KISAH PARA RASUL 5:40 - Allah Wene Fano Wene Hupla Inane

⁴⁰ Inendawinggen sebelhikhemo, it ap Yesus nen inayonggo fuluk lakfisasikhe mene omanogo wolisasukwama kwisukwama re, yei inoatukwasigen, ”Yesus andi enu hombuk palogo, wene hobuk a'nogo yagaisikhi logogubo,” iluk komorogo wulakfisasukwa.

KISAH PARA RASUL 5:40 ပူးပေါင်းရင်းမြစ်များ

MATIUS 10:17

Afuni nen it ap wene ero pilingitare'ma inoba wokhinarek lagik, o samban agare'ma andoma nen yei hinoatik, ugun a'naga re, hinebe hebelogo logoino o.

2 KORINTUS 11:24

It afuni Yahudi mene nen yei lambisogengge yei misigam faget inenggi 39 nen noati lagaukwa mene nenggi wenagaisogo re, nenggi 5 ba noatukwa aro.

KISAH PARA RASUL 5:28

”Hiren ap andi enu hombuk palogo nen wene yagaisagubo, iluk niren fanorogo komothinafo a'nogo meneat he, hiren wene andi wialogo yagaisikhi lagepma re, afuni o Yerusalem mene yoma mondogat inelu aga andi re, ap wata mene andi re, wene nit ninoba fouwogeluk ikhi lagep higi,” iluk yagaisasukwa.

MARKUS 13:9

A'nogo hikhi logolik, hit he, hinobabut hebelogo logoino. Afuni ekhe nen he hinenggi hele warogo ap kaindegen hinanema wanuageluk wokhinarek lagik, o afuni Yahudi mene samban agarek oba nen yei hinoatik, ugun o. A'nogo imbik he, it yi Yesus agoromi iluk, it ap pemerintah mene kaindek inom, inenupogot inom, wene hinoba fouwageluk inelokhoma menhinobagaumo, andi sambul fanoasuak he an hilingitunem hineilenggen niikhi lagep mene fakhogo yagaisogoin o.

AMSAL 12:10

Ap fano mene nen at anggo takhikherek mene furogo halhi logogin, oba nen ap weak mene nen he weagerogo fikhi logogin.

LUKAS 20:10

O andoma lagaikhesik werek kwelek, anggur enggen palharek oba higit agaikhemo re, ap eabu eisewerek mene a'nogo it ap omanogo nen enggen ekhe palogo wogosuageluk, amingmingengge mene ekhe inoba lakfei wagaikhe. Lakfei wagaikhemo re, it ap yabu kagalek welagaukwa mene omanogo inoba wagaikhe mene re, ebe yei warogo enggen paleti'lek weat ambotkwe lakfesukwa.

MATIUS 23:34

Halok hinesanggo fanorogo holini. An nen ap Allah ane yagaisagarek mene inom, inendawimo kagalek mene inom, Allah ane lisu palek eisewerek mene inom, lakfisa wesigin mene andi, hiren fena eba menfisaluk inoatik, fena o hit samban ikhi lagep kwe kuluk yei wiik-weakhogo inoatik, fena mugusogo-magaisogo o kota ekhema-ekhema lakfisigik, hilinginabugun o.

MIKHA 2:6

A'nogo yagahisamo afuni ekhe nen an noba ikhi logolik he, ”Haren nit wene yaganisugu lego. Wene mondogat andoma asigin mene faget nit yaganisa fuk, nit he ninenggali asigin lego.

AMOS 2:12

A'nogo meneat he, ap An faget tegelek logogun u hak Nazir mene logouwagaluk wokhisasigi mene andi, i anggur amusu, Na fugo, iluk isigi mene noagaluk wogisigik, ap An nane yagahisikhi logouwagaluk wokhisasigi mene andi, Hiren he Allah ane yaganisikhi logogun mondok lego, iluk wene palhik, ikhi lagep andi.

YESAYA 30:10

Iren ap nabi inoba ikhi logolik he, ”Hinambe te'me'ni! Hiren nit ninoba wene eberogo wene andoma yaganisa fuk, oba nen he niren ninamolo anggogorek mene andoma nek holhi logogun. Nit he we yugunat mene ebeti logouwogen he herak ninobagani o.

MATIUS 20:19

Wene noba fembik he, it ap endakwe mene nen inane asegen yaganetik, yei lambisogengge noatik, imbik he, nebe eba mennobagambik noasuageluk wogisogoin o. Nen, arat noatunem, nenggi pire warek logombik he, henaganek he neisena Allah nen neluget nabigin o,” iluk, yagaisasikhe.