KISAH PARA RASUL 26:7 - Allah Wene Fano Wene Hupla Inane

⁷ Attagat nit afuni Yahudi mene ninunggulenu lombok 12 yoma mondogat Allah nen he, yi'nogo fanothinabigin, iluk wene warisasikhe andi, ebe hilinginabuageluk, Allah oba himbirik logolik, linggene hubanggo, at fogeratu mondok welagaikharek. An ogo re, wene warisasikhe andi eberogoat hilingninabigin aro, iluk eberek welagi andi nenat, it ap Yahudi mene yi nen wene noba fili'lagwi yi, noe,” iluk at Agripa yagatikhesik,

KISAH PARA RASUL 26:7 ပူးပေါင်းရင်းမြစ်များ

EZRA 6:17

Iren o andi kwe huti logolik andi re, wam sapi ai mene re 100 nen inom, domba ai mene re 200 nen inom, domba eagwi mene re 400 nen inom, Allah waretukwa. A'nogo waretukwasik, it afuni Israel mene inaweak leget fisoageluk mene faget, inunggulenu 12 nen mene aremnogo higithogo, wam kambing ai mene ebe misiktek higik, lambukhogo re 12 nen mene waretukwa.

EZRA 8:35

Linggene a'nogo sambul enek he it afuni hele warogo fisa lagaukwa ma nen wagaukwa mene omanogo inebe mondogaren, Tuhan Allah afuni Israel mene ineisena a'nogoba wam Tuhan endawimo agaiyek hoageluk mene warogo noletukwa. Andi sambul wam watukwa mene it afuni Israel mene inebe lambulogo faget he sapi ai mene 12 nen inom, domba eagwi 77 nen inom watukwa. Andi nen fena re nit ninonggwarek faget ninaweak lek hilingisogo ninobagauwageluk Tuhan kino yagati logolik faget iluk he, wam kambing 12 nen watugusik he, mondogat warogo re Tuhan obaget iluk nolhugu.

MATIUS 19:28

at Yesus nen he, ”An nen eberogoat yagahisak. Hit an nombo'ne nikhi lagep mene yi re, yi mene ti mene Allah nen hobuk ket hunogoat hilingisumo nen, an abat ta'lasi wagagi a'nogo hobuk wesimbik, foge'nafu kwelek, nobalik oba andoma kain were'ma, hit nera'lu andoma hinobalik 12 nen talek oba kainat logolik, afuni Israel mene inunggulenu 12 nen omanogo hiren wene inoba figik, kotik, ikhi logogun o.

LUKAS 2:25

Andi sambul ap o Yerusalem mene ekhe enu Simeon. At obabut he, fano, Allah ailorogo logolik, mondok higithogo hilingiti lagaikhe. A'nogo hilingiti logolik, afuni Israel mene inendawimo fanorinabi wesigin mene andi nenangorogo were'ma, Allah Areagun oba louk isikhemo welagaikhe.

KISAH PARA RASUL 20:31

Hinendawinggen wenggelogo logoino! An o mo lagagik pigik ugu kwelek 3 tahun ninom logolik he, kamo igi'lek linggene nen, hubanggo nen, le aga logolik, hinebe lombok komothinafi lagi a'nogo, hinendawimo eberek logoino o.

KISAH PARA RASUL 24:15

It ap yi nen he, afuni fano hilingiri'lagwi mene inom, weak hilingiri'lagwi mene inom, inebe wa'lasimbik were'ma eberogoat Allah nen inelugerinabigin, iluk inendawinggen Allah oba himbirik werek andi hak, an a'nogoat welagi o.

KISAH PARA RASUL 26:2

”Agripa noe. Wene it ap Yahudi mene nen wene noba fili'lagwi andi, noba le'ma aro, iluk nebe elelerogo wene hat heilhanemat yogondak igin yi re, nendawimo nagaiyek anggikhi lagi o.

KISAH PARA RASUL 26:3

Nit afuni Yahudi mene hilingitorek mene andi inom, wene ninane hunogo tomok ogorek mene andi inom mondogat hat helu andi nen, nane harat yagahesigeluk nendawimo nagaiyek anggikhi lagi o. Halok, yagahetu kwelek, hendawimo puk agi'lek hesanggo hologo logoino, noe.

KISAH PARA RASUL 28:20

Nit afuni Israel mene nen he, ap ekhe wesigin o, iluk ninendawinggen at oba eberek welagorek a'nogo fagerat nenggi hele warogo nobagasukwama welagi yi. Andi nenat he, hit hinebe noba wagunem wene yagahisageluk hinayonggo figi andi o,” iluk yagaisasikhe.

1 TESALONIKA 3:10

Hit hinendawinggen Kristus oba himbiret fesigip meneat he, oan hangge andi nen, nit ninebe hinoba wesimbigen hinendawinggen hobuk ago wathinobagai wesuogeluk samban hit faget linggene hubanggo ugu mondok welago.

1 TIMOTIUS 5:5

Mene re, hemi sogwe eberogoat afuni ero it mene le'ma inalegat logolik he, ”Allah nenat lebe'nisagain,” iluk, inendawinggen at oba himbiret fuluk, linggene hubanggo ayonggo figik, kino yagatik, ugu mondok welagaikharek.

YAKOBUS 1:1

At Iblis nen hinendawinggen kagaligeluk yi enggin ti enggin hinoba fugunem hinendawimo hinagaiyek hikhi logoni o.