KISAH PARA RASUL 6:5 - Allah Wene Fano Wene Hupla Inane

⁵ Wene a'nogo ikhi lagaukwama, it afuni Allah againafuri omanogo inebe mondogaren he, ”A'nogo egep andi fano,” iluk isukwasik inebe heragaisogo fisasukwa. A'nogo fisasukwa andi ekhe re, Stefanus, endawinggen Allah oba himbirik mondok were'ma Allah Areagun endawimo peterogo kwisikhesik welagaikhe mene inom, Filipus inom, Prokhorus inom, Nikanor inom, Timon inom, Parmenas inom, Nikolaus o Antiokhia mene Allah ane wanhikhesik, Yahudi mene hangge hilinglagaikhe mene andi inom,

KISAH PARA RASUL 6:5 ပူးပေါင်းရင်းမြစ်များ

KEJADIAN 41:37

At Yusuf en raja Firaun a'nogo yagatikhemo at agoromi inomen Yusuf yabu a'nogo hilingisin mene faget ikhe andi, ”Fano mondok ikhe o,” iluk isukwa.

AMSAL 15:1

Wenagisugu halok, onggo inane liokhogo yagaisugunem he, ina'mage lek agarek, oba nen onggo lagokhogoat yagaisogoin halok ina'mage lagaikherek.

AMSAL 15:23

Inane uogeluk aremnogoat higithogo agarek oba re, inagaiyek mene asi wagarek.

MIKHA 3:8

A'nogo hilingisugun oba nen, an enek he neisena Tuhan nen omame wo'netik, nen Areagun wo'netik ikhemo welagi o. A'nogo wo'netesik, wene futfuluk higithogo hilingitu mene faget inom, nen afuni Israel mene nen weak hilingiri'lagwi mene andoma faget nailo lekhogo inenggali warogo yagaisoageluk inom wo'netemo welagi o.

MATIUS 23:15

Hit ap Allah ane lisu palek eisewerek mene yi inom, hit Farisi mene yi inom, hinagap oba nek fano hangge logolik hinendawinggen pire mene yi ri! Hit hinane wanhi logouwageluk afuni heraginabik, i laut yenggelek aik eliba wulipluk, o yi awi ti awi nikhi lagep mene andi, Allah nen wene hit hinoba fembik endu ai'mo lakhinobagagin andi hak he, it hinane holi'lagwi mene andi Allah nen wene a'nogoat enggi pireba inoba fouwageluk ikhi lagep andi nen, weaget hinabigin o.

KISAH PARA RASUL 11:19

At Stefanus a'nogo ebe watukwasik he, Allah againafuri yi enggin ti enggin hilinginafi logolik, siginarek-muginarek hilingiti lagaukwama, pugulogo o propinsi Fenisia inom, Siprus inom, kota Antiokhia inom wagaukwasik, wene it afuni Yahudi mene nek yagaisikhi lagaukwa.

KISAH PARA RASUL 11:20

It a'nogo hilingiti lagaukwa meneat he, it ekhe inom pugulhukwa mene inaiba re, o Siprus mene inom, o Kirene mene inom, o kota Antiokhia wagaukwasik, wene fano wene Tuhan Yesus hilingitikhe wene andi, it afuni inunggul enu Yunani mene yagaisasukwaat.

KISAH PARA RASUL 11:22

A'nogo hilingitukwama, it afuni ekhe nen he, ”It Yesus ane wanhasik, inobabut hebelha o,” iluk inabok ikhi lagaukwama re, it Allah againafuri, o Yerusalem andogoti lagaukwa mene omanogo inesanggo holhukwasik he, at Barnabas ayonggo fesukwasik, ebe o Antiokhia lakfei wagaukwa.

KISAH PARA RASUL 11:26

Lagaikhesik, ebe emberek ambi agaukwasik he, waluk o Antiokhia lagaikhe. O andoma lagaikhesik, o mo lagagik pigik ugu kwelek, 1 tahun logolik he, Allah againafuri inom andoget fuluk, afuni hokhorogoat wene yagaisikhi lagaukwa. It afuni Yesus ane wanhunem inunggulenu Kristen agarek andi re, attak o Antiokhia andoma nen salhukwa.

KISAH PARA RASUL 11:27

Andi sambul he, it ap Allah ane yagaisikhi lagaukwa mene ekhe o Yerusalem en o Antiokhia lagai wagaukwa.

