KISAH PARA RASUL 5:3 - Allah Wene Fano Wene Hupla Inane

³ Fei wagaikhemo, at Petrus nen he, ”Ananias. Iblis nen hendawimo kagalhemo Allah Areagun lalogo kweang onggo fena minggilogo honggwarek faget fakhaluk wagen andi nenahalok.

KISAH PARA RASUL 5:3 ပူးပေါင်းရင်းမြစ်များ

AYUB 22:13

A'nogo werek oba nen haren ikhi logolik he, ”At he nena mene elu a?” At ebe anggulok ambol fikhit andoma were'ma re, Aren nit faget ayo wurogo pilingninabu lek hak,” ikhi lagen.

AMSAL 20:25

Hat hendawimo weak hegen hanogo re Tuhan faget wam warogo wogosigin iluk wene ware'luk halok he, oan warogo fei lagi'lek logolik furogo wenggel halugen hilingitu nogo.

PENGKHOTBAH 5:4

Wene wasigin oba nen higithogo hilingisigin lek andi re mondok weak, oba nen he wene wasigin lek andi nek he mondok fano.

YESAYA 29:15

Ap ekhe nen hilingisigin iluk anggikhe mene Tuhan nen hanogoluk hinakfikhe halok ap andi re alomat lakhoago! Iren anggikhi logolik aben ekhe nisili'lagwi lek athe niren hilingiti lago mene fut ninobagali'lagwi legaro iluk anggikhi logolik a'nogo hilingitarek.

YEREMIA 23:24

An he yi kwe ti kwe pogoroba inom, kweangma inom welagirek enek hilingi'mo re, ap misigen ekhe An nelokhoma nen hina'lasumo re elo'lek.

BILANGAN 30:2

Ap misik ekhe nen, An Allah faget enogo fakhambik logogin anggikhi logolik halok ogo, athe wene ane Tuhan oba hombuk palogo igin halok ogo, at a'nogo wene wasigin mene a'nogoba hele homago logogin, halok he at andi nen he wene wasigin mene aremnogo higithogo nek hilingiti logogin, nen ane ekhe taganet fikhi logogin mondok lek.

MATIUS 13:19

Awi feik ekhe ebekhalem lakfesikhe andi ebe re, it afuni ekhe Allah awe a'ma fisikherek wene andi inesanggo holharesigat he, ebe furogo futfigi'lek halok, at obabut weak mene a'nogo wagaresik he, wene inendawinggenma awi yago mene andi henegeisogo helaluk lagarek andi aro.

LUKAS 22:3

A'nogo weim abok ugu kwelek he, it Yesus agoromi inebe 12 omanogo mene, ekhe enu Yudas Iskariot a'nogo endawimo Iblis kwisikhe.

YOHANES 13:2

Logolik he, at agoromi omanogo inom o hubanggo sumburu misi'mo nunggunem, Yudas, Simon Iskariot amlogo a'nogo endawimo Iblis kwisikhesik he, Yesus ebe wasuagen he, ”Yonggo lan o,” iluk endawimo kagalhikhe,

YOHANES 13:27

A'nogo wogetikhemo, at Yudas sumburu roti mene a'nogo enggim wanhu kwelek aremnogoat munggwat Iblis obabut weak mene endawimo kwisikhe. A'nogo kwisikhemo, at Yesus nen yagati logolik he, ”Haren hilingisigeluk anggegen mene andi weak-weak hilingisin o,” iluk yagatikhe.

KISAH PARA RASUL 5:2

Wanhukwasik he, Ananias andi agwe emberegen he, ”Yi'nogo hilingisuok,” iluk isukwa mene agwe a'nogo eluat werek kwelek he, agun nen uang omanogo fena inonggwarek faget fakhaluk he, fena nek it ap Yesus nen inayonggo fuluk lakfisasikhe mene omanogo inenggiba fei wagaikhe.

KISAH PARA RASUL 5:4

Kweang andi haren it ekhe inoba onggo wanhi'lek werek kwelek, hat hanggweang meneat. Ma re, it ekhe wogisegenma onggo faga mene andi hat mene aro. Meneat he, hendawimo nen a'nogo kagalogo hilingiten andi nenahalok. Hane heranenat egen andi, nit afuni yaganisegen fuk. At Allah at yagateno,” iluk yagatikhe.

KISAH PARA RASUL 5:9

A'nogo yagatikhemo, at Petrus nen he, ”Hit hagun hemberegat, wene yi'nogo hilingisuok, iluk ikhi lagepsigen nineisena Allah Areagun obabut paluogeluk hilingitep andi nenahalok. Ap hat hagun ebe warek kweangma sali lagaikhasik, hat a'nogoat wokharek wulibuogeluk olilu kweba ineisok abolok ilik wagaikha ari o,” iluk yagatikhe.

ULANGAN 23:21

Nen hiren, hineisena Tuhan Allah eilhanem yi'nogo hilingisigin iluk wene ware'luk halok he, yi'nogo nen, athe ti'nogo nen, iluk sugulhi logou fuk. At hineisena Tuhan Allah re hiren wene waresugun mene andi onggoragi'lek eberek mondok logogin. Nen hit higithogo hilingisugun lek andi nen weak hilingisugun andi.

YAKOBUS 4:7

Andi nen he, Allah awe a'ma hinendawinggen seberogo kuluk ane hologo logolik, Iblis ane andi sagalogo herakfisikhi logoino. Herakfisamo re, aren herakhinobagaluk heise wulibigin aro.

1 PETRUS 5:8

At Iblis, hinom weak mene a'nogo nen, mene singa aik anini mene nen yi mene ti mene haumhogo nageluk ane kwe agan herarik nikherek andi hak, ”Sa hak weagetfagain,” iluk herakhinabik nikho andi, hinebe hebelogo hineilenggen fanorogo logoino o.