KISAH PARA RASUL 3:22 - Allah Wene Fano Wene Hupla Inane

²² At Musa nen he, mel yagaisasikhe: Nineisena Tuhan Allah ane yagahisikhi logouwageluk, ap hit mene ekhe an mennobagasikhe andi hak, hobuk menfagain a'naga. Menfoumo re, aren yi wene ti wene yagahisagain mene andiat hinesanggo mondok fanorogo holhi logoino o.

KISAH PARA RASUL 3:22 ပူးပေါင်းရင်းမြစ်များ

MATIUS 21:11

it afuni hokhorogo omanogo nen he, ”Yi Yesus Allah ane yagaisikherek mene, awi o Galilea tonggwe kota Nasaret mene a'nogo waga yi o,” iluk, yagaisasukwa.

LUKAS 13:33

A'nogo hilingisigin meneat he, ap Allah ane yagaisagarek mene andi, o wele'ma inoasigin lego. Yerusalem andomaat inoasigin andi nen he, an yogondak inom, hobit inom, age inom, andoma laga logogin higit higi o.”

LUKAS 24:19

at Yesus nen he: ”Wene andi ninggi'nogo hilinglaga mene egen,” iluk yagatikhemo, it aremnogo nen he, mel yagatukwa: ”Ap enu Yesus, awi o Nasaret mene andi, ebe Allah ane yagaisikherek meneat logolik he, Allah eilhanem, nit afuni mondogat nineilhanem, wene yagaisigik, yi mene ti mene hilingitik, omamerogo ikhi laga meneat he,

YOHANES 1:17

Wene Allah nen komotninafikhe wene a'nogo Musa bene nen yaganisasikhe meneat he, Allah obabut fano nen fanotninafik, eberogo wene yaganisigik uageluk, at amlogo Yesus Kristus lakfei wagaikhemo yaganisasikhe andi.

YOHANES 12:46

Nen, it afuni inendawinggen an noba himbiret fogoin mene halok mondogat he, o mum oba logoinogo iluk, selegerinabigeluk an nebe selegerinafirek mene kweangma yoma pi wagagi o.

YOHANES 5:24

”It afuni ekhe nen an nane inesanggo holfuluk, inendawinggen an lak nobagai wagaikhe mene a'nogo noba eberogoat himbiret fogoin halok, afuni wa'la'luk lagaikharek ero herakfisaluk, ineluk mondok logogun mene eroba arat wagaikhesik werego. Ineluk mondok logogun mene eise agaikhasik werek andi nen he, hobuk wene inoba fagain lego, iluk eberogoat yagahisigi.

YOHANES 8:12

Hobuk he, at Yesus nen it afuni omanogo wene ekhe mel yagaisasikhe: ”Afuni selegerinafirek andi re, an aro. Ap sa nen an nombo'ne nikhi logogin halok he, an nebe selek mene logolik inelugerinafirek mene a'nogoat wo'nabigin andi nen he, at andi o mum oba nikhi logogin lego,” iluk ikhi lagaikhemo,

KISAH PARA RASUL 7:37

Nen, afuni Israel mene yagaisikhi logolik he: Allah nen ap at ane yagahisikhi logouwageluk, ap hit mene ekhe an mennobagasikhe andi hak, hobuk menfagain a'naga o, iluk yagaisasikhe andi, at Musa nen aro.

ROMA 8:3

Attak he, Allah nen komotninafikhe wene a'nogo, nit afuni ninobabut lebelek andi nen he, fano hilingninabu elo'lek agaikhe. Elo'lek agaikhemo re, nit afuni ninobabut weak hilingitu were'ma, Allah onggwarek amlogo nit hangge hilingla'luk, nit weak hilingitorek mene andi wene oba fesikhesik sebelfisoageluk lakfei wagaikhemo sebelfisasikhe andi.

ROMA 9:5

Nit ninombalak he, iren tagongge mene. At Kristus ebe nit afuni ta'lagorek hak ta'lagaikhe andi, it mene nen tatukwa mene re, ebe Allah mene aro. Yi mene ti mene mondogat he, a'ma hak meneat he, at enek he, abel ponggwe lego mene andi nen he, at enek fogerati logogun andi, ebe asuak, iluk u hak, ”Amin,” ikhi logouwok.

GALATIA 4:4

Were'ma re, at Allah nen amlogo ayonggo fesikhesik kweangma lakfei wesigin arat higit asi wagaikhemo re, lakfei wagaikhemo, he kweangma mene nenat tatikhe. A'nogo tatikhemo, wene Allah nen komotnininafikhe wene a'nogo awe a'ma logolik esanggo hologo hilingiti lagaikhe.

IBRANI 2:1

Andi nenat, afuni i soba lagunem i nen woginarek lagarek andi hak, nit ebe wene andi herakfisamo ekhema wo'ninarek lanogo iluk, wene ninesanggo holhugu mene andi ninghogo fisogo logouwogo.

IBRANI 5:9

A'nogo yanggulhi logolik, wurep kobokhogo hilingitikhemo nit at ane hologo logogun mene halok ninebe mondogat nineluk mondok-mondok logouwageluk at ebe telninaferek mene ero hilingisogo fesikhe andi.

WAHYU 1:1

Wene ebe re, yi'nogo. Yi wene ti wene hinago welagaikhe mene hobuk weak-weak hilinglasigin mene andi, Allah amingmingengge mene furogo yagaisoageluk Allah nen at Yesus Kristus weinamhogo yagatikhemo, at Kristus nen malaikat lakfei wagaikhemo, wene andi an at Allah amingmingengge Yohanes noba yaganete.