KISAH PARA RASUL 27:1 - Allah Wene Fano Wene Hupla Inane

¹ Iren nit i soba o Italia lakninobagai wesuogeluk, wene arat palhukwasik he, ap tentara hokhorogo Kaisar agot esa folhi lagaukwa mene inoe kain enu Yulius nen Paulus inom, afuni inenggi hele warek mene ekhe inom, woginarek wesuageluk enggiba fesukwa.

KISAH PARA RASUL 27:1 ပူးပေါင်းရင်းမြစ်များ

KEJADIAN 50:20

Hit hinebe mondogaren an weaget nabuogeluk mondok isigipsik weaget nafigip meneat he, at Allah nen afuni yogondak werek mene hokhorogat telinabigiluk, hiren an weak hilingnafigip mene andiba fano mene hilinglasuageluk hilingitemo o.

MAZMUR 33:11

A'nogo meneat he At Tuhan nen, ”Yi'nogo hilingisigin,” iluk endawimo anggikherek mene andi re, legetfoumo re mondok elo'lek. Yi tahun ti tahun mondok-mondok welagarek.

MAZMUR 76:10

afuni o kweangma yoma sebelogo fisugunem werek mene omanogo, Haren inagap telinabigiluk, Hebe feisakhogo menla'luk wene katokhogo palhi lagen.

AMSAL 19:21

Afuni nen hilingirik logoin mene faget wene hokhorogo ayo palogo fagarek, meneat he ebe hilinglagarek a'nogo re Tuhan nen anggikherek mene nek hilinglagarek.

RATAPAN 3:27

Nit ninebe souge logolik andemat hambuget haluk hilingitarek mene yanggulugun fano.

DANIEL 4:35

Afuni inunggulenu lombok o kweangma welagaikharek mene mondogat elo'lek enego. Hat Allah re, malaikat pogoroba mene inom, afuni kweangma mene inom mondogat hendawimo anggikhi lagen higithogo hilingfisikhi lagen, neisena. Hat hendawimo anggikhi lagen mene hilingisigiluk ugunem, afuni ekhe nen, Ninggi'nogo hilingisigiluk, iluk ailo legengge heinok wokhabumo re elo'lego neisena, iluk fogerati.

MATIUS 27:54

Nen, ap tentara mene inoe kain mene inom, agoromi fena Yesus era'lu kagalek welagaukwa mene omanogo inom, lugul langethigik, yi elalin mene hilinglagik, isikhe omanogo ineilenggen hasukwasik inailo hokhorogo agaukwasik he, ”Ap yi re, Allah amlogo eberogoat higi o,” iluk isukwa.

LUKAS 23:47

A'nogo hilingitikhemo ap tentara mene inoe kain a'nogo eilenggen hasikhesik Allah fogerati logolik he, ”Ap yi eberogoat weak hilingiti'le'ma higi o,” iluk isikhe.

LUKAS 7:2

Kwi wagaikhemo, andoma ap tentara mene inoe kain ekhe amingmingengge endawinggen hundik mene oba ou hokho wanhi logolik wa'lasu hak welagaikhe.

KISAH PARA RASUL 10:1

O Kaisarea andoma ap ekhe enu Kornelius welagaikhe. At andi re ap esa hokho logalharek mene enu Italia ikhi lagaukwa andi faget inoe kain welagaikhe.

KISAH PARA RASUL 10:22

A'nogo yagaisasikhemo, iren he, ”Ap tentara mene esa folharek mene inoe kain enu Kornelius andi nen lakninobagai wagama wago. At andi obabut higithogo hilingitik, Allah ebe ailorogo welagik, ugunem, it afuni Yahudi mene mondogaren obabut palharesik he, a'nogoat abok fano agarek. At andi a'nogo hilingitunem malaikat Allah nen yonggo pelakfisa wagarek mene omanogo ekhe nen he, Petrus andi nen wene hat hesanggo holigin mene yagahesigin werego, iluk hat hayonggo lakninobagai wesuageluk yagatemo, aren lakninobagai wagama hoba wago o,” iluk yagatukwa.

KISAH PARA RASUL 16:10

Abikanggo a'nogo hasikhemo, niren he mel isugu: ”Wene fano wene it afuni andoma mene yagaisa loageluk, Allah nen ninayonggo fikhe higi,” iluk isugusik he, o Makedonia wulibi wesuogeluk isugu.

KISAH PARA RASUL 18:2

Ebe oan wagi'lek werek kwelek, ap kain Klaudius nen he, ”Afuni Yahudi mene inebe o kota Roma logogun lek. Mondogat hela wulibuago,” iluk wene palhikhemo re, ap Yahudi mene ekhe enu Akwila. Ebe o Pontus ta'lagaikhe mene. Agwe enu Priskila emberegat, o Italia nen it tak o Korintus kerat lagaukwasik were'ma, at Paulus hobuk wagaikhesik isa wagaikhe andi.

