KISAH PARA RASUL 4:7 - Allah Wene Fano Wene Hupla Inane

⁷ Andogotukwasik he, Petrus Yohanes emberek a'nogo inoba woginarek wagaukwasik inebe tulem menfisasukwasik he, inanema wanhukwa. Inanema wanhi logolik he, ”Hiren ap eisok wut warek mene higitep andi re, nena mene omameba higitep. Nen sa enu hombuk palogo higitep,” iluk ikhi lagaukwama re,

KISAH PARA RASUL 4:7 ပူးပေါင်းရင်းမြစ်များ

KELUARAN 2:14

A'nogo yagatikhemo, at ap a'nogo nen he: ”Hat nit ninoe fetninarek logolik, wene ninoba figik kotik, ikhi logouwageluk sa nen menhobagaikhemo. Ap Mesir mene waten a'nogo hak an noasigiluk ikhi lagen a?” iluk yagatikhe. A'nogo yagatikhemo, at Musa ailo mondok agaikhesik endawimo nen he: ”Egi, nailo e. An hilingiti a'nogo afuni inelu agama higi,” iluk endawimo ebetikhe.

MATIUS 21:23

At Yesus nen wene a'nogo yagaisasikhesik he, at ebe Allah awi wuri'mo kwisikhesik logolik wene yagaisugunem he, it ap Allah eisewerek mene inogogwi kaindek inom, it ap inaluendek inom, Yesus oba wagaukwasik he, mel yagatukwa: ”Hat he, nena mene eisewerek agendik yi hilingitik, ti hilingitik, ikhi lagen. Nen, ap sa nen eisewerek logouwageluk menhobagaikhemo hilingiti lagen,” iluk yagatukwama,

MARKUS 11:28

Wagaukwasik he, mel yagatukwa: ”Hat nena mene eisewerek agendik, yi hilingitik, ti hilingitik, ikhi lagen. Nen, ap sa nen, Yi'nogo hilingiti logoino, iluk eisewerek logouwageluk menhobagaikhemo hilingiti lagen,” iluk yagatukwama,

YOHANES 2:18

Yesus nen it ap omanogo a'nogo yagaisasikhemo, it ap kaindek Yahudi mene nen Yesus ebe wenageti logoligat he, mel yagatukwa: ”Haren hilingiten yi re, eisewerek logolik hilingisu hagat hilingitenma, iluk futhobagauwogen he, elalin mene ekhe hilingisin ta,” iluk wenagetukwa.

YOHANES 8:3

Wene yagaisugu were'ma, it ap Allah ane inelu mene inom, Farisi mene inomen, he ekhe pailak hilingitunem ineilenggen hasukwasik, Yesus oba waluk wagaukwasik, he a'nogo ebe tulem menfesukwasik he, Yesus yagati logolik, mel yagatukwa:

YOHANES 8:9

A'nogo palhu kwelek it omanogo wene yagaisasikhe mene a'nogo inesanggo holhukwasik he, it inaluendek tak wulifukwama, hobuk inebe mondogat misik lit pire lit pugulhukwama, at Yesus he a'nogo inom inalegat logolik he,

KISAH PARA RASUL 4:10

Halok he, wene andi faget, hit mondogat inom, afuni inunggulenu Israel mene ekhe mondogat inom, hinelu asuageluk wene ero furogo yagahisak. At Yesus Kristus aiba Nasaret mene hiren eba menfuluk watepma Allah nen eluget fikhe mene a'nogo enuba ap yi fano agasik hineilhanem mendek fano werek yi.

KISAH PARA RASUL 4:8

at Petrus Allah Areagun endawimo peterogo welagaikhe mene a'nogo nen wene mel yagaisasikhe: ”Nogogwi kaindek lak inom, neisugwi lak inom, hinalabok.

KISAH PARA RASUL 5:40

Inendawinggen sebelhikhemo, it ap Yesus nen inayonggo fuluk lakfisasikhe mene omanogo wolisasukwama kwisukwama re, yei inoatukwasigen, ”Yesus andi enu hombuk palogo, wene hobuk a'nogo yagaisikhi logogubo,” iluk komorogo wulakfisasukwa.