KISAH PARA RASUL 5:23 - Allah Wene Fano Wene Hupla Inane

²³ ”O afuni inenggi hele warek fisagarek oba a'nogo, kwe ninghogo yagarek werek kwelek, hele warek mene inebe wulibinogo iluk, ap kweba kagalek welagaikharek mene omanogo inebe were'ma lago. Lagosik, ninebe kogo menere, it ap hele warek omanogo inebe mondok le'ma isogo,” iluk yagaisasukwa.

KISAH PARA RASUL 5:23 ပူးပေါင်းရင်းမြစ်များ

MAZMUR 2:4

A'nogo ugunem he, nineisena Tuhan ebe pogoroba at obulu'mo welagarek oba logolik he, inane esanggo holheresik, ”Hiren a'nogo hilingisu hak nogo a?” iluk ina'mage leget fisigik, endo yaginafik ili'lago andi.

MAZMUR 33:10

Afuni inunggulenu lombogen, ”Yi'nogo hilingisugun,” iluk ayo palogo fagarek mene omanogo re, Tuhan nen legetfisaluk sebelogo fikherek.

AMSAL 21:30

Inelu agarek mene inom, inungguloak kagalek mene inom, inobabut hebelek mene inom, andoma re Tuhan inom eilhogo logogun halok he andoma ekhe logogin mondok lek.

RATAPAN 3:37

Tuhan endawimo andi mene asuak anggigi'lek kwelek, eberogo nen andi mene faget afuni nen yi'nogo ti'nogo iluk hilingisumo re elok nogo?

YOHANES 8:59

A'nogo yagaisikhi lagaikhemo, it ap omanogo nen he, at Yesus ebe wasuogeluk helep inenggimo wanhukwa meneat he, Yesus ebe hina'lagaikhesigen, o Allah awi wuri'mo herakfuluk ale'ma lagaikhe.

KISAH PARA RASUL 5:19

Kwelakfisasukwasik were'ma re, malaikat ninoe Tuhan yonggo pelakfisa wagarek mene omanogo ekhe hubanggo pi wagaikhesik he, o afuni inenggi hele warek fisagarek oba, kwe yagarek mene a'nogo meisak lambukhogo hilingitikhesik inebe woginarek wulibi wagaikhe.

KISAH PARA RASUL 5:22

A'nogo lakfisasukwama, it a'nogo lagaukwa re, it ap Yesus nen inayonggo fuluk lakfisasikhe mene a'nogo inenggi hele warek fisagarek oba inebe le'ma lagaukwa. Inebe legen inambotkwe wagaukwasik he, it ap omanogo mel yagaisasukwa:

KISAH PARA RASUL 5:24

Yagaisasukwama re, it ap Allah awi wurik kagalek welagaukwa mene omanogo inom, Allah ane eisewerek inogogwi kaindek omanogo inomen he, ”It ap Yesus nen inayonggo fuluk lakfisasikhe mene omanogo ninggi'nogo hilinglagaikhama nen aga,” iluk inobakheindok palagaikhesik he, ”Hobuk ninggi'nogo hilinglasigin he,” iluk inendawinggen fitukwa.