KISAH PARA RASUL 3:2 - Allah Wene Fano Wene Hupla Inane

² Lagasukwa hak he, ap ekhe agaisa alabutmo nen eisok wut warek mondok ta'lagaikhesik welagaikhe mene, kwe ambe pale'ma enu Eil Amulit Fano iluk ikhi lagaukwaba andoma fei wagaukwama were'ma hasukwa. Afuni nen ap andi inenggi ekhe kamo igi'lek hundik-handigat afuni ekhe Allah awi wuri'mo kugunem he, yi mene ti mene ambe kino weak yagaisikhi logouwageluk, kwe ambe pale'ma andoma yerogo fei waga lagaukwa.

KISAH PARA RASUL 3:2 ပူးပေါင်းရင်းမြစ်များ

LUKAS 16:20

Meneat he, ap ekhe enggi lek mene enu Lazarus, ebene oumo mondok hokhorogo welagaikhe mene, ap kain enggi werek mene a'nogo awi kweba andoma fei waga lagaukwa.

LUKAS 18:35

At Yesus o Yerikho kwi lageluk horokhogo asi lagaikhe hak he, ap ekhe eilenggen mum logolik ambe kino weak ikhi lagaikhe mene ebekhalem aremnogo hurek were'ma re,

YOHANES 9:8

A'nogo fano agaikhesik wagunem, it afuni at agaila'lak mene inom, it ekhe ap a'nogo attak ambe kino weak ugunem ineilenggen hasukwasik he, mel isukwa: ”Eige! nailo e. Ap yi re, ebe hurek enek logolik, ambe kino weak ikherek mene a'nogo lek nogo? Ap a'nogo aro,” iluk isukwama,

KISAH PARA RASUL 10:31

Menlasi pi wagasik he, Kornelius. Hat samban ikhi lagen andi, Allah arat esanggo holhemo. Nen, afuni inenggi lek inelagaik mene leberisikhi lagen andi, Allah nen hoba eberek weregaro.

KISAH PARA RASUL 10:4

Yagatikhemo, at Kornelius eilenggen at oba lurogo fikhi logolik, ailo agaikhesik he, ”I, noe. Nenahalok,” iluk isikhemo, aren he, ”Hat samban igik, afuni inenggi lek inelagaik mene leberisigik, ikhi lagen andi re, Allah elu agasik hoba eberek werego.

KISAH PARA RASUL 14:8

O Listra andoma ap ekhe agaisa alabutmo nen ta'laga logolik eisok wut warek ta'lagaikhesik eisok endawi legen kwe lagi'lek hurek mondogat welagaikhe.

KISAH PARA RASUL 3:10

Ineilenggen hasukwasik he, at ebe enegat futfesukwasik, ”Allah awi wuri'mo kwe ambe pale'ma enu Eil Amulit Fano agarek oba olilu kweba andem hurek logolik he, yi mene ti mene wogeti logouwageluk kino ikherek mene a'nogo ebe yi. Egi! Ninggi'nogo nen fano aga. Ninailo e,” iluk fogeratukwa.

KISAH PARA RASUL 4:22

Ap eisok wut warek mene elalinat higitukwa andi re, ebe 40 tahun welagaikhesi'mo nen, fano hgitukwa andi.