KISAH PARA RASUL 5:31 - Allah Wene Fano Wene Hupla Inane

³¹ Eluget fikhemo werek andi, afuni Israel mene weak hilingiri'lagwi mene andi herakfisaluk inobabut hebelasumo re, Allah nen it weak hilingitarek mene andi sebelogo legetfisageluk, Yesus ebe eluget fikhesik he, at ebe ninoe Enupogot logolik telninafi logouwageluk era'lu enggi ebekwe menfikhemo werek andi.

KISAH PARA RASUL 5:31 ပူးပေါင်းရင်းမြစ်များ

MAZMUR 89:19

Nineisena Tuhan, nit ma'murogo fetninarek mene andi re Haren wenagaisogo fesiginmo welagorego, Nen nit ninoe raja re it afuni Israel mene ineisena Allah horek mondok werek mene a'nogo onggwarek mene o.

MAZMUR 89:24

At aselei mene re inebe mondogat An nen wulil tagalogo leget fisagain. Nen at oba inapsiri wat fisili'lagwi mene andoma re An nen it inebe inoasigin.

YESAYA 43:11

Hineisena Tuhan he An nami-namuat welagi o, An nebe lek logoumo nen he, ap ekhe mene nen hinagap telhinabugun mondok elo'lego.

YESAYA 45:21

Wene hit hinoba mene hinendawimo werek mene andoma weinama selekhogo nek fagesi we'ni o, hiren hinane seberogo masugun andi fano. Sa nen wene andi sagarik lagarek nogo, nen endamen engge yagaisikherek nogo? An Tuhan nen he, lek nogo a? ilah amu mene An ninom higit mene re ekhe werek lek. An he Allah katokhogo hilingitik, hinagap telhik, igirek mene welagi. An ninom higit mene re ekhe werek lek!

YESAYA 49:26

An nen it hit hinaselei mene andoma inoba mep en inafekwe lugu-lugwirogo hilingfisamo re it-it wat-wat logoin o. A'nogo hilingisugun andiba re yi afuni ti afuni mondogaren, An hineisena Tuhan logolik, telhinafirek mene, Allah Yakub agap telhigi mene, nomame mondok hokho mene a'nogo hinelu asugun o.” iluk ikhe.

YESAYA 9:6

At ebe re Daud en tagomangge mene ebe raja logolik ferinarek logogin. At omame mondok hokho logogin. Aren ferinarek logogin kwe andoma mondogat he liok-layokhogo nek were'ma mondok fanorogo logogun. O Aren ferinarek logogin oba andi re wene higithogo tegetu awene inom, wene melalek werek meneba inom higithogo hilingitu logolik yogondak huli nen hobuk huli andoma mondok-mondok logogin. Nineisena Tuhan Omame Mondok Hokho mene a'nogo nen andoma mondogat eberogo nek hilingisigin o,” isikhe.

YEHEZKIEL 17:24

Andiba re yi agayo ti agayo o kweangma welagarek mene mondogaren he An Tuhan a'nogo fut nobagagun. E uan mene re An nen musigin. Horok mene re An nen uanhogo lagauwageluk hilingisigin. E ket fano wiliferek mene re An nen puget fembik iringik mene hilingisogo fagain, nen e iringik meneba re asimit wulak figik, owil ik figik, igin. Iluk An Tuhan nen nane mondogat igi, nen An nane igi mene andi re tiphogo nek hilinglasigin o,” ikhe.

YEHEZKIEL 34:24

An Tuhan he it ineisena Allah asumo re raja An namingmingengge Daud higit mene andi re it ferinarek werek mene asigin. Iluk An Tuhan nen nane mondogat igi.

DANIEL 9:25

Wene yagahesigin yi, helu asuageluk fanorogo futfeino o. O Yerusalem meisalek mene andi hobuk ambotkwe wusuageluk wene ero wulafikhe andi huli nen, ap enupogot misik ekhe Allah nen wenagaisogo menfagain mene andi wesigin huli, inenggi 7 kali 7 tahun logogun o. A'nogo logombik, hobuk inenggi 62 kali 7 tahun logolik, o kota andi hobuk ambotkwe wutik, o sili hilingitik, leget kat wanhik, ugun meneat he, andem oba re enggin-fenggin inoba hugu mondok logoligat wusugun.

