KISAH PARA RASUL 3:14 - Allah Wene Fano Wene Hupla Inane

¹⁴ Athe, Allah nen lakfei wagaikhemo obabut higithogo hilingiti laga meneat he, hiren Pilatus yagati logolik, Ap andi ebe ninabiro. Ap ekhe afuni inoare meneat he, andiat enggi hele fikhalogo wo'nisan o, iluk kino yagatep anggigi.

KISAH PARA RASUL 3:14 ပူးပေါင်းရင်းမြစ်များ

ZAKHARIA 9:9

Hit afuni Sion mene yi sani, hinagaiyege'ni o! Hit afuni Yerusalem mene re hinanggiluge'ni! Hit hinoe raja re mondok along- palonghogo weri'lago a'li yethani! At ebe re raja mondok higithogo nek hilingiti logolik inagap telinaferek mene. Oba nen he, at endawinggen sebel fakhikhesik keledai eak oan mene amboroba hurek weri'lago a'li.

MATIUS 27:20

it ap Allah eisewerek mene inogogwi kaindek omanogo inom, inaluendek omanogo inom, inomenat, afuni hokhorogo omanogo inendawimo kagalhi logolik, ”Barabas andi enggi hele fikhalnisikhi logolik he, Yesus andi nek he, wa'no o, iluk yagasubagaik,” iluk yagaisasukwama re,

MARKUS 1:24

”Yesus aiba Nasaret mene yi! Haren ninggi'nogo hilingninabigeluk wagen. Nit weagetninabigeluk wagen a? Hat hebe re, Allah onggwarek faget menhobagaikhesik lakhobagai wagama wagen andi, an nen futhobagagi o,” iluk ane hokhorogoat yagatikhe.

MARKUS 15:11

A'nogo yagaisasikhe meneat he, it ap Allah eisewerek mene inogogwi kaindek omanogo nen he, afuni hokhorogo omanogo inendawimo kagalhi logolik, ”Barabas andiat enggi hele fikhalogo wo'nisanok. Yesus andi lego, iluk yagasubagaik,” iluk inendawimo kagalhukwa.

MARKUS 15:7

A'nogo wogisikhi lagaikhemo andi nen he, andi sambul ap ekhe enu Barabas, ap ekhe inomen, ”Ninogogwi kaindek pemerintah mene, ninabit,” iluk folim hibirogo inoasuogeluk, inom yafi logolik, ap ekhe inoatukwama re, inenggi hele warogo fisasukwama,

LUKAS 1:35

at malaikat a'nogo nen he, ”Allah Areagun hoba louk i wesimbik he, kunmo kwagarek hak, nineisena Tuhan Allah omame hokho andi awe a'ma hobagagin. Hobagaumo re, heak Allah alegat amlogo tasumo re, afuni nen, At andi Allah amlogo, iluk ikhi logogun o.

LUKAS 23:25

at Barabas nen folim hibirogo weim yafi logolik afuni inoati lagaikhemo enggi hele warogo fesukwa mene a'nogo, ”Hele fikhalogo wo'nisan,” isukwa a'nogo wogisigik, nen, at Yesus a'nogo nek he, it inendawimo anggasukwa mene higithogo hilingisuageluk agoromi inenggiba figik, isikhe.

YOHANES 16:10

Nen, ekhe re, an neisena were'ma lagunem, hit hineilenggen neogoin mondok lek andi nen, at lebethisikhi logogin mene andi wesimbik he, wene higithogo hilingiti logogun mene faget fakhogo yagahisa wesigin aro.

YOHANES 18:40

iren inane hokhorogo pak silak ikhi logolik he, mel yagatukwa: ”Lego. At andi hele fikhalugun lego! We, at Barabas andiat hele fikhalnisan o” iluk isukwa. At Barabas andi re, obabut weak enggi abisak wanhi lagaikhe mene fagerat isukwa.

