KISAH PARA RASUL 26:16 - Allah Wene Fano Wene Hupla Inane

¹⁶ Mene re, hebe menlame. An nebe helokhoma menlasi wagi yi. Hat hebe an namingmingengge kwimbik logolik, yogondak heilenggen neegen mene inom, hobuk nebe helokhoma menlagunem neagain mene inom, afuni ekhe yagaisikhi logoinogen iluk, hayonggo figi andi.

KISAH PARA RASUL 26:16 ပူးပေါင်းရင်းမြစ်များ

YEHEZKIEL 2:1

A'nogo hilingi'mo neilenggen higirik, an nebe talorogo kweangma nelokhe sogoum hulambeti. A'nogo hulamberek logolik were'ma nen he, ane ekhe an noba ikhi logolik mel yaganete, ”Afuni wa'lagaikharek mene yi re, hat he An nemberek wene ane ugun enggere menlame o,” iluk yaganete.

DANIEL 10:11

A'nogo menlagimo malaikat a'nogo nen an noba ikhi logolik, ”Daniel, hat he Allah nen endawi hundik hilinghabi'lago. An he hat hambit wesuageluk lak nobagai wagama wene yi yagahesigiluk wagi enggere hafe hebela'luk menlasimbik he an nen nane igin mene yi fanorogo holin o,” iluk yaganete. A'nogo yaganetu kwelek aremnogo an nebe noak leik-leigenggerik menlagi.

KISAH PARA RASUL 20:24

A'nogo meneat he, an nebe neluk logogin andiat esin iluk andi mene esinet fikhi lagi lek, we Tuhan Yesus nen nayonggo fikhi logolik, aren he, Allah obabut fano nen hilinginaferek wene fano wene andiat yagaisilik lano o, iluk nayonggo fesikhe andiat wurep oba kobokhogo hilingisigeluk esinet fikhi lagi o.

KISAH PARA RASUL 21:19

Kwisugusik he, hai warinafugusik, at Paulus nen he, ”Afuni endakwe mene faget yi'nogoat hilinginafi lagi, ti'nogoat hilinginafi lagarik wagi, andi ebe re, Allah nenat hilinginafi laga,” iluk wene pilingisogo yagaisasikhe.

KISAH PARA RASUL 22:10

Inesanggo a'nogo holhi'lek werek kwelek, an nen he, Noe. An ninggi'nogo hilingisik, iluk yagatunem, aren he, hebe menlasimbik he, o Damsyik kwino. Kwimbik were'ma, haren Allah amolo mene mondogat hilingisigin mene faget ap ekhe nen yagahesigin a'naga o, iluk yaganetikhe.

KISAH PARA RASUL 23:11

A'nogo yagaisasikhemo waluk kwisukwama re, o andi sambul hubanggo, Tuhan Yesus Paulus era'lu menlasi kwisikhesik he, mel yagatikhe: ”Haren he, wene an faget o Yerusalem yoma fakhogo yagaisegen andi hak, hobuk o Roma andoma a'nogoat fakhogo yagaisa lagainat andi nen he, hendawinggen hambukhogo logoino o,” iluk yagatikhe.

KISAH PARA RASUL 26:15

A'nogo yaganetikhemo, an nen he, Eige, Noe. Hat sa, iluk yagatigi. Yagatunem Tuhan nen he, An Yesus o. Yi enggin ti enggin hilingnabigeluk mu'narek nikhi lagen mene a'nogo aro.

KISAH PARA RASUL 6:4

Menfisamo, it a'nogo hilingitu kwelek, niren he, samban igik, wene ebe wene andiat yagaisigik, ikhi logogun,” iluk yagaisasukwa.

ROMA 1:5

At wa'lagaikhemo nen Allah Areagun en eluget fesikhe andiba, an nen yi afuni ti afuni inunggulenu lombok inendawinggen at Yesus oba himbiret fuluk ane hologo hilingiti logogun mene yagaisugunem, at enu hokho asuageluk Allah obabut fano nen nayonggo fesikhesik laknobagai wagaikhe o.

ROMA 15:16

An nebe at Kristus Yesus awe a'ma logolik afuni endakwe mene woginabuageluk nayonggo fesikhemo, at Allah endawimo fanorogo Areagun andiba it inebe Allah awe a'ma inobagauwageluk, at ane fano wene andi yagaisilik nikhi lagi o.

2 KORINTUS 4:1

At Allah ninebe endawi nen he, at faget yi'nogo hilingiti logouwageluk ninayonggo fesikhe andi nen he, ninendawimo puk a'luk herakfisigi'lek hilingitoat welago.

2 KORINTUS 5:18

Mene re, yi mene ti mene andi mondogat at Allah nenat hilingiterego. At Kristus hilingitikhe andiba, Allah onggwarek ninom lambukhogo ninobagasikhe. A'nogo ninobagasikhesik he, afuni ekhe at inom inambotkwe lambukhogo inobagaigeluk wene andi niren yagaisoageluk nit ninoba fesikhe.