KISAH PARA RASUL 19:21

A'nogo hilingitukwama, at Paulus endawimo nen anggikhi logolik he, ”O propinsi Makedonia lagaikhesigen he, o propinsi Akhaya wesimbigen pikhit, o Yerusalem lagain,” iluk endawimo anggasikhesik he, ”Lambik hobuk nambotkwe wesimbik, o kota Roma neilenggen ha lagain aro,” iluk isikhe.

KISAH PARA RASUL 21:32

Yonggo lagaukwama, aren he, agoromi tentara mene kaindek inom, inagoromi inom, woginarek afuni inane sagalhi lagaukwaba andoma fungusegat lagaikhe. Lagaikhemo, ineilenggen hasukwasik, ”Tentara inoe kain a'nogo agoromi woginarek waga,” iluk inailo nen Paulus yei wati lagaukwa mene a'nogo herakfesukwa.

KISAH PARA RASUL 22:26

Yagatunem, kain a'nogo nen yonggo ap tentara esa folhi lagaukwa mene inoe kain a'nogo oba lagaikhesik he, ”Hat ninggi'nogo hilingisigeluk egen mene nogo. Ap yi ebe o Roma awiwerek mene aro,” iluk yagatikhe.

KISAH PARA RASUL 23:11

A'nogo yagaisasikhemo waluk kwisukwama re, o andi sambul hubanggo, Tuhan Yesus Paulus era'lu menlasi kwisikhesik he, mel yagatikhe: ”Haren he, wene an faget o Yerusalem yoma fakhogo yagaisegen andi hak, hobuk o Roma andoma a'nogoat fakhogo yagaisa lagainat andi nen he, hendawinggen hambukhogo logoino o,” iluk yagatikhe.

KISAH PARA RASUL 23:17

Elurogo yagasi kwisikhemo, at Paulus nen ap tentara mene kain ekhe ebe wolhasikhesik he, mel yagatikhe: ”Noe. Ap alage yi nen, hinoe kain a'nogo wene ekhe yagasigin werego. Halok, haren at oba waluk lan o,” iluk yagatikhe.

KISAH PARA RASUL 24:23

A'nogo yagatikhesik, at agoromi tentara kain mene ekhe nen Paulus ebe kagalek logouwageluk mel yagatikhe: ”Haren Paulus fisogo logolik, serogo nikhi logouwageluk herakfisano. Nen, afuni at mene nen yi mene ti mene at amolo mene lebethouwogeluk ugu halok he, wenagisagun o. Herakfisikhi logoino,” iluk komoratikhe.

KISAH PARA RASUL 25:12

A'nogo yagatikhemo, ap ekhe at Festus inom logolik, ”Yi'nogo hilingisuok, ti'nogo hilingisuok,” iluk inom ikhi lagaukwa mene inomen, ”Yi'nogo hilingisuok,” isukwasigen Paulus mel yagatikhe: ”Haren he, wene yi, ap Kaisar en ero heragaisogo elugun wasuago, iluk egen andi nen, Kaisar oba lakhobagagin aro,” iluk yagatikhe.

KISAH PARA RASUL 25:25

Iren a'nogo ili'lagwi meneat he, an nen wene andi ero herati mene re, aren weak ekhe eberogoat hilingitunem, wene inoba fuluk inebe inoatarek mene ekhe hilingitunem higi lek. Meneat he, at onggwaregen he, wene yi ap Kaisar en ero heragaisogo elugun wasuak, iluk ikhemo, Kaisar oba lakfeigeluk igi andi o.

KISAH PARA RASUL 27:11

A'nogo yagaisasikhe meneat he, ap tentara inoe kain a'nogo nen Paulus ane oak sagalogo herakfisaluk, it ap yabu e soba hilingiti lagaukwa mene inoe kain andi inom, e so ebe waluk nikherek mene andi inom, emberek inane holhikhe.

KISAH PARA RASUL 27:43

A'nogo inoasuogeluk isukwa meneat he, it inoe kain a'nogo nen Paulus teligeluk he, ”A'nogo hilingisugun lego,” iluk wene palhikhe. Wene palhikhesik he, ”Kume hinelu mene tak pokharogo ima pimbik i aik oba wulibi lani o.

KISAH PARA RASUL 27:6

Andoma nen ap tentara mene inoe kain a'nogo nen e so ekhe o Aleksandria mene o Italia wesuogeluk ugunem hasikhesik he, nit wagagu mene a'nogoba nen, e so iren mene a'nogoba wo'ninarek kwisikhe.

KISAH PARA RASUL 28:1

Ninebe telogo i aik oba wulifugusik were'ma, it afuni andoma mene nen, ”O i alonggenma yi enu Malta,” iluk yaganisasukwa.

KISAH PARA RASUL 28:16

Andoma nen o kota Roma arat wagagumo, it ap kaindegen he, ”Paulus ale'ma logouwak. Werek kwelek, ap tentara mene misigaren kagalek logouwak,” iluk isukwa.

IBRANI 13:24

Hiren he, it ap hinogogwi hit kwelakhinarek welagaikharek mene mondogat inom, Allah againafuri fena mondogat inom, ”Hai wathinafe,” iluk yagaisano o. Nen, ninerugwi ninagaila'lak o Italia welagaikharek mene nen hai wathinafa aro.