KISAH PARA RASUL 13:1

Allah againafuri o Antiokhia andogoti lagaukwa mene omanogo, it ekhe nen Allah ane yagaisigik, it ekhe nen yagaisigik, ikhi lagaukwa mene inebe ap ekhe Barnabas andi, ekhe Simeon enu Ebe muli ikhi lagaukwa mene andi, ekhe Lukius o Kirene mene andi, ekhe Menahem, Herodes kain gubernur agailak emberek ambine kulinafukwa mene andi, ekhe Saulus andi, welagaukwa.

KISAH PARA RASUL 15:22

Wene a'nogo isukwasik he, it ap Yesus nen inebe wenagaisogo inayonggo fuluk lakfisasikhe mene omanogo inom, it ap Allah againafuri kwelaginarek welagaukwa mene omanogo inom, Allah againafuri ekhe andogorek welagaukwa mene mondogat inom, inomen wene mel iluk palhukwa: ”Ap nit mene ekhe wenagaisogo inayonggo fesukwasik, Paulus Barnabas emberek inom o Antiokhia loagen he, lakfisuogo,” iluk isukwa. A'nogo isukwasik he, it Allah againafuri ekhe nen, at Yudas enu ekhe Barsabas andi inom, Silas andi inom, ”Inobabut fano,” iluk anggikhi lagaukwa mene nen, lisu palek andi inenggim waluk loageluk inayonggo fesukwa.

KISAH PARA RASUL 2:4

Ineilenggen a'nogo hugu kwelek, Allah Areagun it inebe mondogat inendawimo peterogo kwisikhe. Kwisikhesik he, Allah Areagun nen, ”At andi ane yi'nogo ikhi logouwak,” iluk anggasikhe higithogoat, it afuni ekhe inaneba uageluk yagaisugu kwelek elalinat ikhi lagaukwa andi.

KISAH PARA RASUL 21:8

Ninom welagagusik, ohealekwe re, o Kaisarea lagagusik, it ap inebe 7 nen attagat o Yerusalem en wenagaisogo fisaluk menfisasukwa mene omanogo ekhe fano wene yagaisilik nikhi lagaikhe mene enu Filipus were'ma, aiba kwisugusik ninom welagagu.

KISAH PARA RASUL 22:20

At Stefanus, wene hat faget fakhogo afuni yagaisikhi lagaikhe mene a'nogo ebe watunem, an nebe andoma mendek logolik, Hweing! Fano wata, iluk, it ap watukwa werek inasu nonggolek kwalogo welagagi andi, it ineluaro, iluk yagatigi.

KISAH PARA RASUL 6:10

A'nogo wenagetukwa meneat he, at Stefanus Allah Areagun endawimo kwisikhesik logolik, wene higirat kagaukhogo ugunem, it inane onggo ninggi'nogo yagasu heat hilinglagaikhe.

KISAH PARA RASUL 6:3

Halok, hiren he, ap ekhe Allah Areagun inendawimo peterek logolik, inendawinggen mondok kagalek hilingitunem, inobabut enegat isikhi lagep mene halok, inebe 7 nen heraginabini o. Heraginafep halok, iren yi mene ti mene a'nogo sumburisikhi logouwageluk, niren menfisogoin o.

KISAH PARA RASUL 6:8

At Allah obabut fano nen wogisikherek mene a'nogo, Stefanus hokhorogo wogetikhemo omame hokho welagaikhe. Logolik he, afuni nen wene futfouwageluk hilingisu lek mene hokhorogo elalinat hilinginafi lagaikhe.

KISAH PARA RASUL 7:1

At Stefanus wene a'nogo oba fesukwama, ap Allah eisewerek mene inoe kain a'nogo nen he, ”Wene andi eberogoat ili'lagwi a? Ineranen ili'lagwi a,” iluk yagatikhe.

WAHYU 2:15

Nen, hit ekhe nen, wene ap Nikolaus nen yagaisasikhe mene awene andi waganogo fisogo welagebat andi. A'nogo hilingiti lagep andi, an nabit mondok anggikhi lagi o.

WAHYU 2:6

A'nogo meneat he, it ekhe ap Nikolaus obabut waganogo hilingitunem, an nen nabiret fisigirek hak, hiren ogo hinabiret fisikhi lagep andi nek he, fano o.