GALATIA 1:12

Wene andi, afuni nen wo'netik, yaganetik, isukwama wanhigi fuk. We, wene andi, at Yesus Kristus endawimo hinago welagaikhe mene, arenat fakhogo yaganetikhemo wanhigi o.

GALATIA 2:2

A'nogo lagagu andi re, Allah nen, ”Hat o Yerusalem at logogin aro,” iluk nendawimo yaganetikhe andi nen lagagisik he, fano wene andi it afuni endakwe mene yagaisilik nigirek andi, ”Wene ebe yi'nogo,” iluk senggerogo yagaisigirik he, an attagaren, yogondak ya nen, ninghogo hilingiti lagi mene andi, we tulemat hilinglasinogo iluk he, it inogogwi mene inebe inale'ma fisaluk yagaisasigi.

EFESUS 3:3

Wene at Allah endawimo hinago welagaikhe mene andi, an fakhogo yaganetikhe, iluk lisu katokhogo palogo yagahisasigi andi.

KOLOSE 1:23

Halok he, fano wene hinesanggo holhigipsik he, hinendawimo nen: ”Hobuk fano asigin,” iluk, anggasigip mene andi, hinendawinggen abolok iluk kobokhogo herakfisigi'lek ninghogoat fisogo logoino. Fano wene andi, aren o yi awi ti awi afuni inebe mondogat yagaisasikhe wene andi yagaisilik nikhi logouwageluk, an Paulus nayonggo fesikhe andi.

KOLOSE 1:25

An he, Allah nen hit faget at againafuri mene mondogat inamingmingengge logouwageluk nayonggo fesikhemo, wene Allah nen isikhe wene andi mondogat yagaisilik nikhi logou hagat yagaisilik nikhi lagi andi.

KOLOSE 1:7

Fano wene andi, at Epafras ninagailak ninendawi mene nen yagahisugunem yanggulhigip andi. At ebere, Allah amingmingengge nit ninom higirat logolik, Kristus nen ayonggo fuluk, lakfei wagaikhemo, niren yagahisa hak ninobali'mo obabut humbunhogo logolik yagahisili'logo andi.

1 TESALONIKA 3:2

Werek kwelek he, at ninagot Timotius, fano wene Kristus hilingitikhe wene a'nogo ninomat, Allah faget yagaisilik nikhi lago mene a'nogo, afuni nen yi enggin ti enggin hilinghinabi'lagwi andi nen, hit hinendawinggen Kristus oba himbiret fesigip mene abolok inogo iluk, hinendawinggen ago wathinafik, komothinafik ikhi logouwageluk hinoba lakfei wago andi o. Yi enggin ti enggin hilinghinabi'lagwi andi, Allah nen wena'ninafi logoligat: ”A'nogo hilinghinafi logogun,” iluk isikhe hagat hilingninabi'lagwi andi hineluaro.

1 TIMOTIUS 1:12

An attak he, Yesus abok weak palhik, ebe nendawimo nen sebelfuluk Allah againafuri mene yi enggin ti enggin hilinginafik, ikhi lagagi meneat he, ninoe Enupogot Kristus Yesus endawitnafikhesik, ”Haren hobuk an faget hendawinggen lenurogo hilingiti logogin,” iluk, wene yi an noba fuluk nayonggo figik, omame wo'netik, isikhe andi. A'nogo weak hilingiti lagagi andem sambul he, an nendawinggen ninoe Enupogot Kristus Yesus oba himbiret figi'lek logolik, a'nogo hilingisu lek meneat he, nonggoren hilingiti lagagi andi nen, aren nebe endawitnafikhe andi nen, hai wati lagi o.

1 TIMOTIUS 4:6

Wene fano wene ninendawinggen Allah oba himbiret fogorek mene a'nogo yagaheti lagagumo, haren wanhigindik higithogo hilingiti lagen andiba hebe sougwet hafunem he, wene yogondak yagaheti andi ninerugwi ninagaila'lak Allah againafuri mene ekhe yagaisikhi logoino. A'nogo yagaisikhi logogin halok he, hat Kristus Yesus amingmingengge logolik, at faget fanorogo hilingiti logogin andi.

2 TIMOTIUS 4:5

It a'nogo hilingitu kwelegat he, hat he, yi mene ti mene faget, hobabut hebelogo logolik, hoba yi enggin ti enggin hikhi logolik, hafe morogoat logoino. Fano wene yagaisilik nikharek andi meneat esinet fuluk he, Allah nen, ”Yi'nogo leberisikhi logoino,” iluk, hayonggo fesikhe mene andi ekhe herakfisigi'legat higithogo hilingiti logoino.