Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KISAH PARA RASUL 6:3 - Allah Wene Fano Wene Hupla Inane

3 Halok, hiren he, ap ekhe Allah Areagun inendawimo peterek logolik, inendawinggen mondok kagalek hilingitunem, inobabut enegat isikhi lagep mene halok, inebe 7 nen heraginabini o. Heraginafep halok, iren yi mene ti mene a'nogo sumburisikhi logouwageluk, niren menfisogoin o.

အခန်းကိုကြည့်ပါ။ ကော်ပီ




KISAH PARA RASUL 6:3
34 ပူးပေါင်းရင်းမြစ်များ  

Oba nen he, andi hilingiti logolik he haren ap inebe hebelek mene enogo fisambik iren ap inebe 1.000 nen mene faget inom, 100 nen mene faget inom, 50 nen mene faget inom, 10 nen mene faget inom, inobaget menla'luk lenggalinafi logouwakhogo yagaisano. It inebe re Allahba inailorogo logolik, ane hologo nek hilingitu mene, nen afuni nen at andi elok hilingisu hak iluk anggagarek mene, nen uang inendawimo fanorogo iluk wogisugun helagarek lek mene halok menfisano.


At Allah nen yabu yi'nogo ti'nogo hilingitu mene faget mondogat yagatikhemo re, aren ninggi'nogo hilingisigin iluk andi re mondogat elu werek.


Tuhan nen he ap hakim wene inoba higithogo hilingitu mene wogisigik, it ap selei mene nen inoasi wesinogoluk o kota kagalek werek mene inoba inailo lek mene hilingfisigik, igin.


Meneat he, hit hineisena re, guru wene yagahisikherek mene misigat enek werek andi nen he, hinerugwi hinagaila'lak hinom higit halok, it ekhe nen, Guru noe, iluk yagahisagain mondok lego.


it Yesus agoromi ane wanhi lagaukwa mene nen he, ”Yesus nen he, Nagot ari ebe hobuk wa'lasigin mondok lego,” iluk ikhe heaba, abok wial fesukwa. Meneat he, at Yesus nen he, ”An nagot ari hobuk wa'lasigin mondok lego,” iluk igi'lek. We, An nendawimo nen, ap ari ebe eluk at were'ma an hobuk wesigin anggigi halok he, haren hilingisu mene fuk. An nobalombogo,” iluk wene andi mene faget isikhe meneat, a'nogo isukwa andi.


Andi sambul, Allah againafuri ekhe inom inebe 120 hangge andogorek logolik, at Petrus inanggele'ma menlagaikhesik he, wene mel yagaisasikhe:


Halok he, nit ninom nikhi logouwogeluk, ap ekhe menfouwok. Ap menfogoin andi re, huli at Yohanes ima pelaginafi lagaikhe andi huli nen he, ninoe Tuhan Yesus ninom hundik-handigat ombo'ne nikhi lagosik, huli Yesus eisena nen nit ninanggele'ma nen kigilogo pogoroba liakfikhe andi huli, ninom nikhi lago mene halok, Yesus eluk aga andi eberogoat. Nineilenggen hogosik, iluk ninom yagaisilik nikhi logouwogeluk, menfouwogo,” iluk yagaisasikhe.


A'nogo yagaisasikhemo, iren he, ”Ap tentara mene esa folharek mene inoe kain enu Kornelius andi nen lakninobagai wagama wago. At andi obabut higithogo hilingitik, Allah ebe ailorogo welagik, ugunem, it afuni Yahudi mene mondogaren obabut palharesik he, a'nogoat abok fano agarek. At andi a'nogo hilingitunem malaikat Allah nen yonggo pelakfisa wagarek mene omanogo ekhe nen he, Petrus andi nen wene hat hesanggo holigin mene yagahesigin werego, iluk hat hayonggo lakninobagai wesuageluk yagatemo, aren lakninobagai wagama hoba wago o,” iluk yagatukwa.


Wene andiba lisu palogo fikhi logolik, mel isukwa: ”Nit hinerugwi hinagaila'lak Yesus nen ninebe wenagaisogo ninayonggo fuluk lakninobagai wagaikhe mene inom, Allah againafuri kwelaginarek welagorek mene inom, ninomen he, hit o Antiokhia mene, Siria mene, Kilikia mene, hinebe endakwe meneat he, Allah againafuri mene ninerugwi ninagaila'lak, iluk hai wathinafo andi o.


Allah againafuri o Listra mene inom, o Ikonium mene inom, mondogaren he, ”Timotius obabut fano,” iluk abok fano ikhi lagaukwa.


