KISAH PARA RASUL 3:17 - Allah Wene Fano Wene Hupla Inane

¹⁷ Mene re, nerugwi nagaila'lak. Hit hinogogwi kaindek hinom Yesus faget hilingitep andi, hinonggot logolik hilingitep andi, an nelu o.

KISAH PARA RASUL 3:17 ပူးပေါင်းရင်းမြစ်များ

KEJADIAN 21:26

A'nogo isikhemo at Abimelekh en Abraham yagati logolik he, ”Hilinglaga mene andi faget he, haren endep yaganeten le'ma re we an he, yogondak yiba nen nesanggo holhimo re, ebe sa nen hilingite iluk ogo re an nonggorat,” iluk yagatikhe.

KEJADIAN 39:8

A'nogo yagatikhe meneat he, at Yusuf a'nogo hilingisu abiren he, mel yagatikhe: ”Nagaisa e. Noe Potifar en angge yi mene ti mene aiba welagarek mene mondogat an halhi logouwageluk nenggiba fikhemo re, at endawinggen menenei ebeti'lek katokhogo werek andi nen he, haren a'nogo yaganetun o, nagaisa.

KEJADIAN 44:15

A'ma sebe isukwama at Yusuf en ikhi logolik, ”Hit he ninggi'nogo nen hilingitepma? Ap an hak mene re hiren hinagaisogo hilingitep oba nen, nelu asuageluk heinogengge nen hilingitirek a'nogo hinonggot nogo a?” iluk yagaisasikhe.

KELUARAN 32:1

Afuni Israel mene Musa ebe pi wagi'lek tom oba andoma aninurogoat weregen he, Harun oba andogosi wagaukwasik, mel yagatukwa: ”At Musa o Mesir en wo'ninarek wulibi wagasik waga mene a'nogo oba ninggi'nogo hilinglagama he, nit ninonggoro. Ma re, nit wo'ninarek loagen Allah higit tugwi kembu ekhe wu'nisan o,” iluk yagatukwa.

BILANGAN 22:6

It andi nit ninomame hangge lek. We, it inomame mondok hokho mene o. Haren afuni fanorinafunem he, fano agaikharek. Nen, homan fisugunem he, weak agaikharek andi nen, hat hebe wesimbik he, an faget it homan fisanogeluk hayonggo figi o. Homan a'nogo fisegen halok, niren it elok mabenet fisambik, o yoma nen mugusogo wulakfisogoin anggikhi lagi o. Ma re, weak-weak we'nogen iluk hayonggo figi o, iluk yaga'no,” iluk lakfisasikhe.

LUKAS 23:13

Nen, at Yesus waluk lagaukwama re, at Pilatus nen, it ap Allah eisewerek mene inogogwi kaindek inom, it ap Yahudi mene kaindek inenu werek mene ekhe inom, inagoromi mondogat inom, ”Andogosi we'ni o,” isikhemo wagaukwama re,

LUKAS 23:34

A'nogo menfisasukwama logolik, at Yesus nen mel yagatikhe: ”Neisena e! It yi inonggot logolik hilingnabi'lagwi yi re, wene inoba figi'lek sebelogo herakfisano o,” iluk yagatikhe. Nen, it ap tentara mene omanogo nen he, a'nogo menfisaluk, ”At Yesus asu andi sa hak asigin,” iluk he, oagengge lakfigik, wakfigik, isukwasik, oagengge inoba agaikhe mene halok sumburogo helasukwa.

YOHANES 15:21

A'nogo meneat he, iren, at an laknobagai wagaikhe mene a'nogo ebe inonggot andi nen he, it yi at agoromi, iluk, wene yagahisigi andi mondogat hilinghinabugun o.

YOHANES 16:3

Iren a'nogo hilinghinabugun andi re, an neisena nemberek ninebe inonggot andi nenat hilinghinabugun o.