ZAKHARIA 12:10

Andi nen it Daud ambisangma mene inom, afuni Yerusalem mene inom inoba An nen it inendawinggen hundik welagaikharek mene inom, samban ugu welagaikharek mene inom hilingisogo fisagain. Iren he, at talogo warek logogin mene a'nogo ineilenggen yerogo logolik, afuni inomalik manggusa tago wa'lagunem le agu welagaikharek hak hilingiti logogun, nen, ap inomalik misigenek engge legagunem inendawimo mondok heiselogo le agu welagaikharek hak hilingisugun.

MATIUS 1:21

Omalik andi ebe abat tasigin o. Tasumo re, aren oe agot weak hilingiri'lagwi mene korogo wokhambik telinabigin o, iluk enu Yesus salin o,” iluk yagatikhe.

MATIUS 28:18

A'nogo anggugu kwelek, at Yesus ebe inera'lu wagaikhesik he, mel yagaisasikhe: ”Allah nen he, pogoroba mene inom, kweangma mene inom mondogat he, an eisewerek nobagaikhemo o.

MARKUS 2:10

Enggin meneat he, an abat ta'lasi wagagi a'nogo kweangma yoma logolik, afuni yi weak ti weak hilingitarek mene an enat sebelogo legetfisikhi logouwageluk, Allah nen eisewerek nobagaikhe mene andi futfanobagaik,” iluk yagaisasikhesik, ap enggi eisok wut warek mene a'nogo mel yagatikhe:

LUKAS 2:11

Yogondak telhinabigin mene kain Enupogot Kristus a'nogo, o ap Daud awi sili welagaikheba a'nogo ta'lagasik werego.

LUKAS 24:47

Nen, ekhe mel iluk lisu palek weregat: Hit afuni weak hilingiti lagep mene andi, herakfisaluk hinobabut hebelhep halok he, Allah nen sebelogo legetfisagain o, iluk, at enu hombuk palogo wene ikhi logolik he, ero o Yerusalem huli nen yagaisaluk, pikhit huli yi awi ti awi inunggulenu lombok mondok yagaisilik laga logoino, iluk Allah ane lisu palek weregaro.

YOHANES 4:42

he a'nogo mel yagatukwa: ”Yogondak nit ninendawinggen at oba himbiret fogo yire, wene haren yaganisegen andiba nek ninendawinggen at oba himbiret fogo fuk. Lego. Athe, at ebe nen wene yaganisugunem ninonggwaregen ninesanggo tomok holhik, afuni kweangma mene mondogat telninaferek mene ebe yi aro, iluk futfuluk ninelu agik, ogo andiba nen ninendawinggen at oba himbiret fogo aro,” iluk yagatukwa.

KISAH PARA RASUL 11:18

At Petrus nen a'nogo yagaisasikhemo, iren wenageti lagaukwa a'nogo re, hobuk kamo isukwasik mel isukwa: ”Halok he, Allah obabut fano nen, nit hilingninaferek hagat, it afuni endakwe mene inobabut hebelagunem ineluk mondok logouwageluk elok hilinginabiginat higi,” iluk Allah fogeratukwa.

KISAH PARA RASUL 13:23

Nen ekhe re, attagat at Allah nen he: Hit afuni Israel mene telhinabuageluk, at Daud en tagongge mene ekhe wokhisagain, iluk wene warisasikhe andi hagat, ebe Yesus menfuluk wogisasikhe andi.

KISAH PARA RASUL 2:33

At ebe Allah nen eluget fikhesik, era'lu kain logouwageluk menfikhemo werego. Logolik, Allah nen, Nareagun wokhisagain, iluk wene wa'nisasikhe hagat Yesus wogetemo, aren hokhorogoat nit ninoba pelakfei wagama re, nit hilingitunem hineilenggen nisigik, hinesanggo holhik, ikhi lagep andi.

