KISAH PARA RASUL 7:16 - Allah Wene Fano Wene Hupla Inane

¹⁶ Wa'larik lagaukwama re, attagat at Abraham o Sikhem logolik, oumola afuni Hemor mene inoba onggo palhikheba inebe warek inambotkwe woginarek wagaukwa.

KISAH PARA RASUL 7:16 ပူးပေါင်းရင်းမြစ်များ

KEJADIAN 23:16

A'nogo yagatikhemo at Abraham en, onggo ikhe mene andi fano anggasikhesik, at Efron nen isikhe mene a'nogo it yi mene ti mene yatma hunisi lagaikharek inaben kilo walhugunggeba walet hasikhe. Walet hasikhesik afuni Het mene a'nogo ineilhanem uang perak 400 a'nogo Efron wogetikhe.

KEJADIAN 23:4

”An he, nebe pok nagun hinanggele'ma yoma welagimo re, an nagwe warek saligin oba kweang ekhe onggo paligen yagane'ni o” iluk yagaisasikhe.

KEJADIAN 35:19

He Rahel a'nogo wa'lagaikhemo kwe o Efrata lagaikharek oba yogondak he, enu Betlehem agarek oba kwe esanggoma andoma salfesukwa.

KEJADIAN 47:30

We, an nendawimo namolo anggikhi lagi hagat an nebe warek o yoma nen wo'narek lambik he, hombalak inebe warek salinafi lagaukwaba andomaat salnabi lanogen he hombuk palogo yaganom o,” iluk yagatikhe. A'nogo yagatikhemo, at Yusuf en he, ”Neisena nen egen andiat hilingisigin o,” iluk yagatikhe.

KEJADIAN 50:12

Attagat at Yakub en he, againafuri yagaisikhi logolik: ”Yi'nogo hilingi'no,” iluk yagaisasikhe higithogoat a'nogo hilingitukwa andi.

KEJADIAN 50:13

Iren, warek a'nogo waluk o Kanaan lagaukwasik he, at Abraham en kweang afuni wa'lagunem salinafukwe ap Efron unggulenu Het mene anggweang mene onggo palhikheba, oumo enu Makhpela o Mamre abel elikwe mo wulibi wagarek higit andoma were'ma salhukwa.

KELUARAN 13:19

A'nogo wulibi wagi'lek werek kwelek, attak at Yusuf ebe eluk logolik oba, afuni Israel mene hombuk paluageluk yi'nogo yagaisasikhe: ”At nineisena Enupogoren telogo wokhinarek wulife halok he, an noak o yoma nen wo'narek lano o,” iluk yagaisasikhe andi nen, at Musa nen Yusuf oak waluk wulibi wagaikhe.

YOSUA 24:32

Nen, at Yusuf ebe warek it afuni Israel mene nen o Mesir en waluk wagaukwa a'nogo re, o enu Sikhem, kweang andi at Yusuf en ap enu Sikhem eisena enu Hemor andi, againafuri inoba uang perak 100 meneba onggo palhikheba andoma salhukwa. Kweang andi it afuni Yusuf en tagongge mene wogisasukwama eise agaukwa.