yogondak he, ninoe Enupogot Yesus Kristus telninafikhe mene a'nogo inom nineisena Allah Ebe Hokho mene a'nogo inom afuni nen fogeratu kwelek, weinamhogo fanotninabi wesigin andi faget, ninendawimo ninagaiyek anggikhi logolik ebe nenangorogo welago.

IBRANI 1:3

Mo eil tilelek-walelek lakfei wagarek andi hak, Allah ebe fogeratarek mene a'nogo nen, Yesus ebe lakfei wagaikhemo kweangma selekhogo logolik, eisena obali'mo at ebeat welagarek. A'nogo logolik, yi mene ti mene mondogat welagarek andi, at ane omameba welagarek. Were'ma, nit weak hilingiti lagagu mene korogo legetfisasikhesik he, Allah Enupogot esin mene a'nogo oba lagasikhesik era'lu kainat welagarek andi.

IBRANI 11:8

At Abraham ogo re, Allah nen ayonggo fesikhesik, ”Hat o ekhe eise logoinogeluk wokhesigen he, lano,” iluk abok yagatikhemo, aren he, ”Wene andi eberogoat,” iluk endawinggen Allah oba himbiret fuluk o koma lagain heat onggot logoligat wagaikhe.

YAKOBUS 2:1

Nerugwi nagaila'lak. Hinendawinggen ninoe Enupogot Yesus Kristus fogeratarek mene a'nogo oba himbirik logolik, afuni inagap endakwe nek hineilenggen isaluk he, ekhe hinelokhoma fisigik, ekhe hinambotma fisigik, ikhi logogubo.

YOSUA 24:2

Wagaukwama, at Yosua nen it mondogat mel yagaisasikhe: ”Nit afuni Israel mene nineisena Tuhan nen ikhe mene andi, hit hinesanggo fanorogo holino o. At nineisena Allah nen he mel yagahisikhe: Attagat hit hinombalak welagaukwa andem oba re, it inebe o i Efrat aik eliba andoma logolik, hunogoat mene faget, Nineisena ebe yiaro, iluk oba himbirik logolik fogerati lagaukwa. It ap andoma mene ekhe re, Abraham agot Nahor emberek ineisena enu Terah andi.

WAHYU 4:11

”Nineisena Allah Henupogot, Yi mene ti mene mondogat, Hat hendawimo anggasigindigen elalhigin, Elalogo fesiginmo werek andi, Harat kain homame hokho welagen andi nen, Fogethafik, agaugwethafik, ikhi logogun,” iluk apne waganogo fogerati lagaikha isigi.