KISAH PARA RASUL 26:2 - Allah Wene Fano Wene Hupla Inane

² ”Agripa noe. Wene it ap Yahudi mene nen wene noba fili'lagwi andi, noba le'ma aro, iluk nebe elelerogo wene hat heilhanemat yogondak igin yi re, nendawimo nagaiyek anggikhi lagi o.

KISAH PARA RASUL 26:2 ပူးပေါင်းရင်းမြစ်များ

MAZMUR 119:46

Haren wene yi'nogo hilingiti logoino ti'nogo hilingiti logoino iluk yaganisasigin mene andi re, an nen it raja-raja omanogo inoba fageti logogin, an he nenggali asigin lek.

MATIUS 10:19

Hinanema a'nogo wanuageluk wokhinarek lagaikha halok he, hiren onggo yagaisogoin andi sambul at Allah nenat hinendawimo kagaligin. Halok he, onggo ninggi'nogo yagaisogoin iluk hinendawinggen fitubo.

LUKAS 12:11

Hit hinanema wanuageluk, afuni nen it ap Yahudi mene samban agarek oba andoma inom, it ap pemerintah mene ineilhanem andoma inom, it ap inenupogot ineilhanem inom, wokhinarek hinobagai lagu halok he, hinendawimo nen he, Nit ninagap telogo wene re onggo ki mene ugun, iluk hinendawinggen fitubo.

LUKAS 21:12

Mene re, andi mondogat oan hilinglagi'lek werek kwelek he, attak he, afuni nen hinebe fakhinobagambik yi enggin ti enggin hilinghinafik, o samban agarek oba wokhinarek lagik, hele warogo fisagarek oba kwelakhinobagagik ap inenupogot inom, ap kain gubernur lak inom inoba wokhinarek lagik, ugun andi re, iren he an nenu ikhi logolik, hit at agoromi, iluk a'nogo hilinghinabugun o.

KISAH PARA RASUL 25:26

Mene re, wene at oba faga mene andi ero heratunem, an nen futfigi'lek nonggot agama wene andi faget lisu palogo ninoe kain Kaisar oba ninggi'nogo lakfogoin heat agama nen he, nerugwi nagaila'lak. Hit mondogat inom, ebe esin hangge noe Agripa inom, hinomen wene Paulus oba faga mene andi, ero heratunem, an fut fembik lisu furogo palogo lakfagain iluk nendawimo anggigirigen at ebe hinoba waluk wagi yi.

KISAH PARA RASUL 26:1

At Agripa nen he Paulus mel yagatikhe: ”Wene hat honggwarek faget yagane'nogen iluk yagaheti o,” iluk yagatikhemo re, at Paulus enggi liakfesikhesik hai wati logolik mel yagatikhe:

KISAH PARA RASUL 26:19

A'nogo yagatikhesik, ekhe mel yagatikhe: ”Andi nen, Agripa noe. Allah nen Yesus nelokhoma menlasuageluk lakfei wagaikhe mene andi, ane hologo hilingiti logoigeluk nomamerogo hilingitu mondok welagi.

KISAH PARA RASUL 26:26

”Agripa noe. Wene yi mondogat hat helu andi nen, an hat heilhanem nailo lekhogo ikhi lagi. Wene andi, o hinagoma hilinglagi'lek. We, weinama hilinglagaikhe andi nen, wene andi ekhe hat honggot welagen, iluk nendawimo anggikhi lagi lego.

KISAH PARA RASUL 26:3

Nit afuni Yahudi mene hilingitorek mene andi inom, wene ninane hunogo tomok ogorek mene andi inom mondogat hat helu andi nen, nane harat yagahesigeluk nendawimo nagaiyek anggikhi lagi o. Halok, yagahetu kwelek, hendawimo puk agi'lek hesanggo hologo logoino, noe.

KISAH PARA RASUL 26:7

Attagat nit afuni Yahudi mene ninunggulenu lombok 12 yoma mondogat Allah nen he, yi'nogo fanothinabigin, iluk wene warisasikhe andi, ebe hilinginabuageluk, Allah oba himbirik logolik, linggene hubanggo, at fogeratu mondok welagaikharek. An ogo re, wene warisasikhe andi eberogoat hilingninabigin aro, iluk eberek welagi andi nenat, it ap Yahudi mene yi nen wene noba fili'lagwi yi, noe,” iluk at Agripa yagatikhesik,