KISAH PARA RASUL 2:36

At Yesus ebe re, hiren eba menfuluk watepma, at Allah nen he, Hinoe Enupogot Kristus ebe yiat, iluk menfikhe andi. Halok he, hit afuni Israel mene mondogaren he, Wene andi eberogoat, iluk hinelurogo logoino,” iluk yagaisasikhe.

KISAH PARA RASUL 2:38

A'nogo yagaisasukwama, at Petrus nen he, ”Weak hilingiti lagep mene andi herakfisambik hinobabut hebela'ni o. A'nogo hebelasumo re, weak hilingiti lagep mene andi, Allah nen sebelogo legetfisoageluk hinebe lombok Yesus Kristus enu hombuk palogo ima pelakhinabumo re, Allah Areagun andi wokhisagain o.

KISAH PARA RASUL 3:15

Nineluget ninaferek mene ero ebe at meneat he, hiren watepma Allah nen he, ebe eluget fikhemo, nit nineilenggen eberogoat hogosigen yagahisikhi lago o.

KISAH PARA RASUL 3:19

Andi nen he, hit weak hilingiti lagep mene andi, nineisena Tuhan Allah nen sebelogo legetfisaluk, hinendawinggen faget hineilenggen fanorogo hilinghinabi wagik, aren he, Kristus hinebe telhinaferek mene hinoba lakfei wesigin, iluk wene warisasikhe a'nogo ebe Yesus andiat hinoba hobuk lakfei wagik, uagen he, hinobabut hebelasimbik hinelokhe Allah wogo'no o.

KISAH PARA RASUL 3:26

Allah nen he, wene andi waretikhe hak, hit weak hilingiti lagep mene hinebe lombok hinambotma herakfisoageluk amlogo ebe fanothinabigin mene hit tak hinoba pelakfei wagaikhe andi,” iluk komorinafikhe.

KISAH PARA RASUL 4:11

Attagat Allah aneba lisu mel iluk palogo fesukwa: Hit o helep mene wuti logolik, Helep yi weago, iluk herakfisegep meneat he, ubuleat ya'laga yi, iluk Yesus fagerat, lisu palogo fesukwa andi.

2 KORINTUS 2:10

Aren hit weagethinafe mene andi, hiren sebelogo herakfisegep halok he, an nen sebelogo herakfisagainaro. An nen sebelogo herakfisagain mene werek halok he, at Iblis obabut lagokhogo hilingiterek ninelu andi nen, mabenetninabinogo iluk, hit faget, at Kristus eilhanemat sebelogo herakfisagaino.

EFESUS 1:7

A'nogo wo'nisasikhemo, ebe amep wulagaisogo watukwa andiba, ninonggo palogo telninafik, nit weak hilingiti lagagu mene legetfisigik, isikhe andi. At Allah endawimo kagalek logolik ninebe futninobagasikhesik he, obabut mondok fano a'nogo nen hokhorogo endawitninafikhe andi.

FILIPI 3:20

A'nogo meneat he, nit ninawi ero pogoroba werego. Ninawi eroma andoma nen, ninoe Enupogot Yesus Kristus hobuk telninabi wesigin andi nenangorogo welago.

KOLOSE 1:14

Allah nen a'nogo hele fikhalogo telninafikhe andi, ebe re, at amlogo nenat hele fikhalogo telninafik, yi weak ti weak hilingiti lagagu mene andi, arenat horogo legetfisigik, isikhe andi.

TITUS 1:4

Titus namlogo e. Hendawinggen nit ninom higithogoat Allah oba himbiret fuluk welagen andiba, an nonggwarek namlogo harat agagin andi. Nineisena Allah inom, ninoe Kristus Yesus telninaferek mene inom, emberek inobabut fano a'nogo nen, fano mene wokhetik, hendawinggen hambugethafik, ikhi logouwago.

TITUS 2:10

inagarek mene yogot wanhi logogun lek. We, inobabut enegat futfisoageluk, yi mene ti mene faget humbunhogo higithogo hilingitunem, it afuni ekhe nen Allah telninaferek mene a'nogo abok ikhi logolik, ”At ane yaganisili'lagwi andi fano,” iluk, ikhi logouwageluk, inobabut a'nogo hilingiti logogun.

