KISAH PARA RASUL 5:32 - Allah Wene Fano Wene Hupla Inane

³² A'nogo hilingite iluk nit nineilenggen furogo hogosigen, eberogoat, iluk yagahisikhi lago. Afuni Allah ane hologo hilingitorek mene halok, at Areagun wo'nisikherek andi ninom enat wene andi yagahisikhi lago,” iluk yagaisasikhe.

KISAH PARA RASUL 5:32 ပူးပေါင်းရင်းမြစ်များ

YOHANES 7:39

Iluk, wene a'nogo yagaisasikhe andi re, afuni inendawinggen at oba eberogoat himbiret fagarek mene nek inebe lombok Allah Areagun wogisagain, iluk abok isikhe meneat he, andem sambul at Yesus ebe fogeratu kwelek lagagin a'nogo oan lagagi'lek andi nen he, Allah Areagun oan pelabi wagi'lek werek kwelek isikhe.

KISAH PARA RASUL 1:8

A'nogo meneat he, Allah Areagun hinoba pi waga halok, hinomame asigin. Hinomame asimbik he, o kota Yerusalem en, propinsi Yudea nen, Samaria nen, huli o yi awi ti awi esanggo-esanggo andomaat laga logolik, an yi mene ti mene hilingirik nugunem hineilenggen neegep mene a'nogo, an faget yagaisilik laga logoino o,” iluk yagaisasikhe.

KISAH PARA RASUL 10:44

At Petrus nen wene andi oan yagaisugu were'ma, Allah Areagun it afuni wene andi inesanggo holhi lagaukwa mene omanogo inebe mondogat inoba louk i pi wagaikhe.

KISAH PARA RASUL 13:31

Eluget fesikhemo re, it Yesus inom o Galilea tonggwe nen o Yerusalem pisukwa mene omanogo ineilenggen hoageluk inelokhoma enggi hokhorogoat menlaga lagaikhe. A'nogo inelokhoma menlaga lagaikhemo, ineilenggen hasukwasik, iren he, Ebe eberogoat nineilenggen yi'nogo hogo, iluk yogondak afuni Israel mene yagaisili'lagwi andi.

KISAH PARA RASUL 15:28

Nit Allah Areagun ninom logolik he, wene mel iluk palho andi. Wene enggin mene yagahisogoin lek. We, wene yiat hinesanggo holugun ogo.

KISAH PARA RASUL 2:32

A'nogo isikhe higithogoat, at Yesus Allah nenat eluget fikhemo, nit ya mondogat nineilenggen hogosik nineluat welago andi.

KISAH PARA RASUL 2:4

Ineilenggen a'nogo hugu kwelek, Allah Areagun it inebe mondogat inendawimo peterogo kwisikhe. Kwisikhesik he, Allah Areagun nen, ”At andi ane yi'nogo ikhi logouwak,” iluk anggasikhe higithogoat, it afuni ekhe inaneba uageluk yagaisugu kwelek elalinat ikhi lagaukwa andi.

KISAH PARA RASUL 5:29

A'nogo yagaisikhi lagaukwama re, it Petrus lak, Yesus nen inayonggo fuluk lakfisasikhe mene omanogo nen he, ”Nit he, afuni mene inane hologo hilingiti'lek, Allah ane andiat hologo hilingisugun o.

ROMA 8:16

A'nogo ikhi lago andi re, at Allah Areagun nenat, ”Hinebe Allah againafuri o,” iluk yaganisugunem, nit ninendawinggen oba nen ogorek andi.

2 KORINTUS 13:1

An attak nenggi pireba hinoba wagagisik he, hobuk ekhe wesigin andi. Allah aneba lisu mel iluk palek werek: ”Afuni nen it ekhe yi wene ti wene inoba fouwogeluk halok he, afuni ekhe inebe pire a? Henagan a, weak hilingitunem ineilenggen haga mene nen, Eberogoat nineilenggen hogo, ugu halok he, eberogoat anggogoin o,” iluk isikhe andi nen he, an wesimbik a'nogoat hilingisi wesigin andi.

1 PETRUS 1:12

Heinok wanhunem, at Allah nen he, ”Wene andi re, hit hinonggwarek faget he, lego. It hobuk oan mene faget hilingiti lagebo,” iluk hit fagerat isikhe. A'nogo yagaisasikhesik welagaikhesigen, hobuk Allah Areagun pogoroba nen pelakfei wagaikhemo, it ap fano wene Yesus Kristus hilingitikhe wene a'nogo yagahisoageluk hinanggele'ma logolik yogondak fakhogo yagahisili'lagwi ebe andi faget ikhi lagaukwa andi. Wene andi, it malaikat Allah nen yonggo pelakfisa wagarek mene omanogo nen he, ”Eige, nit wene andi furogo ninelu a'lo e,” iluk anggagarek.