KISAH PARA RASUL 5:20 - Allah Wene Fano Wene Hupla Inane

²⁰ Woginarek wulibi wagaikhesik, aren yagaisikhi logolik he, ”Hit hinebe Allah awi wuri'mo lano o. Lambik andoma kwimbik mendek logolik he, wene fano wene hinebe hineluk logolik ket hunogoat hilingiti logogun wene andi mondogat yagaisa lano,” iluk yagaisasikhe.

KISAH PARA RASUL 5:20 ပူးပေါင်းရင်းမြစ်များ

KELUARAN 24:3

A'nogo yagatikhemo, at Musa wagaikhesik he, Tuhan nen yi'nogo ti'nogo hilingiti logogun mene yagatikhe mene inom, wene palek oba loukhogo hilingiti logogun mene inom, yagaisasikhe. Yagaisasikhemo, it afuni Israel mene inebe mondogat inane ambine lambulogoat, mel isukwa: ”Niren nineisena Tuhan nen wene yaganisikhe mene andi mondogat higithogoat hilingiti logogun o,” iluk isukwa.

YESAYA 58:1

Tuhan nen ikhi logolik, ”Hinane omamerogo kwe'ni o! An nagainafuri nen weak hilingita mene faget yagaisani o.

YEREMIA 26:2

Tuhan ane an noba ikhi logolik, ”Hat he An nawi solombonma andoma laluk he afuni Yehuda mene An nobaget hilingisuogeluk weri'lagwi mene andoma inoba hane ino. Haren igin mene iluk An nen yagahesigin mene andoma re mondogat yagaisano. Haren we endebat halok ogo ekhe pelabu fuk.

YEREMIA 36:10

A'nogo were'ma re at Barukh en buku yinggilik meneba yi wene ti wene faget palek mene omanogo abirengge pilingisogo yagaisugunem he afuni mondogaren holek welagaukwa. Wene andi pilingitikhe re o Tuhan Awi hun Gemarya ap Safan amlogo eabu negara faget sekretaris welagaikhe mene a'nogo nen yabu hilingiti lagaikheba andoma nen pilingitikhe. O yabu hilingiti lagaikheba andi senggelek ambe hokho meneba nen abel ambol fikhit, ebekhe o Tuhan Awi wuri'mo kwagarek mene kwe enu Pintu Gerbang Baru a'nogo horokhogo andem were'ma o andi nen pilingite.

YEHEZKIEL 33:7

Afuni wa'lagaikharek mene yi, hat he hunggulenu Israel mene faget kagalinarek mene faget iluk An nen menhobagagi. Enggere, ebeti logouwageluk mene yi yagaisan:

MATIUS 10:27

Nen, an nen hit o mum oba yagahisigi mene, hiren o selek oba ikhi logoino. Nen, hinesanggoma nane samik-samok yagahisigi mene andi, hiren o weinam oba lagaluk he hinane fakhogo yagaisikhi logoino o.

MATIUS 21:23

At Yesus nen wene a'nogo yagaisasikhesik he, at ebe Allah awi wuri'mo kwisikhesik logolik wene yagaisugunem he, it ap Allah eisewerek mene inogogwi kaindek inom, it ap inaluendek inom, Yesus oba wagaukwasik he, mel yagatukwa: ”Hat he, nena mene eisewerek agendik yi hilingitik, ti hilingitik, ikhi lagen. Nen, ap sa nen eisewerek logouwageluk menhobagaikhemo hilingiti lagen,” iluk yagatukwama,

YOHANES 12:50

Nen, aren wene komorogo, yi'nogo hilingi'no, ti'nogo hilingi'no iluk yaganisikherek andi nit nineluk logouwageluk yaganisikherek, iluk an nelu o. An neisena nen wene yaganeri'logo meneat yagahisikhi lagi o,” iluk yagaisasikhe.

YOHANES 17:3

It afuni nen he, Allah ami amuat eberogo fogerasu mene werek iluk, hebe inelu agik, nen an Yesus Kristus laknobagai wagenma wagi mene yi nebe inelu agik, ili'lagwi andi re, ineluk mondok welagaikharek ero andi aro.

YOHANES 17:8

Wene haren yaganetigin mene omanogo it arat yagaisigimo, arat wanhasik, an faget ikhi logolik he, Allah nen lakfei wagama, at were'ma andoma nen eberogoat waga, iluk inelu agaikhasik he, nebe futnobagaga o.

YOHANES 18:20

at Yesus nen he, mel yagatikhe: ”An nen afuni kweangma mene wene yagaisikhi logolik he, fakhogo nek yagaisigirego. O it afuni Yahudi mene mondogat andoget fuluk samban agarek oba inom, Allah awi wuri'mo inom, andoma nek yagaisigirego. Wene hinagaisogo ekhe igirek mondok lek meneat he,

YOHANES 6:63

Allah Areagun nenat afuni inelugerinaferego. Afuni kweangma mene inomameba ekhe hilingisu elo'lego. Menere, wene an nen yagahisikhi lagi andi, Allah Areagun nenat ikherek mene andi nen he, inelugerinaferek wene yagahisikhi lagi andi o.

YOHANES 6:68

A'nogo yagaisikhi lagaikhemo, at Simon Petrus a'nogo nen he, mel yagatikhe: ”Eige! Noe. Ninebe nineluk mondok logogun mene faget he, wene haren yaganisikhi lagen hilingi'mo re, hat herakhobagaluk ap saba logoin anggegen.

KISAH PARA RASUL 11:14

Aren hat hebe inom, hoe hagot inom, hagainafuri inom, Allah nen telhinabuageluk, wene yagahisagain mene werego, iluk yaganete, iluk at Kornelius nen ikhe.

KISAH PARA RASUL 13:26

Halok he, hit afuni Abraham en tagongge mene inom, endakwe mene Allah ane hologo hilingiti lagep mene yoma inom, nerugwi nagaila'lak. Wene telninabigin wene andi Allah nen nirat ninoba lakfei wagama yi.