KISAH PARA RASUL 27:4 - Allah Wene Fano Wene Hupla Inane

⁴ Lagaikhesik, hobuk wagaikhesik he, o andoma nen i agum ebene e soba waga logolik, sogoi ninelokhekwe nen laga lagaikhemo re, i alonggenma enu Siprus andi abel fenakwe re, sogoi kwe pale'ma fano iluk andikwe wagagu.

KISAH PARA RASUL 27:4 ပူးပေါင်းရင်းမြစ်များ

MATIUS 14:24

Werek kwelek, agoromi omanogo e so warogo yatmaat i enggen tulem asi wagaukwasi'mo nen, aninirogo inelokhe kwe nen funha wagaikhemo, i esinggen foinalogo hokhorogo lagakhi logolik, e so a'nogo abel enden-fenden hikhi lagaikhe.

MARKUS 6:48

O hubagaikhesik he, hubanggo re, sogoi inelokhe kwe nen funha lagaikhemo re, it e so aninirogo watunem, Yesus eilenggen yerisa wagaikhe. Eilenggen yerisa wagaikhesik he, o hil mogolhu kwelek, at eisok i agum ebene filik lagaikhesik inoba wagaikhesik he, inera'lukwe kwanirogo pikhit wesigeluk hak isikhe.

LUKAS 8:22

Inenggi ekhe sambul he, at Yesus ebe inom, agoromi ane wanhi lagaukwa mene omanogo inom, e so elema kwisukwasik he, mel yagaisasikhe: ”I aik elikwe wulibuogo,” iluk yagaisasikhesik he, wulifukwa.

KISAH PARA RASUL 13:4

It Barnabas Saulus emberek Allah Areagun nen lakfisa wagaikhemo re, o Seleukia pi wagaukwa. Pi wagaukwasik he, o Seleukia andoma nen he, ima kwe i soba o Siprus i alonggenma wagaukwa.

KISAH PARA RASUL 15:39

A'nogo yagatikhemo, emberek wene haro weak palhukwasik he, inamu-inamuat pugulhukwa. At Barnabas nen he, Markus waluk he, i agum ebene nen e so warogo o Siprus wagaukwa.

KISAH PARA RASUL 21:16

Laga logolik, it afuni o Kaisarea mene Yesus ane wanhukwa mene ekhe ninomat lagagu. Ninom lagagusik, iren wo'ninarek, ap ekhe enu Manason, aiba ero o Siprus mene, Yesus ane attagaren wanhikhesik o Yerusalem were'ma, aren wo'ninabimbikk aiba logouwageluk, wo'ninarek kwisukwama andoma ap pogat welagagu.

KISAH PARA RASUL 21:3

Laga logolik he, i alonggenma o enu Siprus andi ninenggi harekwe nineilenggen yethilik-hilik i agum ebene laga lagagusik, o propinsi Siria nen he, o kota Tirus wulifugu. Wulifugusik, andoma nen, sunggwe e so elema waluk lagaukwa mene wulabuogeluk isukwama re, nit e so elema nen andoma wulifugu.

KISAH PARA RASUL 27:7

Wo'ninarek kwisikhesik, hup hundik lingge hundik erogat ya nogolik waga lagagusik, wesugun higit agaikhe meneat he, o enu Knidus higit wagagu. Wagagusik, sogoi en kwe higithogo wesu lek hak agaikhemo, kwanirogo, i alonggenma enu Kreta andi abel fenakwe sogoi kwe palek fano iluk, Salmone ambisangma andi herakfisaluk pikhit wagagu.

KISAH PARA RASUL 4:36

A'nogo hilingiti logolik he, ap ekhe enu Yusuf. Unggulenu Lewi mene. Aiba o enu Siprus mene, it ap Yesus nen inebe wenagaisogo inayonggo fuluk lakfisasikhe mene omanogo nen, nit ninaneba enu inendawinggen sebelek iluk u hak, it inaneba enu Barnabas salhukwa.