YOHANES 7:52

iren at mel yagatukwa: ”Hat ogo re, hawiba o Galilea mene nogo? Ap Allah ane yagaisagarek mene ekhe o Galilea nen wesigin iluk Allah aneba lisu palek were'ma heilenggen hagain mondok lek a'naga re, heilenggen fanorogo hikhi logoino o,”

KISAH PARA RASUL 13:27

Wene lakfei waga mene andi, it afuni o Yerusalem mene inogogwi kaindek inom enat he, Yesus ebe futfesukwa lek. Futfigi'lek logolik, attagaren it ap Allah ane yagaisikhi lagaukwa mene omanogo nen wene lisu palogo fesukwa mene were'ma, samban hundik-handik ikhi logolik enu salhunem inesanggo holharek meneat he, wene ebe futfikhi lagaukwa lek. A'nogo futfigi'lek logolik, Yesus wene oba fuluk ebe watukwa andiba, wene attagat isukwa mene andi oba tibisikhe andi.

KISAH PARA RASUL 22:5

A'nogo hilingiti lagagi andi nen, ap Allah eisewerek mene inoe kain ebe inom, inaluendek inom, inebe mondogaren surat palogo ninagaila'lak Yahudi mene o Damsyik werek mene inoba waluk loageluk wo'netukwa. Wo'netukwama, it afuni Yesus ane wanhukwasik ombo'ne laga lagaukwa mene o andoma were'ma inenggi hele warogo woginarek, o Yerusalem yoma fisa wagunem, wene inoba figik, inebe inoatik, uageluk laknobagasukwama andi nen he, it inelu. Halok, irenat, eberogoat ikhe, iluk yagahisogoin werego,” iluk yagaisasikhe.

KISAH PARA RASUL 26:9

”An attak he, Yesus aiba Nasaret mene enu andi lek asuageluk yi mene hilingitik ti mene hilingitik, hilingiti logogin aro, iluk nendawimo anggasigi.

KISAH PARA RASUL 28:21

A'nogo yagaisasikhemo, iren he, ”Afuni o Yudea andoma nen lisu hat faget ninoba lakfei wagi'lek. Nen, nit ninagaila'lak ekhe o andoma nen wagaikhasik, wene hat faget yaganisigik, habok weak igik, i wagi'legaro.

KISAH PARA RASUL 7:40

Inendawinggen a'nogo lakfesukwasik logolik, at Harun mel yagatukwa: At Musa o Mesir nen wo'ninarek wulibi waga a'nogo, ninggi'nogo hilinglagama he. Nit ninonggot, andi nen, nit ninambotkwe wo'ninarek o Mesir loagen he, ”Allah ebe hangge obali'mo su kembu ekhe wu'nisano, iluk yagatukwa.

ROMA 11:2

Allah nen againafuri attagaren wenaginafikhe mene andi herakfisasikhe lego. Wene at Elia nen hilingitikhe wene lisu palek werek a'nogo hinonggot nogo? Aren he, Allah nen it wene inoba fikhi logouwageluk, mel ikhi lagaikhe:

1 KORINTUS 2:8

Afuni kweangma mene inogogwi kaindek o yogondak werek yoma, wene andi inelu agi'lek inonggorat werek. Inelu logoilepma re, ninoe Enupogot fogeratorek mene a'nogo, ebe eba menfuluk wa'lep legaro.

2 KORINTUS 3:14

Mene re, it andi inendawinggen nonget fesikhemo welagaukwa. Yogondak ogo re, Allah nen, ”Yi'nogo hilinghinabigin,” iluk wene inom watukwa mene lisu palek mene andi, iren enu salhunem he, inendawinggen wenggelagi'lek nong agaikhesik inendawimo kwe palek werek. A'nogo kwe palek mene andi, at Kristus inom hunetunem enek he, inendawinggen kwe palek mene andi elok hu'lagarek andi.

EFESUS 4:18

inendawimo mumat werek. Inendawinggen helep hangge abirengge nen he, fano wene inonggorat logolik, Allah nen afuni inelugerinaferek mene a'nogo inom hundik lek it ekhe mene welagaikharek andi.

FILIPI 1:22

Nebe kweangma yoma neluk logolik Allah eabu hobuk hokhorogo hilingisigin welagi andi nen, neluk logogin hea? Wa'lasigin hea? Ki mene wenasik he, nonggoraro.