Ineilenggen a'nogo hugu kwelek, Allah Areagun it inebe mondogat inendawimo peterogo kwisikhe. Kwisikhesik he, Allah Areagun nen, ”At andi ane yi'nogo ikhi logouwak,” iluk anggasikhe higithogoat, it afuni ekhe inaneba uageluk yagaisugu kwelek elalinat ikhi lagaukwa andi.


Kwisukwama, o Damsyik andoma ap ekhe enu Ananias. Wene Allah nen komotninafikhe wene a'nogo fisogo logolik higithogo hilingitunem, it afuni Yahudi mene o Damsyik mene mondogaren inane agaukhogo yagati lagaukwa.


O Putioli andoma Allah againafuri mene ekhe were'ma ninom ambi agagusik, iren he, ”Ninom logouwogo,” iluk ninayonggo fesukwama, ninenggi 7 nen ninom welagagu. Welagagusik o andoma nen o kota Roma wesuogeluk wagagu andi.


Wene a'nogo palhukwama, it ap inebe 12 Yesus nen inayonggo fuluk lakfisasikhe mene omanogo nen, afuni Yesus ane wanhukwa mene inebe mondogat andogosuageluk wolisasukwa. Wolisasukwama wagaukwama re, inebe misi'mo andoget fuluk logolik, iren he, mel yagaisasukwa: ”Nit Allah ane yagaisikhi lago andi herakfisaluk, yi mene ti mene sumburisikhi logogun he, weago.


Wene a'nogo ikhi lagaukwama, it afuni Allah againafuri omanogo inebe mondogaren he, ”A'nogo egep andi fano,” iluk isukwasik inebe heragaisogo fisasukwa. A'nogo fisasukwa andi ekhe re, Stefanus, endawinggen Allah oba himbirik mondok were'ma Allah Areagun endawimo peterogo kwisikhesik welagaikhe mene inom, Filipus inom, Prokhorus inom, Nikanor inom, Timon inom, Parmenas inom, Nikolaus o Antiokhia mene Allah ane wanhikhesik, Yahudi mene hangge hilinglagaikhe mene andi inom,


inebe 7 andem heragaisogo fisaluk he, it ap Yesus nen inayonggo fuluk lakfisasikhe mene omanogo inoba fisa wagaukwa. Fisa wagaukwama re, iren inenggi inunggul oba sebelogo samban isukwa.


Wasuogeluk walhugu kwelek, it Allah againafuri it-it inerugwi inagaila'lak inom misigat mene ekhe nen, Saulus ebe o Kaisarea waluk wagaukwasik he, andoma nen o Tarsus lagai wesuageluk lakfei wagaukwa.


At Allah Areagun en, at ekhe wene kagaukhogo ikhi logouwageluk wogeterek. Nen, at Areagun andi nenat, at ekhe yi wene ti wene elu mondok logouwageluk wogeteregat.


Fisaluk he, ap waluk logoin mene hiren, ”It elok,” iluk anggegep mene halok inayonggo feino. A'nogo inayonggo fuluk were'ma, an nebe wesimbik he, hiren fisegep mene andi waluk loagen, surat palogo o Yerusalem lakfisagain o.


Anggur enggen amusu hokhorogo nunggunem andi mene nen hinebe lugulugwi palhi logolik weagethinabinogo nen he, ninggi logogubo. Oba nen, we Allah Areagun andiat hinendawimo peterogo wanino.


Athe an nen hit hinogogwi wene melalhinafu mene menfisagen he hit hinunggulenu tomok en ap mene nek inobabut hebelek mene inom, inendawinggen kagalek mene halok inom, inendawinggen wenggelogo hilingsu hak mene inom, enek we miren hakhogo heragaisogo fisani o.


It afuni ekhe nen it hemi sogwe mene andi inabok ikhi logolik, ”It inobabut fano hilingiri'lagwi,” iluk agarek mene halok, inenu lisu palugun. Fano hilingitarek andi re, inonggwarek ineagwi fanorogo kulinafik, ap pok wagunem inebe fanorogo woginafik, Allah againafuri ekhe ineisok ebene sobalinafik, it ekhe weak were'ma leberisigik, inenggi ekhe kamo igi'lek yi mene ti mene faget leberisikho mondok welagik, agarek mene halok inenu lisu paluguno.


Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.


A'nogo meneat he, at Demetrius faget enek he, afuni mondogaren inom, at Allah eberogoat mene nek ikherek a'nogo nen inom, an nen inom, ”At fano hilingiri'logo,” iluk abok fano ogorek. At abok ogorek andi, eberogoat fano ogorek andi hit hineluo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