KISAH PARA RASUL 5:14 - Allah Wene Fano Wene Hupla Inane

¹⁴ Werek kwelek he, it Allah againafuri hilinglagaukwa mene were'ma re, it ekhe ap inom, hemi inom, inendawimo nen he, ”Ninoe Tuhan Yesus eberogoat,” iluk inendawinggen at oba himbiret fuluk, it inom lambukhogo inebe mondok hokho aga lagaukwa.

KISAH PARA RASUL 5:14 ပူးပေါင်းရင်းမြစ်များ

2 SAMUEL 6:19

A'nogo hilingitikhesik, afuni andoma welagaukwa mene inebe mondogat ap lek hemi lek inebe lombok wam kurik endu enggen oba werago mene inom, sumburu roti mene abirengge ekhe inom, kue anggur enggen mene inom, misi'mo sebethigik wogisilik lagaikhe. A'nogo sumburogo wogisasikhemo inailokwe lombok helaluk lagaukwa.

EZRA 10:1

Andi iluk at Ezra a'nogo Tuhan Awiba elokhoma aremnogo nen inaweak fakhogo le aga logolik samban ugu kwelek he, it afuni Israel mene a'nogo inebe hokhorogo, ap inom, hemi inom yenggerugwi magendek mene inom, kabogesi wagaukwasik at ebe tulem haningisogo kwelakfesukwasik he inane kwi-kwerogo le agaukwa.

NEHEMIA 8:2

A'nogo yagatukwama, at Ezra nen wene Allah nen komorinafikhe wene a'nogo waluk afuni ap inom, hemi inom, yenggerugwi elok futfou hak mene inom, andogorek were'ma inoba waluk wagaikhe.

KELUARAN 35:22

Aben ogo. hemi nen ogo, inendawimo nen anggaluk inalilingge wanhuba anggwe folelhu mene peneti inom, inesanggo mangge inom, senggan inom, siong inom, inalilingge amu mene hokhorogo emas meneba hilingik mene Tuhan obaget fugu mene iluk inom, kabogetukwa.

YESAYA 45:24

Afuni inane ikhi logolik, ”Katokhogo hilingiri'lagwi mene inom, inomame werek mene inom andoma re, Tuhan amu nenat wogisikherek iluk ugun!” Afuni mondogat inabit An noba fagarek mene re hobuk An nambit waga logolik inenggali hilik-hilik wesugun o.

KISAH PARA RASUL 2:41

A'nogo komorinafikhemo re, it wene wanhukwa mene halok ima pelaginafukwa. Andi sambul inebe 3.000 hangge ima pisukwasik he, hobuk inom lambukhogo welagaukwa.

KISAH PARA RASUL 2:47

A'nogo hilingiti logolik, iren Allah fogeratu were'ma, it afuni mondogaren, ”It fano,” iluk fogerinafi lagaukwa. Fogerinafu were'ma re, at Tuhan nen he, enggi ekhe kamo igi'legat, afuni ekhe telogo Allah againafuri inom misigat lambulogo fisikhi lagaikhe.

KISAH PARA RASUL 22:4

Hilingiti logolik he, afuni Yesus ane wanhukwasik ombo'ne yi'nogo laga lagaukwa mene halok inoasigeluk muginarek laga logolik ekhe inoatigiat. It ekhe hemi inom, ap inom, inenggi hele warogo woginarek, o inenggi hele warek fisagarek oba fisikhi lagagiat.

KISAH PARA RASUL 4:4

A'nogo meneat he, it Petrus Yohanes emberek a'nogo oan kwelakfisigi'lek werek kwelek, afuni yagaisasukwama inesanggo holhukwa mene omanogo inebe hokhorogoaren, ”Wene andi eberogoat,” iluk wanhukwama re, it attak mene inom, hobuk mene inom, lambukhogo, ap enek inenggi wenaginafunem 5.000 hangge hilinglagaikhe andi.

KISAH PARA RASUL 6:7

A'nogo hilingiti lagaukwama re, Allah ane hokho aga logolik, afuni o Yerusalem mene Yesus ane wanhukwa mene inebe hokhorogoat hilinglagaukwa. A'nogo hilinglagunem, it ap Allah ane eisewerek mene omanogo inebe esa hokho nen, wene andi wanhukwasik inendawinggen Yesus oba himbiret fesukwaat.

KISAH PARA RASUL 8:12

A'nogo meneat he, at Filipus nen fano wene Allah nen awe a'ma fisikherek wene andi yagaisigik, Yesus Kristus enu andi yagaisigik, fano wene andi ikhi lagaikhemo re, afuni omanogo nen he, ”Wene andi eberogoat,” iluk wanhu mene halok, ap inom, hemi inom, ima pelaginafi lagaikhe.

KISAH PARA RASUL 8:3

Allah againafuri a'nogo wulakfisikhi logolik, at Saulus a'nogo Allah againafuri mene weagerinabigeluk he, inawilokwe lombok ya kwigik ta kwigik nikhi logolik, ap inom, hemi inom, inenggi lisogo woginarek he, o afuni inenggi hele warogo fisagarek oba fisa laga lagaikhe.

KISAH PARA RASUL 9:2

”Noe. An o Damsyik lambik he, it afuni ekhe Yesus ane wanhi logolik ombo'ne nikho mene ekhe werek halok, hemi inom, ap inom, heraginabimbik he, inenggi hele warogo woginarek o Yerusalem yoma fisa wesigen he, it afuni Yahudi mene o kota Damsyik andoma o samban agarek kwe lombok andogori'lagwi mene faget surat ekhe palogo wo'nom o,” iluk yagatikhe.

KISAH PARA RASUL 9:31

A'nogo hilingitukwama hobugen he, it afuni Allah againafuri o propinsi Yudea mene inom, Galilea mene inom, Samaria mene inom, weagerinafi'lek fano liokhogo welagaukwa. Were'ma, Allah Areagun en leberisugunem inendawinggen wurik agik, Tuhan Allah oba inailorogo welagik, ikhi logolik he, inebe hokhorogo sik-pik ikhi lagaukwa.

KISAH PARA RASUL 9:35

Menlagaikhemo re, it afuni o Lida inom, Saron inom, welagaukwa mene mondogaren ineilenggen hasukwasik he, ”Eberogoat,” iluk inobabut hebel lagaukwasik inendawinggen Tuhan Allah oba himbiret fesukwa.

KISAH PARA RASUL 9:42

Wogisasikhemo re, wene hilinglagaikhe mene andi, it afuni o Yope andoma mene inebe mondogat inelu agaukwasik he, inebe hokhorogoat inendawinggen ninoe Enupogot Yesus telninaferek mene oba himbiret fesukwa.

2 KORINTUS 6:15

At Kristus Iblis emberek, inendawinggen misigat logogun nogo? Nen, afuni inendawinggen Allah oba himbiret fili'lagwi mene andi re, it ekhe inendawinggen Allah oba himbiret fili'lagwi lek mene inom hundik logogun nogo? Mondok elo'legaro.

GALATIA 3:28

Wanhigipsik, hobugen he, hit mondogat he, Kristus Yesus hinom hundik logolik hinebe misigat mene welagep andi nen he, hit fena Yahudi mene, fena Yunani mene igik, fena inamingmingengge mene, fena inale'ma mene igik, fena hemi, fena ap igik, ikhi logogun lek.