KISAH PARA RASUL 5:5 - Allah Wene Fano Wene Hupla Inane5 A'nogo yagatunem, wene andi, at Ananias esanggo holhikhesik he, erabisak talorogo hulambetikhesik ebe arat wa'lagaikhe. Wa'lagaikhemo re, it afuni inebe hokhorogoat wene hilinglagaikhe mene andi, inesanggo holhukwasik inailo hokhorogo agaukwa. အခန်းကိုကြည့်ပါ။ |
KISAH PARA RASUL 5:5
26 ပူးပေါင်းရင်းမြစ်များ
Attak he Peti andi waluk wesugun iluk hilingitugu sambul a'nogo re fanorogo hambuget haluk waluk wesu mene re hit hinebe lek welagep. Andiba re, nit Nineisena Tuhan Allah a'nogo nen he, niren At endawimo anggikhe lek mene higithogo fogeratugu lek andiba re unggum wo'nisikhe andi,” iluk yagaisasikhe.
A'nogo ugunem Tuhan yi'nogo ti'nogo hilingisu hagenek mene a'nogo nen he an noba ikhi logolik, ”Yeremia, afuni andoma a'nogo ugunem he, wene obabut weak mene iren asigin lek anggogoin mene a'nogoat inoba asi wesigin o. An nen he An nane andi re hat hambelema endu higit hilingfagain. Nen, inunggulenu andoma re e nolhu mene hak hilingfisamo re endu andi nen inebe mondogat nolinabigin o ikhe.
A'nogo ikhemo an wene andi faget nane ugu kwelek aremnogo re, hun Pelaca a'nogo talorogo hulambetesik ebe pinggi wa'laga. A'nogo wa'lagama re an neindep awi yagaisogo sagaum etirik, hombuk palhi logolik, ”Eige Tuhan Lego Mondok welagen mene neisena, Israel mene abu'nengge werek mene ya re haren mondok inoasigin a?” iluk yagati.
Wa'lagaukwama at Musa nen Harun yagati logolik, ”Tuhan nen Afuni An nobaget hilingiti logogun mene halok he, An Nebe horek welagi mene a'nogo legeisogo nobagakhi logolik fogetnafi logogun, nen An nebe nanggiluk welagi mene a'nogo afuni An nagainafuri inunggulenu mene inoba inugisikhi logogin, iluk, Tuhan nen ikhe,” iluk Harun yagatikheba nen he, at ane igi'lek wamborek welagaikhe.
Yethan! A'nogo hilingiti lagen andi nen, Tuhan Allah nen wene hoba fikhemo welagen o. Andi re, hat hebe yogondak elama faget ya heilenggen mum asimbik he, mo andi heilenggen yethigi'lek logogin o,” iluk yagatu kwelek aremnogoat, eilenggen ohena hangge salogo mum agaikhe. Mum agaikhesik he, ”Sa nen nenggi fagaisogo wo'narek lagain he,” iluk afuni enggi fak heraginabik lagaikhe.
Andi nenat he, nebe yatma logolik wene yi lisu palogo fikhi lagi. Nebe hobuk wagi halok ninom logolik he, nane puk weak wenakhisigi hanogo iluk, lisu a'nogo palogo fikhi lagi andi. Ninoe Enupogoren omame wo'netikhemo eisewerek welagi andi re, hit hinebe weagethinabuageluk fuk. We, hinendawinggen wuriget hinabuageluk eisewerek welagi o.
An attak nenggi ekhe wagagisik oba nen hobuk wagagi andiba, it afuni hit mene ekhe attagat weak hilingitukwa mene inom, nen it fena o andoma mene inebe mondogat inom, komorinafigi mene yogondak an nebe yatma logolik inendawimo eberogo yagaisagain aro. An hobuk wesimbik he, it andi sebelogo inobagai wesigin lek. We, wene inoba fei wesigino o.
At Allah endawimo amolo anggikherek oba hinendawimo weagat a'luk he, ”Nambigen weak hilingitimo,” iluk hinobabut hebelasimbik he, fano mene ninghogo hilingitik, wene hinoba lek higithogo hilingitik, hina'mage lagagik, hinailo agik, ”Paulus ninom ambi a'lo e,” iluk noba ebetik, hinendawimo aganhanhogo hilingitik, at weak hilingitikhe mene andi enggi onggoba wulakfisigik, egep andi hani! A'nogo hilingiti logolik hit weak ekhe hilingiti'lek wene hinoba mene korogo mondok lakfisegebo.
iluk a'nogo yagaisugunem, it afuni ap mene nek o kota andi werek mene omanogo nen omalik a'nogo helep oba tunghogo wasumo ebe pinggi wa'lasigin. A'nogo hilingisugun andiba re hiren weak mene andi lek hilingisogo foumo, it afuni Israel mene mondogaren inesanggo holimbik he inailo nek asigin,” iluk yagaisasikhe.
Akhan hun Zerah amlogo yi mene ti mene mondok legaphogo fugu mene a'nogo faget Tuhan nen wene melalogo yagaisasikhe mene holfuluk hilingitikhe lek oba ambisangma ninggi'nogo hilinglagaikhe nogo? Iluk wenggel hano! Afuni Israel mene mondogat wene inoba agaikhe! Andi hilinglagaikhe a'nogo re, we at Akhan amu weak hilingitikhe oba nen, wa'lagaukwa mene re at amu nek wa'lagaikhe nogo!” iluk yagaisasukwa.
O andi sambul he, lugul hokho inailo mene ekhe lang-fanget hikhi logolik, o kota andi ebe 10 ba minggilogo fikhesik, hokhorogo herakfikhi logolik, misigat ekhe mondok wolelenggen tagalogo fikhi logolik, afuni inebe 7.000 nen inoatunem, it fena inoati'lek mene inailo hokhorogo agaikhasik, iren he, ”Allah pogoroba mene, nailo e,” iluk fogeratunem isigi o.
ကြော်ငြာတွေ