KISAH PARA RASUL 13:28

Iren he, wene ki mene oba fembik wasuok, iluk ero heratukwa meneat he, wene oba lek agaikhe andi nen he, at Pilatus nen ebe wasuageluk wogetukwa andi.

KISAH PARA RASUL 2:27

A'nogo logogin andi re, an nebe afuni wa'la'luk lagaikharek oba andoma mondok logouwageluk, haren heraknobagagik, An hat hamlogo hendawinggen hundik mene nebe yi fili asuageluk halolot nobagagik igin lek andi nen aro.

KISAH PARA RASUL 22:14

Hugunem, aren he, At Allah ninombalagen fogerati lagaukwa mene a'nogo nen he, at endawimo anggikherek mene helu agik, at amlogo obabut higit mene Yesus andi heilenggen higik, at ane ambeba nen ugunem hesanggo holhik, inogeluk, hebe wenakhafesik hayonggo fikhe andi.

KISAH PARA RASUL 4:27

A'nogo isigin hagat, at Herodes inom, Pontius Pilatus inom, afuni endakwe mene inom, afuni Israel mene inom, hat honggwarek hamlogo Yesus, nit afuni telninabuageluk menfesigin mene a'nogo, wasuogeluk eberogoat o yoma andogosi wagaikha andi faget isigin andi.

KISAH PARA RASUL 5:28

”Hiren ap andi enu hombuk palogo nen wene yagaisagubo, iluk niren fanorogo komothinafo a'nogo meneat he, hiren wene andi wialogo yagaisikhi lagepma re, afuni o Yerusalem mene yoma mondogat inelu aga andi re, ap wata mene andi re, wene nit ninoba fouwogeluk ikhi lagep higi,” iluk yagaisasukwa.

KISAH PARA RASUL 7:52

It ap Allah ane yagaisikhi lagaukwa mene omanogo, hinombalagen inebe weagerinafi'lek ekhe welagaukwa nogo? Weagerinafi lagaukwa nek anggigi. It Allah Ane yagaisikhi lagaukwa mene nen he: Allah amingmingengge obabut higithogo hilingisigin mene andi hobuk wesigin o, iluk ebe wagi'lek werek kwelek, abok tak ikhi lagaukwa mene inebe hinombalagenat inoati lagaukwa andi. Hobuk, iren abok tak isukwa mene andi ebe wagaikhemo re, hirenat at ebe wasuageluk yonggo lagik, ebe watik, egep andi.

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.

YAKOBUS 5:6

It ekhe higithogo hilingiri'lagwi mene andi, iren onggo hit hinoati le'maat wene inoba fuluk inebe inoati lagep andi ri!

1 PETRUS 3:18

Nit afuni weak hilingitorek andi faget ninenggi elugun oba, at Kristus hobuk wa'lagi'lek logoigeluk misigam fagerat katokhogo wa'lagaikhe. Ninebe Allah oba wo'ninarek lageluk he, at obabut higit hilingiterek mene nen, nit ninobabut weak hilingitorek mene faget wa'lagaikhe andi. Ebe nit afuni mene andi watukwama wa'lagaikhe meneat he, areagun mene andi Allah nen eluget fesikhe andi.

1 YOHANES 2:1

Nen, nagainafuri e. Hit weak hilingiti logoinogo iluk, wene yi lisu palogo hinoba lakfei wagi o. A'nogo meneat he, sa nen weak hilingite halok, nineisena Allah were'ma nit lebetnisikherek mene ap ekhe hulisanem werek. At andi ebe re Yesus Kristus obabut higithogo hilingiterek mene a'nogo aro.

WAHYU 3:7

A'nogo yaganetesik hobuk yaganeti logolik he: ”An weak hilingiti'lek, tegelek logolik, nane eberogoat enek igirek mene nen kwe hutarek mene Daud mene waluk kwe huti halok, afuni ekhe nen yagasugun elo'lego. Nen, kwe yagati halok, afuni ekhe nen husugun elo'legat mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Filadelfia andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palino.