KISAH PARA RASUL 5:9 - Allah Wene Fano Wene Hupla Inane

⁹ A'nogo yagatikhemo, at Petrus nen he, ”Hit hagun hemberegat, wene yi'nogo hilingisuok, iluk ikhi lagepsigen nineisena Allah Areagun obabut paluogeluk hilingitep andi nenahalok. Ap hat hagun ebe warek kweangma sali lagaikhasik, hat a'nogoat wokharek wulibuogeluk olilu kweba ineisok abolok ilik wagaikha ari o,” iluk yagatikhe.

KISAH PARA RASUL 5:9 ပူးပေါင်းရင်းမြစ်များ

KEJADIAN 20:13

Allah nen an miming nafi logolik, heisena aiba herakfisaluk o honggotkwe andoma ya nogogik ta nogogik nikhi logogin iluk yaganetemo an nen he, nagwe yagati logolik hendawinggen an noba tipsek welagen halok he ap amu mene inobare, ari an noe o, iluk yagaisugunogo,” iluk yagatikhe.

2 RAJA-RAJA 6:32

A'nogo isikhesik, at raja ebe hobuk lagaluk, agot ekhe attak Elisa oba lakfesikhe. O andi sambul he, at Elisa ebe aiba were'ma, ap kaindek ekhe at oba lagaukwama inom logolik, ap raja nen lakfisikhe mene a'nogo oan lagi'lek werek kwelek he, at Elisa nen ap pok omanogo inoba mel isikhe: ”Wene yagahisagain yi futfeni o. Ap inoare mene a'nogo nen he, an nebe noasuagaluk ap ekhe lakfei wagama weri'lago o. Ma re, ap andi ebe waga halok, ebe kwi wesinogo nen he, kwe huthagubo. A'nogo wesumo nen, at ombo'ne re, raja ebe wesigin o,” iluk yagaisasikhe.

MAZMUR 50:18

Hiren ap hinatu mene misik ekhe hineilenggen isaluk he, hirogo at ombo'ne laga lagep. Nen hiren ogore afuni yugunat hilingitarek mene hinom misikwe sebeti lagebat.

MAZMUR 78:56

Oba nen he, iren Allah ba inobaharo fikhi logolik he At Mondok Lego welagarek mene a'nogo obabut palugun mene nek hilingiti lagaukwa. At Awene melalek yi'nogo hilingiti logoino, ti'nogo hilingiti logoino iluk yagaisasikhe mene omanogo iren furogo holhi'lek hilingiti lagaukwa.

KELUARAN 17:2

A'nogo hilingik welagaikhemo iren he, inane mul-mul Musa mel yagatukwa: ”Nit ninagai noageluk i ekhe wo'nisan o,” iluk yagatukwama, at Musa nen he, ”Hit he, Tuhan a'mage werek a? Lega, iluk, an noba wene palogo nenahalok lalnafi lagep,” iluk yagaisasikhe.

KELUARAN 17:7

A'nogo hilingitukwa andi re, it afuni Israel mene nen, nineisena Tuhan Allah ninom welago a? Lega, iluk obabut paluogeluk hilingitukwa andi nen o andoma enu ekhe re, ”Masa,” iluk salhik, nen wene palogo lalhukwa andi nen, enu, ”Meriba,” salhik, isukwa.

AMSAL 11:21

Afuni ina'mage hokho mene andi re ibi-eberogo nenat unggum helogoin, oba nen afuni fano hilingitarek mene andi re inagap telogoin.

AMSAL 16:5

Ap wonoget fakhagarek mene andoma inebe mondogat he Tuhan nen abit anggikherek, it inoba wene were'ma re inili woginabigin lek.

MIKHA 7:3

It inebe mondogaren he weak hilingitu mene faget enek inobabut mondok hibil-hebelhogo hilingitu welagaikharek. It ap ineabu legoma welaikharek mene nen inom, nen it hakim wene tegetarek mene nen inom ogore, wene tegesuogeluk he onggo tak wo'nisani iluk kinotarek. Nen, it ap inogogwi kaindegen ogore, it inendawimo anggagarek mene nek hilingisuageluk miminginafarek. A'nogo nek hilingiti logolik it inebe mondogarenat hilingirik lagaikharek andi.

BILANGAN 14:22

An nombak-bak mondok yararethigirek mene andiba, iren futfouwageluk, elalin mene o Mesir en hilingitunem ineilenggen higik, o leimo afuni le'ma nen hilingitunem ineilenggen higik, ili'lagwi meneat he, An nane hologo hilingisu mondok inabit logolik, iren he, omame werega? Lega, iluk nobabut paluogeluk lalnafu mondok werek andi nen, afuni it aroma mene ebe eluk ekhe inom hogo logombik, An nen o it inombalak wogisageluk wene warisasigiba andoma logoin mondok lego.

MATIUS 4:7

Yagatikhemo, at Yesus nen he, ”Allah nen ikhi logolik, Hiren he, an hineisena Allah Nenupogot nanini werega? Lega, iluk nobabut palugun mondok lego, iluk isikhemo lisu palogo fesukwama weregaro,” iluk yagatikhe.

LUKAS 16:2

A'nogo yagatukwama, at kain a'nogo nen amingmingengge mene a'nogo wolhasikhemo wagaikhemo re, mel yagatikhe: Hat hilingiti lagen mene nesanggo holhi andi re, ninggi'nogo hilingiti lagen. Yogondak hat an naiba yoma logolik an nagarek fisogo logogin lek hilingi'mo re, fisogo logolik hilingiti lagen mene lisu palek mene andi pilingisogo yaganesimbik he, wo'nom o, iluk yagatikhe.

KISAH PARA RASUL 15:10

Allah nen a'nogo hilingitu kwelegat he, hiren at obabut paluogeluk ikhi lagep andi nenahalok? Wene andi enggin hokho nen he, ninombalak wanu elo'lek welagaukwa. Nen, niren wanugun elo'lek logoligat he, hobuk it Yesus ane wanha mene andi wanuageluk egep andi nenahalok.

KISAH PARA RASUL 5:6

A'nogo wa'lagaikhemo, it ap alage mene kwisukwasik he, ebe warek a'nogo su yinggilogo waluk wulifukwasik, kweang habulogo sali lagaukwa.

ROMA 3:19

Wene Allah nen komotninafikhe wene andi, it hologo logogun mene nek yagaisasikhe, iluk nit ninelu. Allah alegaren afuni o yi awi ti awi mondogat wene inoba figik, kotik, ugunem, at ekhe nen wene oba koragain elo'lek asuageluk komotninafikhe andi.

1 KORINTUS 10:9

Nen, afuni it mene ekhe nen he, ”Nineisena Enupogot a'mage werek nogo?” iluk lalogo hilingiti lagaukwama, kisu aigen palinafi lagaikhemo re, wa'larik lagaukwa andi hak, nit ninoasinogo iluk a'nogo hilingisugun mondok lego.