KISAH PARA RASUL 4:19 - Allah Wene Fano Wene Hupla Inane

^19-20 A'nogo yagaisasukwama re, it Petrus Yohanes emberegen he, ”Allah eilhanem higithogo hilingisugun he, ki. Hiren, yi'nogo hilingisugun iluk egep mene andi hologo hilingisugun a? Athe, Allah nen, yi'nogo hilingisigin, ikherek mene andi hologo hilingisugun a. Hinendawimo ebe'ni. Nit he, nineilenggen higik, ninesanggo holhik, ogo mene andi, afuni ekhe yagaisigi'lek kamo ugun he, elo'lek andi nen he, yagaisikhi logogun aro,” iluk yagaisasukwa.

KISAH PARA RASUL 4:19 ပူးပေါင်းရင်းမြစ်များ

1RAJA-RAJA 12:30

A'nogo fesikhemo, it afuni nen tugwi kembu andi faget hilingisuogoluk, o Betel inom, Dan inom, laga lagaukwa. Nen andi hilingitukwa andi re, mondok weak meneat hilingitukwa.

1RAJA-RAJA 13:19

Andi isikhemo re, nabi Yehuda mene a'nogo hun nabi yaman mene a'nogo inom lagaukwasik sumburu inom nasukwa.

1RAJA-RAJA 14:16

At Yerobeam weak hilingiteba afuni Israel mene inom weak hilingita iluk hilingfisikhemo re, Tuhan en afuni Israel mene herakfisagain o, ikhe,” iluk yagatikhe.

1RAJA-RAJA 21:11

A'nogo lakfesikhemo, it afuni o Yizreel mene inogogwi inom, ap inaluendek inom, inomen he, at he Izebel en surat palogo wene yagaisasikhe hagat hilingitukwa.

1RAJA-RAJA 22:14

A'nogo yagatikhe meneat he, at Mikha nen he, ”Neisena Tuhan eluk mondok welagarek mene oak. An nendawimo nen kagalogo ekhe yagasigin lek, we, neisena Tuhan nen yaganesigin meneat yagasigin o,” iluk isikhesik, inom wagaukwa.

2 RAJA-RAJA 16:15

Andi a'nogo hilingfuluk aren hun Uria oba ikhi logolik, ”Haren an nangge mezbah ket hokho mene ariba raja nen inom afuni holhu mene nen inom wam warogo hubet nolhu mene faget inom, hu'mokwe nolhu mene faget inom warogo nolfuluk mezbah ebene andoma it afuni holhu mene nen anggur amusu fei wesugum mene andoma amboloba kweisalisano o. Nen, ekhe wam amep andoma mondogat he mezbah andi bene nek kweisalisano aro. Oba nen he, mezbah perunggu attak mene andiba nek an nen heinogenggeba heinok wanhu mene faget logouwago,” iluk yagatikhe.

2 RAJA-RAJA 16:16

A'nogo isikhemo re at Uria nen he raja nen isikhe mene a'nogo mondogat higithogo hilingitikhe.

MAZMUR 58:1

Afuni nen wuni wulak fuluk inebe seberogo ugunem yagaisugu mene faget, wuni unggulenu Leget fisa fuk, iluk agarek mene andi bene felalek mene. Daud Awuni.

KELUARAN 1:17

A'nogo yagaisasikhe meneat he, it hemi inebe pire aremnogo nen Allah inailo logolik, at kain nen yagaisasikhe mene a'nogo hologo hilingiti'lek herakfuluk, inomalik takhugunem abet helimeet inoati'lek inanum palogo fisikhi lagaukwa.

YEREMIA 26:12

A'nogo ugunem an nen yagaisikhi logolik, ”An he Tuhan nen mimingnafi logolik o Tuhan awi inom kota yi inom asigin mene faget yagaisa lan o, iluk la'nobagai wagama an nen yagahisugunem holhep anggigi.

DANIEL 3:18

A'nogo meneat he, aren telninafi'lek halok, niren he, haren, Neisena ebe yi aro, iluk oba himbirik logolik fogerati lagen mene andi fogeratik, tugwi kembu emas mene wuten ari nineindep awi yagaisogo fogeratik, ugun legat. Andi nen he harogo helurogo logoino o, ninoe,” iluk yagatukwa.

DANIEL 6:10

A'nogo yagatukwama, at raja Darius nen wene melalek a'nogo, lisu palogo enggi amusu fesikhesik he wulafikhe.

HOSEA 5:11

Hit afuni Israel mene nen it ekhe telhinabu lek meneat he telhinabuageluk ninghogo inayonggo fikhi lagep andi nen he, it ekhe nen wene hinoba fagasik weagethinafi logolik hinawi mondogat sebelaga andi.