TITUS 2:13

Nit yogondak he, ninoe Enupogot Yesus Kristus telninafikhe mene a'nogo inom nineisena Allah Ebe Hokho mene a'nogo inom afuni nen fogeratu kwelek, weinamhogo fanotninabi wesigin andi faget, ninendawimo ninagaiyek anggikhi logolik ebe nenangorogo welago.

IBRANI 12:2

A'nogo laga logolik, omanggum ninendawinggen Yesus oba himbiret fouwageluk, arenat ninendawimo kagalhik, huli wurep oba fano katokhogo mondok asi loageluk, arenat kwelakninarek welagik, ikherek andi nen he, arat nit nineilenggen en waluk murok laga logouwogo. At endawimo nen he, ”Inenggali warogo inebe eba menfisaluk inoatarek andi hak, an a'nogo noasugun nenggali,” iluk anggigi'lek, we, ”An hobuk nendawimo nagaiyek anggagain,” iluk at ebe watu kwelek afe morogo wa'lagaikhesigen, hobuk eluk agaikhesik yogondak Allah kain welagarek oba andoma era'lu kainat werek.

IBRANI 2:10

At Allah andi re, yi mene ti mene at onggwarek faget, onggwaregenat elalhikhe mene nen, afuni at againafuri hokhorogoat fogerinafi logogun oba woginarek loageluk, kwe wanhikhe mene ebe Yesus aro. Arenat afuni elok telinabimbik woginarek laga logouwageluk yi enggin ti enggin hilik-hilik wa'lasuageluk anggasikhe andi re, elok angga hagat higithogo anggasikhe.

1 PETRUS 3:22

At ebe eluk agaikhesik he, pogoroba lagasikhesik, Allah era'lu kain logolik, malaikat Allah nen yonggo pelakfisa wagarek mene omanogo inom, inogogwi kaindek mene inom, inomame hokho mene inom, ferinarek welagarego.

2 PETRUS 1:1

Nerugwi nagaila'lak. An Simon Petrus Yesus Kristus nen, at amingmingengge logouwageluk nayonggo fesikhesik laknobagai wagaikhemo wagagi. Andi re, at ebe Allah at logolik, obabut higithogo nek hilingiterek a'nogo nen, hit ninom higithogoat ninendawinggen aroba himbiret fugunem telninabi'logo mene halok, wene yi lisu palogo hinoba lakfei wagi andi.

2 PETRUS 1:11

Ninoe Enupogot Yesus Kristus telninabi'logo mene a'nogo, kain mondogat logogin oba andoma hinobagai kwikhi logolik, aren he, ”Hit hinebe eisewerego,” iluk, hai warogo fanorogo wokhinarek kwigino.

2 PETRUS 2:20

Afuni re, kweangma weak hilingitarek mene yoma herakfisaluk, heise wulibi we'luk, ninoe Enupogot Yesus Kristus telninafikhe mene ebe inelu a'lugat he, hobuk inambotkwe weak hilingitarek mene andi oba kugunem he, kimalin awiba elugengge kugunem yinggilogo fakfikherek andi hak, fakfisamo re, lebelegat asugun andi. Lebelek asimbik omanggum weak welagaukwa andi re, endebat fano hak. Mene re, hobuk weak asugun andi re, mondok hokhorogoat weak asimbik logogun o.

2 PETRUS 3:18

Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.

1 YOHANES 4:14

Niren he, ”Allah nen amlogo nineilenggen hikhi lagagu mene andi nen, nit afuni kweangma mene telninabuageluk lakfei wagaikhemo,” iluk abok fakhogo yagahisikhi lago.

YUDAS 1:25

Nineisena Allah alegaren ninoe Enupogot Yesus Kristus hilingitikhe andiba telninafikhe mene a'nogo eisewerek omame hokho aro, iluk, at fogeratik, esinet figik, ikhi logouwogen, eroba yi mene ti mene walhigi'le'ma Allah alegat welagaikhe andiba nen, yogondak ya nen, hobuk mondok logolik, a'nogo fogeratu mondok logouwok, iluk ”Amin,” igi andi.