KISAH PARA RASUL 26:1 - Allah Wene Fano Wene Hupla Inane

¹ At Agripa nen he Paulus mel yagatikhe: ”Wene hat honggwarek faget yagane'nogen iluk yagaheti o,” iluk yagatikhemo re, at Paulus enggi liakfesikhesik hai wati logolik mel yagatikhe:

KISAH PARA RASUL 26:1 ပူးပေါင်းရင်းမြစ်များ

MAZMUR 119:46

Haren wene yi'nogo hilingiti logoino ti'nogo hilingiti logoino iluk yaganisasigin mene andi re, an nen it raja-raja omanogo inoba fageti logogin, an he nenggali asigin lek.

AMSAL 1:24

Yagahisagain iluk, an nen naneba wolhinafik, nenggi lamok igik, igirek meneat he, Ninabit, iluk herakfisikhi lagep andi.

AMSAL 18:13

Wene ebe heinok wogisugu mene holhi'legengge nen onggo weak-weak agarek mene andi re, afuni inendawimo wusu lek hak kembu mene nen agarek ili'lagwi.

AMSAL 18:17

Wene higithogo tegetunem omanogo nen ane attak ikherek mene andi re eberogo mene hangge ikherek, oba nen he ane ikherek mene a'nogo re it fenakwe fikhit mene waga logolik at inom onggo-onggo ikhi logolik a'nogoba nen weinam agarek.

YEHEZKIEL 16:27

Yogondak An nen hat unggum wokhesigiluk hilingiti lagi. An nen fanot hobagakhi lagi mene omanogo oak waganogo wanigin. An nen hat hebe waganogo re ap Filistin mene nen inanini hoba figik, hobabut mondok weakhogo nek hilingitunem hebak inaferogo kumut hiigik ikhi logouwageluk it inenggiba hobagakhi lagi.

YOHANES 7:51

”Ap yi sani. Wene Allah nen komotninafikhe wene andiba re, ap ekhe ane inesanggo holhi'legat, nen, at hilingite mene wene ero tukhumhogo inonggot logoligat he, wene tak pikhit oba fogoin, iluk isikhe nogo? Lego,” iluk yagaisasikhemo,

KISAH PARA RASUL 22:1

”Nogogwi nagoromi. Wene yi an noba le'ma o, iluk nonggwarek nebe elelerogo yagahisagain yi re, hinesanggo fanorogo holino,” iluk ugunem,

KISAH PARA RASUL 25:16

Yaganeta menere, an nen onggo mel yagaisigi: Nit afuni Roma mene hilingitorek he, ap ekhe wene oba fugunem, it wene oba fogoin mene nen ap andi ebe yagatunem, aren onggo it yagaisigi'le'ma re, inebe inoasuageluk wogisogoin lek, iluk yagaisigi.

KISAH PARA RASUL 25:27

A'nogo hilingiti andi re, wene ero heragaisogo nen, yi'nogo hilingitemo, iluk lisu furogo palhi'le'ma, at enggi hele warogo lakfogoin he, elo'lek anggigirigen at ebe waluk wagi andi,” iluk yagaisasikhe.

KISAH PARA RASUL 26:2

”Agripa noe. Wene it ap Yahudi mene nen wene noba fili'lagwi andi, noba le'ma aro, iluk nebe elelerogo wene hat heilhanemat yogondak igin yi re, nendawimo nagaiyek anggikhi lagi o.

KISAH PARA RASUL 9:15

A'nogo yagatikhe meneat he, at Tuhan nen he, ”Lan o. Aren he, afuni endakwe mene inom, inogogwi kaindek mene inom, afuni Israel mene inom, an nenu yagaisilik nikhi logouwageluk, an nen ap andi ebe heragaisogo ayonggo figimo o.

ROMA 10:21

Nen, Allah nen afuni Israel mene mel yagaisasikhe: ”An huberen, linggene nen, hu'mokwe nen, afuni yoma woginabigeluk nenggi langhogo welagi meneat he, inesanggo holhi'lek nane oak sagalhuat werego,” iluk yagaisasikhemo, Yesaya nen yagaisasikheat.