AMOS 7:16

Arigini'mo re, Tuhan nen hat yi'nogo hilingi'nogen iluk yagaheri'logo mene andi hesanggo fanorogo holin o. Andi re haren an wene yagaisikhi logolik it Israel mene nen hilingiri'lagwi mene andi faget wenagisugu kwelek kwe palnafi lagen enggere.

MIKHA 6:16

Andoma mondogat a'nogo nek hikhi logogun andi re, hiren hun raja Omri inom, at amlogo raja Ahab inomen inobabut mondok weak hilingiti lagaukwa mene omanogo ilirenggerogo nek hilingiti lagep. Nen, ekhe re iren hilingiri'lagwi mene omanogo hiren ogo hilingiti lagebat. Andiba re, An nen hit hinebe mondogat weagerogo hinobagaumo re, yi afuni ti afuni inunggulenu lombogen piliphogo pelakhinafi logolik hinebe weaget hinobagakhi logogun o,” iluk yagaisasikhe.

MATIUS 22:21

iren he, ”Ari Kaisar aro,” iluk yagatukwama, at Yesus nen he, ”Kaisar mene halok he, Kaisar at wogetik, Allah mene halok he, Allah at wogetik, ikhi logoino o,” iluk, yagaisasikhemo re,

LUKAS 22:8

Nogoin higit agaikhemo re, at Yesus nen Petrus Yohanes emberek lakfisikhi logolik he, mel yagaisasikhe: ”Nit seni Paskah faget wam domba ninom nouwogen he, lambik weragaisogo tegelogo fembik logoino o,” iluk a'nogo yagaisasikhemo,

YOHANES 7:24

Wene ebe furogo hinonggot meneat he, we wene weinam mene nek hinelu logolik, afuni ekhe wene inoba fogoin lego. Wene furogo hinelu a'lugen, weak hilingitarek hgithogoat wene inoba fikhi logoino o,” iluk yagaisasikhe.

KISAH PARA RASUL 4:13

It Petrus Yohanes emberek inailo lek logolik, wene fakhogo a'nogo yagaisugunem he, it ap omanogo nen fogerinafi logolik he, ”Ap yi sekolah yanggulhi'lek. We, inonggot meneat he, Yesus inom nikhi lagaikha mene a'nogo nen higi,” iluk futfisasukwa.

KISAH PARA RASUL 5:28

”Hiren ap andi enu hombuk palogo nen wene yagaisagubo, iluk niren fanorogo komothinafo a'nogo meneat he, hiren wene andi wialogo yagaisikhi lagepma re, afuni o Yerusalem mene yoma mondogat inelu aga andi re, ap wata mene andi re, wene nit ninoba fouwogeluk ikhi lagep higi,” iluk yagaisasukwa.

KISAH PARA RASUL 5:29

A'nogo yagaisikhi lagaukwama re, it Petrus lak, Yesus nen inayonggo fuluk lakfisasikhe mene omanogo nen he, ”Nit he, afuni mene inane hologo hilingiti'lek, Allah ane andiat hologo hilingisugun o.

1 KORINTUS 10:15

Wene igi andi re, hit hinendawinggen werek mene iluk yagahisikhi lagi. Halok he, an wene igin yi re, hinonggwarek hinendawimo nen futfeino.

2 KORINTUS 4:2

Nit he, afuni nen yi mene ti mene hinagaisogo weak hilingitaresik inenggali agarek andi mene herakfisasugu. A'nogo herakfisaluk, afuni lalinafik, Allah ane wene ekhe mene oba mangorogo yagaisigik, ogorek lek. Afuni yoma inendawimo lombogen futninobagauwageluk he, wene ebe wene Allah eilhanem fakhogoat yagaisilik nikhi lago.

EFESUS 6:1

Hit yenggerugwi hinobabut he, ninoe Yesus Kristus hinom hundik logolik, hineisugwi hinagaisawi, inane hologo hilingiti logogun andi nen he, a'nogoat hilingiti logoino o.

1 TIMOTIUS 2:3

At Allah telninaferek mene a'nogo endawimo anggikhi logolik he, ”Yi afuni ti afuni mondogat telinafik, ebe wene furogo inelu asuageluk yagaisigik, agarek mene,” At endawimo amolo anggikherek andi nen he, hit a'nogo ikhi logogun halok he, fano.

IBRANI 11:23

At Musa ogo re, eisena agaisa inendawinggen Allah oba himbiret fuluk welagaukwa andiba, Musa ebe tatukwasik kumuthasukwa re, omalik ebe fano mondogen, at ap kain andoma mene nen wene wulafikhe mene inailo legat omalik tago andi hinakfesukwasik werek kwelek he, tugi henagan folelhikhe.

YAKOBUS 2:4

hit hinobabut mondok weak hilingiti logolik he, hit-hit, ”At andi lego. Nen at andi sebelek,” iluk minggilogo fisikhi lagep andi.