KISAH PARA RASUL 3:1 - Allah Wene Fano Wene Hupla Inane

¹ Inenggi ekhe sambul he, jam 3 oba, mo hea i lageluk ugu kwelek, Petrus Yohanes emberek, afuni Allah awi wuri'mo samban ikhi lagaukwa hak uogeluk ugunem, inoba lagasukwa.

KISAH PARA RASUL 3:1 ပူးပေါင်းရင်းမြစ်များ

1RAJA-RAJA 18:36

A'nogo hilingisogo fesukwasik he, o mondok hu'mokokwe, wam, yi mene ti mene Allah faget noletarek oba arat asi wagaikhemo re, at Elia Allah ane yagaisikhi lagaikhe mene a'nogo ebe wam, Allah faget nolesigin mene a'nogo oba horokhogo higilha wagaikhesik he, samban mel isikhe: ”Neisena Allah Henupogot mene, Abraham en, Ishak en, Yakub en, fogethafi lagaukwa mene neisena. It afuni yoma nen he, nit afuni Israel mene nineisena Allah ebe eberogoat werek, iluk futfigik, nen, Elia andi Allah amingmingengge mene At Allah nenat yagatemo yoma mondogat hilingite, iluk inelu agik, uageluk,

MAZMUR 55:17

Oba nen he, an he At Allah oba nane hombuk palhu welagirego, nen At Tuhan nenat an nebe telnabigin o.

KELUARAN 29:39

Misik ekhe re, hubet warogo nolfuluk, ekhe hu'mokwe warogo nolhi logogun.

DANIEL 6:10

A'nogo yagatukwama, at raja Darius nen wene melalek a'nogo, lisu palogo enggi amusu fesikhesik he wulafikhe.

DANIEL 9:21

Samban a'nogo ugunem, afuni nen o hu'mokokwe Allah anggo warogo noletarek oba andem higithogo, malaikat enu Gabriel an attagat nabikanggoba neilenggen yethasigi mene a'nogo noba higit tarogo waga.

BILANGAN 28:4

misik ekhe re hubet warogo wogeti logogun mene faget, nen misik ekhe re hu'mokwe warogo wogeti logogun mene faget.

MATIUS 17:1

At Yesus nen a'nogo yagaisasikhesik he, hup inenggi 6 en nogo iluk, Petrus inom, Yakobus inom, agot Yohanes inom, inamu nek woginarek tom uan meneba lagasikhe. Lagasikhesik were'ma

MATIUS 26:37

A'nogo yagaisasikhesik he, Petrus inom, Zebedeus againafuri inebe pire aremnogo inom, woginarek lagaikhesik he, endawimo weak agaikhesik endawinggen heiselhikhemo re, mel yagaisasikhe:

MATIUS 27:45

A'nogo yagatu were'ma re, o lingge tulem jam 12 oba o mum agaikhesik he, o andoma mondogat huli jam 3 mumat welagaikhe.

LUKAS 1:10

A'nogo kwisikhesik nolhu kwelek, afuni hokhorogo o silimo andogorogo samban ugu welagaukwa.

LUKAS 18:10

”Ap inebe pire mene samban uogeluk, Allah awi wuri'mo kwi lagaukwa. Ap ekhe re, Farisi mene. Nen, ekhe re, uang pemerintah faget kino iluk andogoterek mene.

LUKAS 22:8

Nogoin higit agaikhemo re, at Yesus nen Petrus Yohanes emberek lakfisikhi logolik he, mel yagaisasikhe: ”Nit seni Paskah faget wam domba ninom nouwogen he, lambik weragaisogo tegelogo fembik logoino o,” iluk a'nogo yagaisasikhemo,

LUKAS 24:53

Wagaukwasik, Allah awi wuri'mo logolik he, Allah fogeratu mondok welagaukwa.

YOHANES 21:7

A'nogo elok legagaikhemo logolik, at Yesus agoromi mene ekhe, at endawinggen hundik mene a'nogo nen he, Petrus mel yagatikhe: ”Petrus, ap ari ninoe Enupogot a'nogo aro,” iluk yagatikhe. At Yesus agot a'nogo nen, ”Ap ari ninoe Enupogot a'nogo aro,” iluk Petrus yagatunem esanggo holhikhesik he, asu endakwe mene nonggologo fesikhesik welagaikhe mene weak-weak laberasikhesik he, ima pokhogo pisikhe.

KISAH PARA RASUL 10:3

A'nogo ugu mondok logolik he, enggi ekhe sambul, o mo hea i lagu kwelek jam 3 hak, abikanggo mel hasikhe. Malaikat Allah nen yonggo pelakfisa wagarek mene omanogo ekhe pi wagaikhesik at oba kwisikhesik he, ”Kornelius,” iluk yagatikhe.

KISAH PARA RASUL 10:30

A'nogo yagaisasikhemo, at Kornelius nen he, ”O uage, mo hea i lagu kwelek, jam 3 ba o yi'nogo hilinglagunemat an naiba samban igi. Samban a'nogo ugunem he, ap ekhe asu amulit hokho laberek mene an neilhanemat menlasi pi waga.

KISAH PARA RASUL 2:46

A'nogo hilingiti logolik he, inenggi ekhe kamo igi'lek hundik-handigat Allah awi wuri'mo andogotik, inendawimo inagaiyek hikhi logolik, inendawinggen sebelek logolik inailokwe sumburu inom kurogo ninggik, ikhi lagaukwa.

KISAH PARA RASUL 3:3

O andi sambul fesukwama hurek were'ma re, Petrus Yohanes emberek Allah awi wuri'mo kuogeluk ugunem, eilenggen isasikhesik he, iren yi mene ti mene ekhe wogosuageluk kino yagaisasikhe.

KISAH PARA RASUL 3:4

Kino yagaisasikhemo re, it emberegen ineilenggen oba lourogo fikhi logolik he, at Petrus nen, ”Heilenggen yet nisan,” iluk yagatikhe.

KISAH PARA RASUL 4:13

It Petrus Yohanes emberek inailo lek logolik, wene fakhogo a'nogo yagaisugunem he, it ap omanogo nen fogerinafi logolik he, ”Ap yi sekolah yanggulhi'lek. We, inonggot meneat he, Yesus inom nikhi lagaikha mene a'nogo nen higi,” iluk futfisasukwa.

KISAH PARA RASUL 5:25

A'nogo inendawinggen fitu were'ma, ap ekhe wagaikhesik he, ”Ap yi sani. Hit ap inenggi hele warogo fisegep a'nogo re, Allah awi wuri'mo mendek logolik, afuni hokhorogoat wene yagaisili'lagwi o,” iluk yagaisasikhe.

KISAH PARA RASUL 8:14

A'nogo hilingitukwama, afuni nen he, ”Afuni o Samaria mene Allah ane wanha o,” iluk ikhi lagaukwama, it ap Yesus nen inebe wenagaisogo inayonggo fuluk lakfisasikhe mene omanogo, o Yerusalem logolik, inesanggo holhukwasik he, Petrus Yohanes emberek afuni Samaria mene inoba lakfisa wagaukwa.

GALATIA 2:9

A'nogo futninobagasukwasik he, it Yakobus inom, Petrus inom, Yohanes inom, Allah againafuri nen he, ”Nit ninogogwi it werek,” iluk agarek mene nen he, ”Hiren he, wene afuni endakwe mene yagaisilik lano. Nen, niren he, afuni inagap inenggalimo mene palek mene faget yagaisilik logoin. Ninom hundigat hilingiti logouwok,” iluk he, Barnabas nemberek ninenggi fak-fak hai wa'ninafukwa.